Josue 3:3 - Ti Biblia (1973)

³ Ket nagbilinda cadagiti tattao, a cunada, Intono makitayo coma ti lacasa ti tulag ni Jehova a Diosyo, ken dagiti papadi a dagiti Levitas a sia-awit kencuana, dacayo pumanawcayto iti yanyo, ket sumurotcayo kencuana.

Ti Baro a Naimbag a Damag Biblia

³ ket imbagada kadagiti tattao: “Inton makitayo nga aw-awiten dagiti papadi ti Lakasa ti Tulag ti Apo a Diosyo, agrubbuatkayon ket surotenyo ida.

Josue 3:3 Iomraidhean Croise

2 Samuel 6:13

Ket idi a casta, idi a dagiti nagawit iti lacasa ni Jehova nacapagnada iti innem a caaddang, nangidatonda iti maysa a vaca ken maysa nga urbon a nalucmeg.

2 Samuel 6:3

Ket incabilda ti lacasa ti Dios iti rabaw ti maysa a carison a baro, ket isu inyegda manipud iti balay ni Abinadab nga adda idi iti turod: ket da Oza ken Ahio, nga annac ni Abinadab, pinaguyodda ti carison a baro.

1 Ar-ari 8:3

Ket amin dagiti lallacay ti Israel napanda, ket dagiti papadi inawitda ti lacasa.

Jeremias 33:18

Uray met cadagiti papadi a Levitas saandanto a macurangan ti tao iti sangoanac a mangidatag cadagiti datdaton a mapuuran, ken mangpuur cadagiti datdaton a macan, ken agaramid a cancanayon cadagiti sacrificios.

Numero 10:33

Ket nagluasda nanipud iti bantay ni Jehova a nagnada iti tallo nga aldaw ket ti lacasa ti tulag ni Jehova immununa ngem isuda iti pagnaen ti tallo nga aldaw, nga agsapulda iti disso a paginanaanda.

Numero 4:15

Ket no ni Aaron ken dagiti annacna a lallaki naabbongandan ti santuario ken amin dagiti al-alicamen ti santuario, no panagluas ti buyot; iti calpasanna dagiti annac a lallaki ni Coat umaydanto awiten; ngem didanto sagsagiden ti santuario, di la ket ta matayda. Dagitoy isuda ti awiten dagiti annac a lallaki ni Coat iti tolda ti gimong.

San Mateo 16:24

Idin kinuna ni Jesus cadagidi adalanna; no sinoman a tao ti mayat nga umay sumurot caniac paglicudanna ti bagina ket alaenna ti cruzna, ket surutennac.

San Mateo 8:19

Ket immasideg ti maysa nga escriba, ket kinunana, kencuana: Mannursuro, surutencanto uray sadino ti papanam.

Deuteronomio 31:25

Ni Moises imbilinna cadagiti Levitas nga agawawit idi ti lacasa ti tulag ni Jehova, a kinunana,

Deuteronomio 31:9

Ket ni Moises insuratna daytoy a linteg, ket inyawatna cadagiti papadi nga annac ni Levi, isuda a mangaw-awit iti lacasa ti tulag ni Jehova, ken amin a lallacay ti Israel.

Josue 3:4

Ngem addanto pagbaetan isu ken cadacayo a cas iti rucod ti dua ribu a casico: dicayto dumenna kencuana: tapno maammoanyo coma ti dalan isu nga papananyo: agsipud ta dacayo dicay pay la naglasatan idi daytoy a dalan.

Josue 3:6

Ket ni Josue nagsao cadagiti papadi, a cunana, Alaenyo ti lacasa ti tulag, ket agballasiwcayo nga umununa ngem cadagiti tattao. Ket isuda innalada ti lacasa ti tulag, ket napanda idi una ti umili.

Josue 3:8

Ket ibilinmonto cadagiti papadi a mangawit iti lacasa ti tulag, a cunaem, Intono macaaycayo iti igid dagiti dandanum ti Jordan, agtacdercayto a sitatalna iti Jordan.

Josue 4:10

Ta dagiti papadi a nangawit idi lacasa nagtacderda iti tengnga ti Jordan, aginggana iti naturpos amin a banag a ni Jehova imbilinna ken Josue a saoenna cadagiti tattao, cas mayalubog cadagiti isu-amin a ni Moises imbilinna idi ken ni Josue: ket dagiti tattao nagdarasda ket nagballasiwda.

Josue 6:6

Ket ni Josue nga anac ni Nun inayabanna dagiti papadi, ket kinunana cadacuada, Alaenyo ti lacasa ti tulag, ket pito a papadi mangicuyogda coma cadagiti pito a tangtangguyob a sara ti carcarnero a lallaki iti sangoanan ti lacasa ni Jehova.

Paltiing 14:4

Dagitoy dagiti saan a natulawan cadagiti babbai; ta virgenda. Dagitoy dagiti sumursurot iti Cordero uray adino a papananna. Dagitoy nasubbotda cadagiti tattao, a cas da umuna a bungbunga a maipaay iti Dios ken iti Cordero.

1 Samuel 6:15

Ket dagiti Levitas imbabada daydi lacasa ni Jehova, ken daydi caja nga adda idi a naicuyog kencuana, isu a yan idi dagiti alicamen a balitoc, ket incabilda ida iti dackel a bato: ket dagiti tattao a taga Bet-semes nagidatonda cadagiti datdaton a mapuuran ken nagidatagda cadagiti sacsacrificio iti daydi met laeng nga aldaw ken Jehova.