Josue 3:5 - Ti Biblia (1973)

⁵ Ket ni Josue kinunana cadagiti tattao: Santificarenyo dagiti bagbagiyo, ta intono bigat ni Jehova agaramidto cadagiti datdatlag iti tengngayo.

Ti Baro a Naimbag a Damag Biblia

⁵ Imbaga met ni Josue kadagiti tattao, “Pasantoenyo ti bagiyo ta inton bigat, adunto ti makitayo a naindaklan a banag nga aramiden ti Apo.”

Josue 3:5 Iomraidhean Croise

Josue 7:13

Tumacderca, Santificarem dagiti tattao, ket cunam, Agsantificarcayo cadacayo met laeng inggana iti bigat: ta castoy ti cuna ni Jehova, a Dios ti Israel, Adda banag a naipaay iti tengngam, O Israel; dica mabalin ti agtacder iti sangoanan dagiti cabusormo, inggana iti dica ibelleng ti banag a naipaay manipud iti tengngayo.

Levitico 20:7

Pasantoenyo ngarud dagiti bagbagiyo, ket agsantocayo; ta siac ni Jehova a Diosyo.

Joel 2:16

Tiponenyo dagiti tattao, pasantoenyo ti gimongda, tiptiponenyo dagiti lallacay, urnongenyo dagiti ub-ubbing, ken dagiti agsuso; rumuar coma ti novio iti siledna, ken iti novia iti sagumbina.

1 Samuel 16:5

Ket isu kinunana, Sicacappia; umayac agdaton ken Jehova, santificarenyo dagiti bagbagiyo, ket umaycayo cumuyog caniac iti panangidaton. Ket isu sinantificarna da Isai ken dagiti annacna a lallaki, ket inayabanna ida iti panangidaton.

San Juan 17:19

Ket gapu cadacuada pagsantoec ti bagic, tapno mapagsantoda coma met iti kinapudno.

Levitico 10:3

Idin ni Moises kinunana ken Aaron, Daytoy ti imbaga ni Jehova a kinunana, Siac masantificaracto cadagiti umasideg caniac, ket iti sango ti amin nga umili maglorificaracto. Ket ni Aaron nagulimec.

Dagiti Salmo 86:10

Ta sica naidaclanca, ket agaramidca cadagiti nacascasdaaw: sicsica laeng ti Dios.

Ti Libro ni Job 1:5

Ket casta idi a dagiti al-aldaw ti panagdayada nabatangbatangdan, a nagbaon ni Job ket sinantificarna ida, ket bimmangon a nasapa iti bigat, ket nangipaay cadagiti datdaton a mapuuran cas mayalubog iti bilangda amin: ta ni Job kinunana, Mabalin a nagbasol dagiti annacco a lallaki, ket indianda ti Dios cadagiti puspusoda. Casta ti inaramid a cancanayon ni Job.

Josue 3:13

Ket maaramidto, a intono dagiti dapdapan dagiti sacsaca dagiti papadi a mangawit iti lacasa ni Jehova nga Apo iti isu-amin a lubong, maisaaddanto cadagiti dandanum ti Jordan, a dagiti dandanum ti Jordan agbingaydanto, dagiti met laeng dandanum a sumalog manipud surong; ket agintecdanto iti sangcagabsuon.

Josue 3:15

Ket idi a dagidi a nagawit idi lacasa simmalugda iti Jordan, ken dagiti sacsaca dagiti papadi a nagawit idi lacasa naitanebda idi igid ti danum (ta ti Jordan aglippias iti amin a tepteppangna iti amin a tiempo ti panagani,)

Numero 11:8

Ket nagwaras dagiti tattao ket inummongda, ket ginilingda cadagiti paggilingan wenno linutlutda iti paglebbecan, ket liningtada cadagiti bangbanga, ket inaramidda a bibbibingca: ket ti ramanna cas la raman ti baro a lana.

Josue 3:4

Ngem addanto pagbaetan isu ken cadacayo a cas iti rucod ti dua ribu a casico: dicayto dumenna kencuana: tapno maammoanyo coma ti dalan isu nga papananyo: agsipud ta dacayo dicay pay la naglasatan idi daytoy a dalan.

Josue 3:6

Ket ni Josue nagsao cadagiti papadi, a cunana, Alaenyo ti lacasa ti tulag, ket agballasiwcayo nga umununa ngem cadagiti tattao. Ket isuda innalada ti lacasa ti tulag, ket napanda idi una ti umili.

Dagiti Salmo 77:15

Sinubbotmo ita tackiagmo ti ilim, dagiti annac da Jacob ken Jose. (Selah)