Josue 10:2 - Ti Biblia (1973)

² A nagamacda unay, agsipud ta ti Gabaon isu idi ti maysa nga ili a dackel, a maysa cadagiti naarian nga il-ili, ken agsipud ta dacdackel pay ngem iti Ai, ket isu-amin dagiti tattaona mamaingelda.

Ti Baro a Naimbag a Damag Biblia

² Kasta unay ti buteng dagiti tattao ti Jerusalem gapu iti daytoy ta dakkel ti Gabaon a kas kadagiti siudad nga addaan iti ari, ket dakdakkel pay ngem ti Ai ken natutured dagiti soldadona.

Josue 10:2 Iomraidhean Croise

2 Samuel 12:26

Nupay casta ni Joab nakigubat a maibusor iti Rabba dagiti annac ni Ammon, ket innalana ti ili a naarian.

Dagiti Proverbio 10:24

Ti buteng ti nadangkes, dumtengto kencuana; ket ti tarigagay ti nalinteg maitedto.

Deuteronomio 11:25

Awanto ti tao a macabael iti sangoyo: ni Jehova a Diosyo icabilnanto ti panagbutengda cadacayo, ken panagamesda cadacayo iti isu-amin a daga a mabaddecanyonto, cas sinaona cadacayo.

Deuteronomio 2:25

Ita nga aldaw rugiacto ti mangicabil cadagiti tattao nga adda iti babaen ti isu-amin a langit a macangngeg iti damagmo, ti panagamac kenca, ken panagbuteng kenca, ket mamayegpegdanto, ken matuocandanto maipuon kenca.

Deuteronomio 28:10

Ket amin dagiti il-ili ti daga makitadanto a sica maawagancanto iti nagan ni Jehova; ket isuda agbutengdanto kenca.

Hebreo 10:27

No di ket ti maysa a nacabutbuteng a panagur-uray iti pannacaocom, ken maysa a kinarungsot ti apuy, a mangalununto cadagiti cabcabusor.

Hebreo 10:31

Nacabutbuteng ti matnag cadagiti im-ima ti Dios a sibibiag.

Josue 2:24

Ket kinunada ken ni Josue, Pudno a ni Jehova inyawatna amin a daga cadagiti imatayo; ket maysa pay, amin dagiti agnaed iti daga agrunawda iti sangotayo.

Josue 9:24

Ket isuda simmungbatda ken Josue, ket kinunada, Agsipud ta pudno a naibaga cadagiti adipenmo, no casano daydi a ni Jehova a Diosmo imbilinna idi ken ni Moises nga adipenna nga itedna cadacayo amin a daga, ken pucawenna amin dagiti agnaed iti daga iti sangoananyo; iti casta nagbutengcami unay cadacayo iti maipaay cadagiti biagmi ket inaramidmi daytoy a banag.

Josue 9:3

Ngem idi a dagiti agnaed iti Gabaon natimudda no ania ti inaramid idi ni Josue iti Jerico ken iti Ai,

1 Samuel 27:5

Ket ni David kinunana ken Aquis, No ita nacasaracac iti parabur cadagita matam, mangtedca coma caniac ti maysa a lugar iti maysa cadagiti ili iti daga, tapno agnaedac coma idiay: ta apayapay a ti adipenmo makipagtaeng coma kenca iti naarian a ili?