Josue 7:9 - Ti Biblia (1973)

⁹ Ta dagiti Cananeo ken isu-amin nga agnaed iti daga isu ti madamagdanto, ket alicubcubendacamto, ket iccatendanto ti naganmi iti daga: ket ania ti aramidemto a maipaay iti naindaclan a naganmo?

Ti Baro a Naimbag a Damag Biblia

⁹ Inton madamag daytoy dagiti Cananeo ken dagiti amin a tattao iti pagilian, alikubkobendakami ket patayendakaminto amin. Ania ngarud ti aramidem tapno masalaknibam ti dayawmo?”

Josue 7:9 Iomraidhean Croise

Dagiti Salmo 115:1

Saan a cadacami, O Jehova, saan a cadacami, no di ket ita naganmo ti pangtedam iti dayag, gapu iti kinamanagayatmo, ken gapu iti pateg ti kinapudnom.

Dagiti Salmo 48:10

Cas iti naganmo, O Dios, casta ti pannacadaydayawmo agingga cadagiti pungto ti daga: ta canawan nga imam napno iti kinalinteg.

Dagiti Salmo 79:9

Saranayennacami, O Dios ti pannacaisalacanmi, tapno pacaidaydayawan ti naganmo; ket ispalennacami, ken pacawanem dagiti basbasolmi, gapu met laeng ita naganmo.

Dagiti Salmo 83:4

Kinunada, Umaycayo, ket gupdentayo ti kinanacionda; tapno ti nagan ti Israel saanen a malaglagip.

Dagiti Salmo 83:5

Ta nagtitimpuyogda amin; mangaramidda iti maysa a tulag a maibusor kenca:

Exodo 32:12

Apayapay a saoendanto coma dagiti Egipcios, a cunada, Iti dakes ti nangaonanna cadacuada, tapno patayenna ida cadagiti banbantay, ken tapno ibusenna ida iti rabaw ti daga? Ibaw-ingmo ti rungsot ti pungtotmo, ket babawiem daytoy a dakes a maibusor iti ilim.

Ezekiel 20:9

Ngem siac nagaramidac gapu iti naganco, tapno saan coma a mabassawangan iti imatang dagiti nasnacion, isu a nagnaedanda idi, nga iti imatangda nagpacaammoac cadacuada, iti panangaonco cadacuada iti daga ti Egipto.

Joel 2:17

Dagiti papadi, nga aganannong ken ni Jehova agsangitda coma iti nagbaetan ti duag ken ti altar, ket cunaenda coma, Ilacsidmo ti ilim, O Jehova, ket dica coma yawat ti patawidam iti pannacaibabain, tapno dagiti nasnacion agturayda coma cadacuada: ania ti gapu a cunaenda coma cadagiti il-ili, Sadino ti yan ti Diosda?

Mikias 7:10

Calpasanna isu makitanto ti cabusorco, ket ti bain abbonganna daydiay a nagcuna caniac, Sadino ti yan ni Jehova a Diosmo? Dagiti matac makitadanto ti tarigagayco kencuana; ita isu mabaddecto cas iti pitac cadagiti lansangan.

Numero 14:13

Ket ni Moises kinunana ken Jehova, No casta dagiti taga Egipto maammoandanto; gapu ta inaonmo daytoy nga ili babaen iti pannacabalinmo iti tengngada;

San Juan 12:28

Ama, itan-ocmo ti naganmo. Immay ngarud ti timec a nanipud langit a nagcuna: Intan-occon ket itan-occonto manen.

Deuteronomio 9:28

Di la ket ta ti daga a nangaonam cadacami cunana, Gapu ta ni Jehova dina mabalin nga ipastrec ida iti daga nga incarina cadacuada ken gapu ta ginurana ida, inaonna ida tapno patayenna ida iti tay-ac.

Josue 7:10

Ket ni Jehova kinunana ken Josue, Bumangonca; ania ti gapuna aya a nagpaclebca?

Josue 7:8

O, Apo, ania ti saoecto, iti calpasan a ti Israel timmallicud iti sangoanan dagiti cabusorna!

1 Samuel 12:22

Ta ni Jehova dinanto idian ti ilina gapu iti dackel a naganna, agsipud ta isu ti nacaay-ayo ken Jehova ti panangaramidna cadacayo nga umili a maipaay kencuana met laeng.