Josue 2:2 - Ti Biblia (1973)

² Ket naidamag idi iti ari ti Jerico, a nacuna, Adtoy, ita a rabii dagiti tattao cadagiti annac ti Israel immayda ditoy a mangsiim iti daga.

Ti Baro a Naimbag a Damag Biblia

² Naipadamag iti ari ti Jerico nga adda sumagmamano nga Israelita a dimteng iti dayta a rabii tapno agsiimda iti pagilian.

Josue 2:2 Iomraidhean Croise

Dagiti Salmo 127:1

No saan a ni Jehova ti mangbangon iti balay, agbannogda a bareng-bareng dagiti mangbangon: no saan a ni Jehova ti mangaywan iti ili, ti agbantay agpuyat ngem banbannogna laeng.

Dagiti Proverbio 21:30

Awan ti kinasirib wenno pannacaawat wenno patigmaan a maicaniwas ken ni Jehova.

Isaias 43:13

Wen, nanipud pannacaadda ti aldaw siac daydiay; ket awan a pulos ti macalapsut iti imac: agaramidac, ket asino ti macatiped?

Daniel 4:35

Ket amin dagiti agnaed iti lubong maibilangda a cas awan; ken aramidenna cas pagayatanna iti buyot ti langit ken cadagiti agnaed iti daga; ket awan ti manglapped iti imana, wenno agcuna kencuana, Ania ti aramidem?

Josue 2:1

Ket ni Josue nga anac ni Nun imbaonna manipud Settim dagiti dua nga agsiim iti nalimed unay, a kinunana cadacuada, Incayo, imatanganyo ti daga, ken ti Jerico. Isuda napanda, ket simrecda iti balay ti maysa a babai a balangcantis a managan Raab, ket nagdagusda sadiay.

Josue 2:3

Ket idin ti ari ti Jerico nagbaon ken ni Raab, a kinunana, Iruarmo dagiti tattao nga immay kenca, ket simrecda iti balaymo; ta immayda a mangsiim iti isu-amin a daga.

Uk-ukom 18:2

Ket dagiti annac ni Dan imbaonda a naggapu iti familiada dagiti lima a lallaki a naggapuda iti amin a bilang, lallaki a mamaingel, a naggapuda iti Saraa, ken Estaol, tapno siimenda ken sukimatenda coma a naimbag ti daga; ket kinunada cadacuada, Incayo, ket siimenyo ti daga. Ket isuda immayda iti caturodan ti Efraim agingga iti balay ni Mica, ket nagdagusda idiay.