Josue 2:3 - Ti Biblia (1973)

³ Ket idin ti ari ti Jerico nagbaon ken ni Raab, a kinunana, Iruarmo dagiti tattao nga immay kenca, ket simrecda iti balaymo; ta immayda a mangsiim iti isu-amin a daga.

Ti Baro a Naimbag a Damag Biblia

³ Pinaibaga ti ari ken ni Rahab: “Iruarmo dagiti lallaki nga adda iti balaymo ta naibaonda a mangsukimat iti pagilian.”

Josue 2:3 Iomraidhean Croise

Genesis 38:24

Ket naaramid nga idi calpasan ti tallo a bulan, nayammo ken Juda a kinunada, Ni Tamar a manugangmo a babai nagbalangcantis; ket maysa pay, adtoy, masicug iti panagbalangcantis. Ket kinuna ni Juda, Alaenyo, ket mapuuran coma.

Genesis 42:31

Ket kinunami kencuana, Tattaocami a nacappapati; saancami nga agsimsimisim:

2 Samuel 10:3

Ngem dagiti pangoloen dagiti annac ni Ammon kinunada ken Hanon nga apoda, Pagarupem a ni David padayawanna ni amam, iti panangibaonna cadagiti mangliwliwa kenca? saan aya nga ni David imbaonna kenca, dagiti ad-adipenna a mangsukimat iti ili, ken mangsiim, tapno rebbaenna?

2 Samuel 17:20

Ket dagiti adipen ni Absalom immayda iti babai iti balay, a kinunada, Sadino ti yanda da Ahimaas ken Jonatan? Ket ti babai kinunana cadacuada, Naballasiwdan ti waig ti danum. Ket idinto nga isuda binirucda ida ket dida nasaracan ida, nagsublida sadi Jerusalem.

1 Cronicas 19:3

Ngem dagiti pangoloen dagiti annac ti Ammon kinunada ken Hanan, Pagarupem aya a ni David padayawanna ni amam, iti panangibaonna cadagiti mangliwliwa kenca? saan aya nga umay kenca dagiti ad-adipenna a mangsukimat, ken mangrebba, ken mangsiim iti daga?

Ti Libro ni Job 21:30

A ti dakes a tao maaywanan agingga iti aldaw ti kinadacsangasat? A maipanda iti aldaw ti pungtot?

Levitico 24:14

Ipanyo iti ruar ti pacarso dayta nagtabbaaw idi; ket dagiti nacangngeg kencuana ipatayda coma dagiti imimada iti olona, ket amin ti gimong batoenda coma.

San Juan 19:4

Ket ni Pilato rimmuar manen ketcunana cadacuada: Adtoy, iruarco cadacayo, tapno maammoanyo nga awan ti babac a masaracac kencuana.

Dagiti Aramid 12:4

Ket idi a natiliwna impupocna iti pagbaludan, ket inyawatna iti uppat a sagpapat a soldado nga agbantay kencuana; a cayatna nga isaclang iti umili no malpas ti Pascua.

Dagiti Aramid 12:6

Ket idi ngannganin alaen coma ni Herodes, daydi met laeng a rabii adda ni Pedro a matmaturog a sicacawar iti nagtengngaan dagiti dua a soldado, ket dagidi guardia addada iti sangoanan ti ruangan a bantayanda ti pagbaludan.

Josue 10:23

Ket inaramidda a casta, ket impanda kencuana nanipud iti rukib dagiti lima nga ar-ari, ti ari ti Jerusalem, ti ari ti Hebron, ti ari ti Jerimot, ti ari ti Laquis, ti ari ti Eglon.

Josue 2:2

Ket naidamag idi iti ari ti Jerico, a nacuna, Adtoy, ita a rabii dagiti tattao cadagiti annac ti Israel immayda ditoy a mangsiim iti daga.

Josue 2:4

Ngem di babai innalana dagidi dua a tattao, ket inlemmengna ida; ket kinunana, Wen, dagiti tattao immayda caniac: ngem saanco a naammoan no taga anoda.

Uk-ukom 4:20

Ket ni Sisara kinunana kencuana, Agtacderca iti ruangan ti tolda, ket maaramidto, a no ti uray siasinoman a lalaki a umay ken agsaludsod kenca, a cunana, Adda uray siasinoman a lalaki ditoy? sica cunaemto, Awan.