Jonas 4:2 - Ti Biblia (1973)

² Ket nagcararag ken ni Jehova, ket kinunana, Dawatec kenca, O Jehova, saan a daytoy daydi kinunac idi addaac pay idiay dagac? Gapuna a dinardarasco ti ipapanco idiay Tarsis; ta ammoc idi a sica ti Dios a managparabur, ken manangngaasi, natanang nga agpungtot, nabacnang iti kinamanagayat, ket pagbabawiam ti dakes.

Ti Baro a Naimbag a Damag Biblia

² Inkararagna ken ni Yahweh: “Daytoy ti kinabutengko, O Apo, idi addaak iti bukodko a pagilian. Daytoy ti kinabutengko nga aramidem, isut' gapuna a dinardarasko ti nagkamang idiay Tarsis. Ammok a managparabur ken manangngaasika a Dios. Ammok a naanuska iti amin a tiempo ken sidadaanka a mangibabawi iti panangdusam.

Jonas 4:2 Iomraidhean Croise

1 Ar-ari 19:4

Ngem isu met laeng napan a nagnagna iti maysa nga aldaw cadagiti let-ang, ket immay ket nagtugaw iti siroc ti maysa a cayo nga enebro: ket isu dinawatna a maipaay kencuana nga isu matay coma, ket kinunana, Umdasen; ita, O Jehova, alaemon ti biagco; ta siac saanac a naimimbag ngem cadagiti ammac.

Dagiti Salmo 103:8

Ni Jehova sicacaasi ken siaayat, namayamay nga agpungtot, ket aglaplapusanan iti kinamanagayat.

Dagiti Salmo 145:8

Ni Jehova managparabur, ken nacaasi; naanat nga agpungtot, ken dackel ti kinamanagayatna.

Dagiti Salmo 78:38

Ngem isu, idinto a manangngaasi, pinacawanna ti kinadakesda, ket saanna a pinucaw ida: wen, naminadu nga incalilisna ti pungtotna, ket saanna nga impapas amin a pungtotna.

Dagiti Salmo 86:15

Ngem sica, O Apo, Diosca a naasi ken managparabur, naanatca nga agpungtot, ken aglaplapusananca iti kinamanagayat ken kinapudno.

Dagiti Salmo 86:5

Ta sica, Apo, naimbagca, ken sisasaganaca a mamacawan, ken aglaplapusananca iti kinamagayat cadagiti amin nga umawag kenca.

Dagiti Salmo 90:13

Agsublica cadi, O Jehova; caanonto? Ket pagbabawiam cadi ti maipaay cadagiti ad-adipenmo.

Exodo 32:14

Ket ni Jehova binabawina ti dakes nga aramidenna coma idi iti ilina.

Jeremias 18:8

No dayta a nacion, a maipapan kencuana, nagsaoac, pagbabawianda ti kinadakesda, ibabawicto ti dakes, a pinanunotco nga aramiden cadacuada.

Jeremias 20:7

O Jehova, sica inuyotannac ket nagtulnogac; sica napigpigsaca ngem siac, ket nagballigica: nagbalinac a maysa a pagcatawaan iti amin nga aldaw, tunggal maysa rabakennac.

Jeremias 26:13

Ita ngarud baliwanyo dagiti dalanyo ken dagiti aramidyo, ken agtulnogcayo iti timec ni Jehova a Diosyo; ket ni Jehova ibabawinanto ti dakes nga binalicasna a maibusor cadacayo.

Jeremias 42:10

No agnaedcayto pay laeng itoy a daga, bangonencayto ngarud, ket dicayto rebbaen, imulacayto, ket dicayto paruten; ta pagleddaangac ti dakes nga inaramidco cadacayo.

Amos 7:3

Imbabawi ni Jehova daytoy: Saanto a mapatuloy, cuna ni Jehova.

Amos 7:6

Imbabawi ni Jehova daytoy: Uray daytoy saanto a casta, cuna ni Apo Jehova.

Jonas 1:3

Ngem ni Jonas timmacder tapno agtalaw iti saclang ni Jehova a mapan idiay Tarsis, ket simmalog idiay Joppe, ket nasaracna ti maysa a barangay nga agrubbuat a mapan idiay Tarsis, iti casta binayadanna ti fletena, ket limmugan kencuana a cumuyog cadacuada idiay Tarsis nga aggapu iti saclang ni Jehova.

Jonas 3:10

Ket ti Dios nakitana dagiti aramidda, a nagtuckiadda iti dakes a dalanda; ket ti Dios imbabawina ti dakes nga imbagana idi nga aramidenna coma cadacuada; ket saanna nga inaramid.

Jonas 3:9

Siasino ti macaammo no ti Dios ibawingnanto ken ibabawinanto ti narungsot a pungtotna, tapno ditayto mapucaw?

Mikias 7:18

Siasino ti dios a cas kenca, a mamacawan ti kinadangkes, ken palabasenna ti salungasing ti tidda ti pagtawidenna? isu saanna a taginayonen ti pungtotna iti agnanayon, ta pagayayatanna iti kinamanagayat.

San Lucas 10:29

Ngem isu, idinto a cayatna ti agparang a nalinteg, kinunana ken Jesus: Ket asino ti caarrobac?

Deuteronomio 4:31

Ta ni Jehova a Diosmo isu ti Dios a manangngaasi; dinacanto baybay-an wenno dadaelen, wenno lipaten ti tulag dagiti ammam, isu a nangisapata cadacuada.