Josue 13:3 - Ti Biblia (1973)

³ Manipud iti Sihor, nga adda iti sango ti Egipto, nga agpaamianan met laeng agingga iti beddeng ti Accaron, isu a maibilang cadagiti Cananeos; dagiti lima nga ap-appo dagiti Filisteos; dagiti Gazeos, ken dagiti Asdodios, dagiti Ascalonitas, dagiti Geteos, ken dagiti Accaronitas, casta met dagiti Heveos,

Ti Baro a Naimbag a Damag Biblia

³ kasta met dagiti amin a daga ti Avvim iti abagatan. (Maibilang a kukua dagiti Cananeo ti daga manipud waig Sihor a daya ti Egipto agingga iti beddeng ti Ekron iti amianan. Agnaed dagiti turayen dagiti Filisteo idiay Gaza, Asdod, Askelon, Gat ken Ekron.)

Josue 13:3 Iomraidhean Croise

Genesis 10:6

Ket dagiti lallaki nga annac ni Cam: ni Cus, ken Mizraim, ken Fut, ken Canaan.

Genesis 15:18

Iti daydiay nga aldaw inaramid ni Jehova ti maysa a tulag ken Abram a cunana, Iti putotmo intedcon daytoy a daga manipud iti carayan ti Egipto, inggana iti carayan a dackel, ti carayan nga Eufrates:

1 Ar-ari 8:65

Iti casta ni Salomon rinambacanna ti fiesta idi a tiempo, ket amin nga Israel caduana, maysa a dackel a gimong a naggapu iti pagsercan ti Hamat inggana iti waig ti Egipto, iti sango ni Jehova a Diostayo, iti pito nga aldaw ken pito nga aldaw, a sangapulo ket uppat nga aldaw met laeng.

1 Cronicas 13:5

Iti casta ni David ginimongna amin nga Israel, manipud Sihor nga waig ti Egipto agingga met laeng iti wangawangan ti Hamat, tapno yegda ti lacasa ti Dios manipul Kiriat-jearim.

Isaias 23:3

Ken cadagiti dadackel a dandanum ti bin-i ti Shihor, ti apit ti Nilo, isu idi ti gungunana, ken isu idi ti paglaclacoan dagiti nacion.

Jeremias 2:18

Ita ngarud, ania ti bibiangmo iti dalan a mapan idiay Egipto, ta uminumca cadagiti danum ti Nilo? wenno ania ti bibiangmo iti dalan ti Asiria, tapno uminumca iti danum ti Carayan?

Deuteronomio 2:23

Ket dagiti Heveos a nagnaed cadagiti il-ili agingga iti Gaza, dagiti Caftoreos a nagtaud iti Caftor, dinadaelda ida ket nagnaedda iti lugarda.)

Josue 13:13

Nupay casta dagiti annac ti Israel saanda a pinagtalao dagiti Gesureos ken Maacateos; no di ket ti Gesureos ken Maaoat agnaedda iti tengnga ti Israel inggana ita nga aldaw.

Uk-ukom 16:5

Ket dagiti appoen dagiti Filisteos simmang-atda kencuana, ket kinunada kencuana, Isu ayayoem, ket kitaem no sadino ti yan ti pigsana a dackel unay, ken iti ania a pamuspusan ti pacabalinanmi coma a mangaladag a maibusor kencuana, tapno isu reppetenmi coma tapno isu tutuokenmi, ket mangtedcaminto kenca ti tumunggal maysa cadacami iti sangaribu ket sangagasut a capisi ti pirac.

Uk-ukom 3:3

Isuda, dagiti lima nga appoen dagiti Filisteos, ken amin dagiti Cananeos, ken dagiti Sidonios, ken dagiti Heveos a nagnaed idiay bantay Libano, manipud iti bantay a Baal-hermon agingga iti sercan ti Hamat.

1 Samuel 5:1

Ket dagiti Filisteos innalada ti lacasa ti Dios, ket isu inyegda manipud Eben-ezer agingga iti Asdod.

1 Samuel 5:10

Iti casta imbaonda ti lacasa ti Dios idiay Ecron. Ket naaramid, idi a ti lacasa ti Dios immay idiay Ecron, a dagiti Ecronitas imkisda, a kinunada, Isuda inyegda ti lacasa ti Dios ti Israel cadatayo, tapno papatayendatayo ken ti ilitayo.

1 Samuel 5:8

Ket nagbaonda ngarud ket inurnong ida met laeng dagiti amin nga appoen dagiti Filisteos, ket kinunada, Ania ti aramidentayo iti maipapan iti lacasa ti Dios ti Israel? Ket isuda simmungbatda: Mayallatiw coma ti lacasa ti Dios ti Israel idiay Gat. Ket inyallatiwda idiay ti lacasa ti Dios ti Israel.

1 Samuel 6:4

Idin kinunada, Anianto a daton ti salungasing ti isupapacminto kencuana? Ket isuda kinunada, Lima a sinan-bosbosali a balitoc, ken lima a sinan-marabutit a balitoc, a mayanatup cadagiti bilang dagiti appoen dagiti Filisteos; ta maysa a didigra ti nagyan idi cadacayo amin, ken cadagiti appoenyo.