Josue 15:2 - Ti Biblia (1973)

² Ket ti beddengda iti abagatan isu idi ti manipud iti caadayuan a paset ti Baybay ti Asin, manipud iti sucucna nga agpaabagatan;

Ti Baro a Naimbag a Damag Biblia

² Daytoy ti akin-abagatan a beddeng a mangrugi iti pungto ti Natay a Baybay,

Josue 15:2 Iomraidhean Croise

Ezekiel 47:8

Idin kinunana caniac, Dagitoy a danum rumuarda nga agturong iti makindaya a daga, ket agayusda iti Araba; ket agturongdanto iti baybay; idiay baybay mapanto dagiti dandanum a napaayus; ket dagiti dandanum maimbagandanto.

Isaias 11:15

Ket ni Jehova dadaelennanto a talipupusen ti dila ti baybay ti Egipto; ken iti macasinit nga anginna itayagnanto ti imana iti Carayan, ket cabilenna a pagcapitoen nga ayus, ket aramidenna a dagiti tattao macaballasiwda a simamaga ti sacada.

Genesis 14:3

Amin dagitoy nagtitiponda iti lobong ti Siddim (nga isu ti Taaw ti Asin).

Ezekiel 47:18

Ket ti makindaya a sikigan, iti nagbaetan ti Hauran ken Damasco ken Galaad ken ti daga ti Israel, isunto ti Jordan; manipud iti makinamianan a beddeng, agingga iti makindaya a baybay rucodenyonto. Daytoy ti makindaya a sikigan.

Josue 3:16

A dagiti dandanum a sumalog idi nga aggapu iti surong nagsardengda; ket timmacderda ket nagpangatoda a maysa a gabsuon, iti adayu idiay Adam, nga ili nga adda iti abay ti Sartan; ket dagidiay a nagsalog a nagturong iti baybay ti Araba, iti Baybay ti Asin met laeng, naibusdan amin, ket dagiti tattao nagballasiwda idi iti batog ti Jerico.

Numero 34:3

Iti casta ti pagingaanyo iti abagatan a bangir manipudto iti tay-ac ti Zin, nga aglayon iti abay ti Edom, ket ti beddengyo iti abagatan manipudto iti pungto ti Baybay ti Asin iti daya;

Josue 15:1

Ket ti gasat nga agpaay iti caputotan dagiti annac ni Juda a cas mayalubog cadagiti famfamiliada isu idi ti agpatingga iti beddeng ti Edom, ti met laeng let-ang ti Zin iti abagatan, iti caadayuan a paset ti abagatan.

Josue 15:3

Ket rimmuar nga agpaabagatan iti sang-atan ti Acrabim, ket nagtuloy agingga iti Zin, ket simmangat iti abagatan ti Cades-barnea ket nagtuloy iti Jesron, ket simmang-at aginggana iti Addar, ket agsicco agingga iti Carca;