Josue 3:8 - Ti Biblia (1973)

⁸ Ket ibilinmonto cadagiti papadi a mangawit iti lacasa ti tulag, a cunaem, Intono macaaycayo iti igid dagiti dandanum ti Jordan, agtacdercayto a sitatalna iti Jordan.

Ti Baro a Naimbag a Damag Biblia

⁸ Bilinem dagiti papadi a mangaw-awit iti Lakasa ti Tulag nga apaman a makagtengda iti igid ti karayan, tumapogda ket agsardengda sadiay.”

Josue 3:8 Iomraidhean Croise

2 Ar-ari 2:6

Ket ni Elias kinunana kencuana, Agdawatac kenca, agurayca ditoy: ta ni Jehova imbaonnac idiay Jordan. Ket isu kinunana, Cas sibibiag ni Jehova, ken cas sibibiag ta cararuam, a dicanto baybay-an. Ket isuda a dua napanda.

2 Cronicas 29:15

Ket inurnongda dagiti cacabsatda, ket sinantificarda dagiti bagida met laeng, ket simrecda a mayannurot iti bilin ti ari iti pannacaaramat dagiti sasao ni Jehova, tapno dalusanda ti balay ni Jehova.

2 Cronicas 29:27

Ket ni Ezekias imbilinna ti panagidatag ti daton a mapuuran iti rabaw ti altar. Ket idi nairugi ti daton a mapuuran, nairugi met ti canta ken Jehova, ken dagiti tororot agraman pay cadagiti ig-igam ni David nga ari ti Israel.

2 Cronicas 29:30

Maysa pay ni Ezekias nga ari ken dagiti pangpangoloen imbilinda cadagiti Levitas a cantaenda dagiti pangdayaw ken Jehova agraman cadagiti sasao da David, ken ni Asaf a macakita iti masacbayan. Ket kinantada dagiti panagdayaw a siraragsac, ket nagrucnoyda ket nagcararagda.

2 Cronicas 30:12

Casta met nga iti rabaw ti Juda immay ti ima ti Dios a nangipaay cadacuada a sangsangcanakem, tapno tungpalenda ti bilin ti ari ken dagiti pangpangoloen iti pannacaaramat ti sao ni Jehova.

Nehemias 13:22

Ket binilinco dagiti Levitas a gugoranda dagiti bagbagida, ket umayda ken bantayanda dagiti ruangan, tapno santificaren ti aldaw a panaginana. Lagipennac, O Diosco, iti daytoy met, ket caasiannac cas mayalubog iti kinadackel ti kinamanagayatmo.

Nehemias 13:28

Ket maysa cadagiti annac a lallaki ni Joiada, nga anac a lalaki ni Eliasib a nangato a padi, isu idi ti manugang a lalaki ni Sanballat nga Horonita: gapuna nga isu pinagtalawco nga immadayu caniac.

Exodo 14:13

Ket ni Moises kinunana cadagiti tattao, Dicayo agbuteng, agtalnacayo, ket kitaenyo ti panangispal ni Jehova nga aramidennanto cadacayo ita nga aldaw: ta dagiti Egipcios a nakitayo ita nga aldaw, uray caano dicayonto ida makitan.

Dungdung-aw 3:26

Naimbag a ti maysa a tao manginanama coma ken aguray a siuulimec iti panangisalacan ni Jehova.

Josue 3:17

Ket dagiti papadi a nangawit idi lacasa ti tulag ni Jehova nagtacderda a siiintec iti daga a namaga iti tengnga ti Jordan; ket isu-amin nga Israel nagballasiwda iti daga a namaga, agingga iti amin ti nacion nalpasda a nagballasiw iti Jordan.

Josue 3:3

Ket nagbilinda cadagiti tattao, a cunada, Intono makitayo coma ti lacasa ti tulag ni Jehova a Diosyo, ken dagiti papadi a dagiti Levitas a sia-awit kencuana, dacayo pumanawcayto iti yanyo, ket sumurotcayo kencuana.

Josue 3:7

Ket ni Jehova kinunana ken ni Josue, Ita nga aldaw rugiancanto nga itan-oc iti imatang ti amin nga Israel, tapno maammoanda coma, a cas ti caaddac idi ken ni Moises, castanto ti caaddac kenca.

Josue 3:9

Ket ni Josue kinunana cadagiti annac ti Israel, Umaycayo ditoy, ket imdenganyo dagiti sasao ni Jehova a Diosyo.

Josue 4:11

Ket naaramid, nga idi amin dagiti tattao nalpasdan ti nagballasiw, a di lacasa ni Jehova naiballasiw, ken dagiti papadi, iti saclang dagiti tattao.