Josue 18:3 - Ti Biblia (1973)

³ Ket ni Josue kinunana cadagiti annac ti Israel, Casano ti cabayagyo a di mangicascaso iti ipapanyo a mangtagicua iti daga a ni Jehova a Dios dagiti ammayo intedna cadacayo?

Ti Baro a Naimbag a Damag Biblia

³ Kinuna ngarud ni Josue kadagiti Israelita, “Kaanonto a sakupenyo ti daga nga inted kadakayo ti Apo a Dios dagiti kapuonanyo? Apay nga itantantanyo?

Josue 18:3 Iomraidhean Croise

Dagiti Proverbio 10:4

Pumanglaw ti agtrabajo a naliway ti imana; ngem ti ima ti nasalucag mamabacnang.

Dagiti Proverbio 13:4

Ti cararua ti nasadut agtarigagay, ket awan mapaaddana; ngem ti cararua ti nagaget mapalucmegto.

Dagiti Proverbio 15:19

Ti dalan ti nasadut cas la alad a siit; ngem ti dalan ti nalinteg calsada a dackel.

Eclesiastes 9:10

Ti aniaman a masaracan ta imam nga aramiden, isu ti aramidem iti cabaelam; ta awan ti aramid, wenno, wenno gacat, wenno pannacaammo, wenno sirib, idiay Tanem, a papanam.

Sofonias 3:16

Iti daydiay nga aldaw macunanto iti Jerusalem, Dica agbuteng; O Sion, dica palubosan a cumapuy coma dagita im-imam.

San Mateo 20:6

Ket rimmuar iti horas a maicasangapulo ket maysa ket nasaracanna dagiti sabsabali nga agtatacder sadiay nga awan aramidda, ket kinunana cadacuada: Apayapay addacay ditoy a nagmalmalem nga awan ti maararamidyo?

San Juan 6:27

Agtrabajocayo, saan a gapu ti taraon a mapucaw, no di ket gapu iti taraon a mataginayon a maipaay iti biag nga agnanayon, nga itedto cadacayo ti Anac ti tao: ta isu pinanecnecan ti Ama a Dios.

Josue 1:6

Bumilegca ket umingelca; ta sicanto ti mamagtawid cadagitoy a tattao iti daga nga insapatac cadagiti ammada nga itedco cadacuada.

Josue 13:1

Ita ni Josue lacayen, ket nacapuyen cadagiti adu a tawtawenna; ket ni Jehova kinunana kencuana, Sica lacaycan ket nacapuyca cadagiti adu a tawtawenmo, ket adu pay laeng ti nabati a daga a matagicua.

Josue 18:2

Ket natda cadagiti annac ti Israel dagiti pito a capcaputotan, isuda a dida pay biningay ti tawidda.

Josue 18:4

Mangtudingcayo cadacayo met laeng iti tallo a tattao iti tunggal maysa a caputotan: ket ibaonconto ida, ket isuda tumacderdanto, ket pagnaendanto ti daga, ket isuda mapaendanto a cas mayannurot iti tawidda; ket isuda umaydanto caniac.

Uk-ukom 18:9

Ket isuda kinunada, Tumacdercayo, ket sumang-attayo a maibusor cadacuada; ta nakitami ti daga, ket adtoy, isu namayengmeng unay. Ket dacayo agtalnacayo? dicayo agmayamay ala a mapan ken sumrec iti panagtagicua iti daga.