Josue 11:3 - Ti Biblia (1973)

³ Iti Cananeo iti daya ken iti laud, ken iti Amorreo, ken Heteo, ken Perezeo, ken ti Jebuseo iti caturodan ken iti Heveo nga adda iti baba ti Hermon iti daga ti Mizpa.

Ti Baro a Naimbag a Damag Biblia

³ Pinakaammoanna met dagiti Cananeo iti agsumbangir ti Jordan, dagiti Amorreo, Heteo, Perezeo ken dagiti Jebuseo iti katurturodan a pagilian, ket uray pay dagiti Heveo nga agtaeng iti puon ti Bantay Hermon idiay Mizpa.

Josue 11:3 Iomraidhean Croise

Genesis 31:49

Ken Mizpa, ta kinunana, Ni Jehova agsiput coma iti nagbaetanta no masina ti maysa ken maysa cadata.

2 Samuel 24:16

Ket idi a ti angel inyunnatna ti imana iti Jerusalem tapno isu dadaelenna, ni Jehova imbabawina ti dakes, ket kinunana iti angel a mangdadael iti umili, Umanayen; ita itukenmo ta imam. Ket ti angel ni Jehova adda idi iti denna ti pagtaltagan ni Arauna a Jebuseo.

2 Samuel 24:7

Ket dimanonda iti sarikedked ti Tiro, ken cadagiti isu-amin nga il-ili dagiti Heveo, ken dagiti Cananeo; ket rimmuarda iti abagatan ti Juda, idiay Beerseba.

1 Ar-ari 15:22

Idi a casta ni ari Asa nangaramid ti maysa a panangiwarragawag iti amin a Juda: awan nalacsid: ket isuda binunagda dagiti batbato ti Rama, ken ti taricayona, a pinangbangon ni Baasa; ket ni ari Asa binangonna cadagitoy ti Gabaa ti Benjamin, ken ti Mizpa.

1 Ar-ari 9:20

No maipapan cadagiti amin a tattao a natda cadagiti Amorreo, dagiti Heteo, dagiti Perezeo, dagiti Heveo, dagiti Jebuseo, a saan a nagtaud cadagiti annac ti Israel;

Dagiti Salmo 133:3

Cas linnaaw sadi Hermon a bumaba cadagiti bantay ti Sion: ta sadiay incumit ni Jehova ti bendicion, ken biag iti agnanayon.

Dagiti Salmo 89:12

Ti amianan ken abagatan, sica ti namarsua cadacuada: da Tabor ken Hermon pagragsacanda ta naganmo.

Kanta ni Solomon 4:8

Umayca cumoyog caniac manipud Libano, noviac, cumoyogca caniac manipud Libano: tumannawagca manipud tapaw ti Amana, manipud tapaw ti Senir ken Hermon, manipud cadagiti apon dagiti leon, manipud cadagiti bantay dagiti leopardo.

Jeremias 40:10

No maipapan caniac, adtoy, agnaedacto iti Mizpa, tapno sumango cadagiti Caldeos nga umayto cadatayo: ngem dacayo urnongenyo ti arac ken bungbunga iti pannawen ti pudot ken lana, ket icabilyo ida cadagiti alicamenyo, ket agnaedcayo cadagiti il-iliyo nga innalayon.

Jeremias 40:6

Idin napan ni Jeremias ken Gedalias nga anac ni Ahicam sadi Mizpa, ket nakipagnaed kencuana iti tengnga dagiti tattao a nabati iti daga.

Jeremias 41:14

Iti casta dagiti isu-amin a tattao ni Ismael nga impanna idi a kinayawan a naggapu iti Mizpa nagbawingda ket nagsublida ket napanda ken Johanan nga anac ni Carea.

Jeremias 41:3

Ni Ismael pinatayna dagiti amin a Judios nga adda idi kencuana, dagidi adda, ken Gedalias idiay Mizpa, ken dagiti Caldeos a nasaracan sadiay, dagiti lallaki ti gubat.

Numero 13:29

Ni Amalec agnaed iti daga ti abagatan, ket ti Heteo, ken ti Jehuseo, ken ti Amorreo agnaedda iti caturudan: ket ti Cananeo agnaed iti abay ti taaw, ken iti abay ti Jordan.

