Josue 5:5 - Ti Biblia (1973)

⁵ Ta isu-amin a tattao a rimmuar idiay Egipto nacugitda; ngem isu-amin a tattao a nayanac iti let-ang iti dalan idi naggapuda idiay Egipto, saanda a nagcugit.

Josue 5:5 Iomraidhean Croise

San Mateo 12:7

Ngem no maammoanyo coma no ania ti cayatna a saoen daytoy: “Asi ti calicagumac ket saan a daton,” saanyo coma a dusaen dagiti awan basolda.

Taga-Roma 2:26

Ngarud no ti saan a pannacacugit tungpalennanto dagiti bilbilin ti linteg, saan aya a maibilangto ti saanna a pannacacugit, a pannacacugit?

1 Taga-Corinto 7:19

Ti pannacacugit awan papaayna, ket ti saan a pannacacugit awan papaayna; ngem ti napateg isu ti panangtungpal cadagiti bilbilin ti Dios.

Taga-Galacia 5:6

Ta ken Cristo Jesus uray ti pannacacugit, uray pay met ti saan a pannacacugit awan ti pannacabalinda no di ket ti pammati nga agaramid gapu iti ayat.

Taga-Galacia 6:15

Ta ti pannacacugit awan capapay-anna ket uray met ti saan a pannacacugit, no diket ti baro a parsua ti adda capapay-anna.

Josue 5:4

Ket daytoy ti gapuna a ni Josue nangcugit idi: isu-amin a tattao a rimmuar idiay Egipto, a lallaki, a dagiti amin a tattao met laeng ti gubat natayda iti let-ang iti dalan, iti calpasan ti iruruarda idiay Egipto.

Josue 5:6

Ta dagiti annac ti Israel nagnada bayat iti uppat a pulo a tawen idiay let-ang, agingga iti amin a nacion, a cadagiti tattao met laeng ti gubat a rimmuar idiay Egipto, naibusda, agsipud ta dida impangag ti timec ni Jehova; isuda a nangisapataan ni Jehova a dina palubosan ida a cumita iti daga isu a ni Jehova isapatana cadagiti ammada nga itedna coma cadacami, maysa a daga a pagayusan ti gatas ken diro.