Josue 3:1 - Ti Biblia (1973)

¹ Ket ni Josue bimmangon a nasapa iti bigat; ket immalisda nanipud Settim, ket immayda aginggana iti Jordan, isu, ken amin dagiti annac ti Israel; ket nagyanda sadiay iti sacbay ti ibaballasiwda.

Ti Baro a Naimbag a Damag Biblia

¹ Kabigatanna, nasapa a bimmangon ni Josue ken dagiti amin nga Israelita. Pimmanawda idiay Settim ket nagturongda idiay Jordan. Nagkampoda iti igid ti karayan sakbay ti ibaballasiwda.

Josue 3:1 Iomraidhean Croise

Genesis 21:14

Ket ni Abraham bimmangon a nasapa iti bigat, ket nangala iti tinapay ken maysa a lalat a pagyanan ti danum, ket intedna ida ken Agar nga impacaratayna iti abagana, ket intedna kencuana ti ubing ket pinapanawna: ket pimmanaw a namagpagna iti let-ang ti Beer-seba.

Genesis 22:3

Ket ni Abraham bimmangon a nasapa iti bigat ken sinillaanna ti asnona, ket incuyogna dagiti dua nga babbarona, ken ni Isaac nga anacna; ket nangputed iti cayo nga agpaay iti daton a mapuuran, ket timmacder, ket napan iti disso a ti Dios imbagana kencuana.

Dagiti Salmo 119:60

Nagalallegac, ket diac nagtantan, a mangannurot cadagiti bilbilinmo.

Jeremias 25:3

Nanipud idi maicasangapulo ket tallo a tawen ni Josias nga anac ni Amon, ari ti Juda, agingga met laeng iti daytoy nga aldaw, dagitoy a duapulo ket tallo a tawen, ti sao ni Jehova dimteng caniac, ket insaoc cadacayo, a bimmangonac a masapa ket nagsaoac; ngem dicayo impangag.

Jeremias 26:5

Tapno ipangagyo dagiti sasao dagiti adipenco a mammadto, isuda nga ibaonco cadacayo, a bimmangonac met laeng a masapa ken imbaonco ida, ngem saancayo a nangipangag;

Jeremias 7:13

Ket ita, agsipud ta inaramidyo amin dagitoy nga aramid, cuna ni Jehova, ket nagsaoac cadacayo, a bimmangonac a nasapa ket nagsaoac, ngem saancayo a dimngeg; ket siac inayabancayo, ngem dicayo simmungbat:

Mikias 6:5

O ilic, lagipem no ania ti insicat ni Balac nga ari ti Moab, ken no ania ti insungbat kencuana, ni Balaam nga anac ni Beor; lagipem ti manipud Sittim agingga ti Gilgal, tapno maammoan dagiti nalinteg a gapuanan ni Jehova.

Numero 25:1

Ket ti Israel nagtaeng iti Sittim; ket ti ili nangrugi a nakiabig cadagiti annac a babai ti Moab:

San Marcos 1:35

Ket bimmangon iti parbangon, iti nasipnget pay laeng, rimmuar ket napan iti maysa a disso a napacni, ket idiay nagcararag.

Josue 2:1

Ket ni Josue nga anac ni Nun imbaonna manipud Settim dagiti dua nga agsiim iti nalimed unay, a kinunana cadacuada, Incayo, imatanganyo ti daga, ken ti Jerico. Isuda napanda, ket simrecda iti balay ti maysa a babai a balangcantis a managan Raab, ket nagdagusda sadiay.

Josue 6:12

Ket ni Josue bimmangon a nasapa unay iti bigat, ket dagidi papadi binagcatda di lacasa ni Jehova.

Josue 6:15

Ket naaramid iti maicapito nga aldaw, a bimmangonda a nasapa unay iti parbangon, ket linawlawda di ili iti casdi met laeng iti naminpito a daras: daydi laeng nga aldaw ti pananglawlawda iti ili cadagiti naminpito a daras.

Josue 7:16

Iti casta ni Josue bimmangon a nasapa iti bigat, ket inyasidegna ti Israel cadagiti pinutonputot: ket ti caputotan ni Juda naala:

Josue 8:10

Ket ni Josue bimmangon a nasapa iti bigat, ket inurnosna dagiti tattao, ket simmang-atda, isu ken dagiti lallacay ti Israel, iti sango dagiti tattao sadi Ai.

Uk-ukom 20:19

Ket dagiti annac ti Israel bimmangonda iti bigat, ket nagpacarsoda a maibusor iti Gabaa.

1 Samuel 17:20

Ket ni David bimmangon a nasapa iti bigat, ket imbatina dagiti carcarnero iti maysa nga agaywan, ket innalana, ket napan, cas imbilin ni Isai kencuana; ket isu dimteng iti disso dagiti luglugan idi a ti buyot a rimmuar iti gubat nagickis a maipaay iti gubat.