Deuteronomio 4:48

Manipud Aroer, nga adda iti pungto ti lobong ti Arnon, agingga iti bantay a Sion (a Hermon met laeng),

Deuteronomio 7:1

No yegnacanto ni Jehova a Diosmo iti daga papanam a tagicuaem, ket pagtalawennanto dagiti adu nga umili iti saclangmo, ti Jeteo, ken ti Gergeseo, ken ti Amorreo, ken ti Cananeo, ken ti Perezeo, ken ti Heveo, ken ti Jebuseo, pito nga il-ili a daddadackel ken manmannacabalin ngem sica;

Josue 11:17

Manipud iti bantay Halac, a sumang-at idiay agingga ti Seir, aginggana ti Baal-gad met laeng iti lobong ti Libano iti baba ti bantay Hermon: ken isu-amin nga ar-arida innalana, ket kinabilna ida, ket pinatayna ida.

Josue 11:8

Ket ni Jehova inyawatna ida iti ima ti Israel, ket kinabilda ida, ket kinamatda ida inggana iti dackel a Sidon, ken iti Misrefot-mayim, ken iti lobong ti Mizpa iti agpadaya: ket kinabilda ida, nga agingga iti awan ti tiniddada.

Josue 13:11

Ken ti Galaad, ken iti nagpatinggaan dagiti Gesureos ken Maacateos, ken isu-amin a bantay Hermon, ken isu-amin a Basan inggana iti Salca;

Josue 13:5

Ket iti daga dagiti Gibleos, ken isu-amin a Libano, nga agturong iti leleggacan ti init, manipud iti Baalgad nga adda iti arisadsad ti bantay Hermon inggana iti sercan ti Hamat;

Josue 15:38

Ken Dilan, ken Mizpa, ken Jocteel,

Josue 15:63

Ket no maipapan cadagiti Jebuseos, a nagnaed iti Jerusalem, dagiti annac ni Juda dida nabalin a pinagtalao ida no di ket ti Jebuseo nakipagnaed cadagiti annac ni Juda idiay Jerusalem inggana itoy nga aldaw.

Josue 18:26

Ken Mizpa, ken Cefira, ken Moza,

Josue 3:10

Ket ni Josue kinunana, Ditoy maammoanyonto a ti Dios a sibibiag adda iti nagtengngaanyo, ket isu pacsiatennanto a di bumurong iti sangoyo ti Cananeo, ken ti Heteo, ken ti Heveo, ken ti Perezeo, ken ti Gergeseo, ken ti Amorreo, ken ti Jebuseo.

Uk-ukom 20:1

Idin amin dagiti annac ti Israel rimmuarda, ket ti gimong nagurnong a cas maymaysa a tao, manipud Dan agingga iti Beer-seba, agraman iti daga ti Galaad, ken Jehova idiay Mizpa.

Uk-ukom 21:5

Ket dagiti annac ti Israel kinunada, Siasino ti adda cadagiti amin a caputotan ti Israel a di-simmangat iti gimong ken Jehova? Ta isuda nagaramidda idi iti dackel a sapata maipapan iti daydiay a di-simmang-at ken Jehova idiay Mizpa, a kinunada, Isu maicabil a di bumorong ken patay.

Uk-ukom 21:8

Ket kinunada, Adda maysa cadagiti caputotan ti Israel a saan a simmang-at ken Jehova idiay Mizpa? Ket, adtoy, sadiay awan ti immay iti pacarso a naggapu iti Jabes-galaad agingga iti gimong.

Uk-ukom 3:3

Isuda, dagiti lima nga appoen dagiti Filisteos, ken amin dagiti Cananeos, ken dagiti Sidonios, ken dagiti Heveos a nagnaed idiay bantay Libano, manipud iti bantay a Baal-hermon agingga iti sercan ti Hamat.

Uk-ukom 3:5

Ket dagiti annac ti Israel nakinaedda cadagiti Cananeos, Hetheos, Amorreos, Perezeos, Heveos, ken Jebuseos:

1 Samuel 10:17

Ket ni Samuel inayabanna ti umili a natiptipon ken Jehova idiay Mizpa;