Jonas 4:8 - Ti Biblia (1973)

⁸ Ket naaramid, nga idi limgac ti init, insagana ti Dios ti angin a napudot a naggapu iti daya; ket ti init kinabilna iti olo ni Jonas, iti casta nagcapuy, ket indawdawatanna ti bagina met laeng a matay coma, ket kinunana, Nasaysayaat caniac ti ipapatay ngem ti panagbiag.

Ti Baro a Naimbag a Damag Biblia

⁸ Idi sumingising ti init, nangibaon ti Dios iti napudot nga angin a naggapu iti daya, ket uray la natalimudaw ni Jonas gapu iti makasinit a pudot ti init. Indawatna manen ti pannakatayna. “Naim-imbag la koman a matayakon!” kinunana.

Jonas 4:8 Iomraidhean Croise

Genesis 41:6

Ket, adtoy, pito a dawdawa a naeppes ken nagango gapu iti angin nga aggapu iti daya, rimmuarda a naud-udi ngem cadagidiay.

1 Ar-ari 19:4

Ngem isu met laeng napan a nagnagna iti maysa nga aldaw cadagiti let-ang, ket immay ket nagtugaw iti siroc ti maysa a cayo nga enebro: ket isu dinawatna a maipaay kencuana nga isu matay coma, ket kinunana, Umdasen; ita, O Jehova, alaemon ti biagco; ta siac saanac a naimimbag ngem cadagiti ammac.

1 Ar-ari 21:4

Ket ni Acab simrec iti balayna a sibabantut ken sitatarammay gapu iti sao a ni Nabot a Jezreelita a kinunana kencuana; ta isu kinunana, Siac saanco nga itedto kenca ti tawid dagiti ammac. Ket isu nagidda iti pagiddaanna, ket intaliawna ti rupana, ket saan a nangan iti tinapay.

Ti Libro ni Job 2:10

Ngem ni Job kinunana kencuana, Sica agsaoca a cas ti panagsao ti maysa cadagiti maag a babbai. Ania? awatentayito aya ti naimbag iti biang ti Dios, ket ditayto awaten ti dakes? Iti amin dagitoy saan a nagbasol ni Job cadagiti bibigna.

Ti Libro ni Job 7:15

Iti casta ti cararuac pinilina ti pannacalmes, ken ti patay a naimimbag ngem dagitoy tultulangco.

Dagiti Salmo 121:6

Ti init dinacanto danaren iti aldaw, uray ti bulan iti rabii.

Dagiti Salmo 39:9

Nagumelac, diac nginanga ti ngiwatco; ta sica inaramidmo.

Eclesiastes 7:9

Saan coma a nadarasudos ti espiritum nga agpungtot; ta ti pungtot agsaad iti barucong dagiti maag.

Kanta ni Solomon 1:6

Dicayo cumita caniac, agsipud ta cayumanggiac, agsipud ta ti init kinessetnac. Dagiti annac a lallaki ni inac nagpungtotda a maibusor caniac; insaaddac nga agaywan cadagiti uvasan; ngem ti bucodco a cauvasan diac inaywanan.

Isaias 49:10

Saandanto a mabisinan ken mawaw; saanto met a cabilen ida ti pudot ken init: ta daydiay adda caasina cadacuada iturongna ida, iti met denna ti ubbog ti danum ti pangidalanannanto cadacuada.

Ezekiel 19:12

Ngem isu naparut babaen ti pungtot, naibelleng iti daga, ket ti angin ti daya pinamagaanna ti bungana; dagiti natibker a sarsarucodna natuctuccolda ken nagangoda; ti apuy inibusna ida.

Oseas 13:15

Uray pay nabunga cadagiti cacabsatna, umayto ti angin nga aggapu iti daya, ti anges ni Jehova nga aggapu iti let-ang; ti ubbogna agmaganto, ket ti burayocna mamagaanto: isu samsamennanto ti gupit dagiti amin nga agcacapateg nga al-alicamen.

Levitico 10:3

Idin ni Moises kinunana ken Aaron, Daytoy ti imbaga ni Jehova a kinunana, Siac masantificaracto cadagiti umasideg caniac, ket iti sango ti amin nga umili maglorificaracto. Ket ni Aaron nagulimec.

Jonas 1:17

Ket ni Jehova insaganana ti maysa a dackel nga ican a mangalun-un ken ni Jonas; ket ni Jonas nagyan iti tian ti ican iti bayat ti tallo nga aldaw ken tallo a rabii.

Jonas 1:4

Ngem ni Jehova pinaganginna iti napigsa iti rabaw ti taaw, ket adda idi napigsa unay a bagio idiay taaw, iti casta ti sasacayan cas la marba.

Jonas 4:3

Ita ngarud, O Jehova, dawatec kenca nga iccatem ti biagco, ta nasaysayaat caniac ti ipapatay ngem ti panagbiag.

Jonas 4:9

Ket kinuna ti Dios ken ni Jonas, Naimbag aya ti aramidem iti panagpungtotmo gapu iti tabungaw? Ket isu kinunana, Naimbag nga aramid ti panagpungtotco, nga uray agingga iti matayac.

San Mateo 20:12

A cuncunada. Dagitoy naudi, nagtrabajoda iti maymaysa nga horas laeng, ket intuladmo ida cadacami, a nagtrabajo a nagmalmalem iti cainitan.

Paltiing 3:19

Cadagiti isu-amin a dungdungngoec siac babalawec ken gugurac ida; aggagetca ngarud ket agbabawica.

Paltiing 7:16

Didanto agbisinen wenno mawawen; ket didanto met mainitanen wenno aniaman a pudot:

1 Samuel 3:18

Ket ni Samuel imbagana kencuana a sinaggaysa, ket awan a pulos ti inlimedna kencuana. Ket isu kinunana, Isu ni Jehova: aramidenna coma ti inanamaenna a naimbag.