Josue 2:1 - Ti Biblia (1973)

¹ Ket ni Josue nga anac ni Nun imbaonna manipud Settim dagiti dua nga agsiim iti nalimed unay, a kinunana cadacuada, Incayo, imatanganyo ti daga, ken ti Jerico. Isuda napanda, ket simrecda iti balay ti maysa a babai a balangcantis a managan Raab, ket nagdagusda sadiay.

Ti Baro a Naimbag a Damag Biblia

¹ Manipud iti Settim, nangibaon ni Josue iti dua nga espia ket binilinna ida a sukimatenda ti daga ti Canaan iti nalimed, nangruna ti Jerico. Idi dimtengda sadiay, napanda immian iti balay ti maysa a balangkantis a babai nga agnagan iti Rahab.

Josue 2:1 Iomraidhean Croise

Genesis 42:16

Mangibaoncayo iti maysa cadacayo, ket yegna coma ti cabsatyo, ket mabaticayo a mabalud, tapno dagiti sinaoyo mapanecnecanda, no adda met la pudno cadacayo: wenno saan, gapu iti biag ni Faraon, kinapudnona nga agsimisimcayo.

Genesis 42:9

Ket ni Jose nalagipna dagiti tagtagainepna a pinarparmatana cadacuada, ket kinunana cadacuada, Dacayo agsimsimisimcayo: immaycayo agsimisim iti kinaawan sarikedked ti daga.

Mikias 6:5

O ilic, lagipem no ania ti insicat ni Balac nga ari ti Moab, ken no ania ti insungbat kencuana, ni Balaam nga anac ni Beor; lagipem ti manipud Sittim agingga ti Gilgal, tapno maammoan dagiti nalinteg a gapuanan ni Jehova.

Numero 13:1

Ket ni Jehova nagsao ken Moises, a kinunana,

Numero 13:2

Bumaonca cadagiti lallaki nga agsimisim iti daga a Canaan nga itedco cadagiti annac ti Israel: iti tunggal caputotan dagiti ammada ti pangalaanyo iti baonenyo a maysa a lalaki, tunggal maysa a pangolo cadacuada.

Numero 25:1

Ket ti Israel nagtaeng iti Sittim; ket ti ili nangrugi a nakiabig cadagiti annac a babai ti Moab:

Numero 33:49

Ket nagtoldada iti asideg ti Jordan, nanipud Beth-jesimot agingga iti Abel-sitim iti tantanap ti Moab.

San Mateo 1:5

Ket ni Salmon pinutotna ken Rahab ni Booz; ket ni Booz pinutotna ken Rut ni Obed; ket ni Obed pinutotna ni Isai;

San Mateo 10:16

Adtoy, siac ibaoncayo a cas la carnero iti tengnga dagiti lobo: naannadcayo ngarud a cas la cadagiti uleg ken nasingpetcayo a cas la cadagiti calapati.

Taga-Efeso 5:5

Ta pagaammoyo unay, nga amin a mannakicamalala, wenno tao a narugit, wenno naagum, isu a panagrucbab cadagiti didiosen, awan ti aniaman a tawidda iti pagarian ni Cristo ken ti Dios.

Hebreo 11:31

Gapu iti pammati, ni Rahab, daydi balangcantis, saan a nairaman a napucaw cadagidi dida kinayat ti namati, nga inawatna a sicacappia dagiti agsisiim.

Santiago 2:25

Ket casta met, ni Rahab a balangcantis, saan aya a naibilang a nalinteg gapu cadagiti ar-aramid, idi inawatna dagidi naibaon, ket inturongna ida iti sabali a dalan?

Josue 1:18

Uray siasino a sumalungasingto iti bilinmo, ket saan a dumngegto cadagiti sasaom iti amin nga ibilinmonto kencuana, mapapatayto; isuna laeng a bumilegca ken umingelca.

Josue 2:2

Ket naidamag idi iti ari ti Jerico, a nacuna, Adtoy, ita a rabii dagiti tattao cadagiti annac ti Israel immayda ditoy a mangsiim iti daga.

Josue 21:31

Ti Helchath agraman cabangibangna, ken ti Rohob agraman cabangibangna; uppat nga il-ili.

Josue 3:1

Ket ni Josue bimmangon a nasapa iti bigat; ket immalisda nanipud Settim, ket immayda aginggana iti Jordan, isu, ken amin dagiti annac ti Israel; ket nagyanda sadiay iti sacbay ti ibaballasiwda.

Josue 5:10

Ket dagiti annac ti Israel nagpacarsoda idiay Gilgal; ket nagpascuada idi maicasangapulo ket uppat nga aldaw ti bulan iti rumabii cadagiti tantanap ti Jerico.

Uk-ukom 1:23

Ket ti balay ni Jose nagbaon a pinasiimna ti Bet-el. (Ti nagan ti ili idi unana a tiempo Luz.)

Uk-ukom 18:14

Idin simmungbat dagiti lima a lallaki, a napan idi nagsiim iti ili a Lais, ket kinunada cadagiti cacabsatda, Ammoyo a cadagitoy a balbalay adda efod, ken terafim, ken ladawan a kinitikitan ken ladawan a sinocog? gapuna a panunotenyo no ania ti aramidenyo coma.

Uk-ukom 18:17

Ket dagidi lima a lallaki, a napan idi nangsiim iti daga immulida, ket immayda idiay, ket innalada ti ladawan a kinitikitan, ken ti efod, ken ti terafim, ken ti ladawan a sinocog: ket ti padi nagtacder iti pagsercan ti ruangan agraman dagiti innem a gasut a lallaki a nangibarikes cadagiti igigam ti gubat.

Uk-ukom 18:2

Ket dagiti annac ni Dan imbaonda a naggapu iti familiada dagiti lima a lallaki a naggapuda iti amin a bilang, lallaki a mamaingel, a naggapuda iti Saraa, ken Estaol, tapno siimenda ken sukimatenda coma a naimbag ti daga; ket kinunada cadacuada, Incayo, ket siimenyo ti daga. Ket isuda immayda iti caturodan ti Efraim agingga iti balay ni Mica, ket nagdagusda idiay.