Jonas 3:9 - Ti Biblia (1973)

⁹ Siasino ti macaammo no ti Dios ibawingnanto ken ibabawinanto ti narungsot a pungtotna, tapno ditayto mapucaw?

Ti Baro a Naimbag a Damag Biblia

⁹ Nalabit a baliwan ti Dios ti panunotna, ket saanen nga agpungtot tapno ditay matay!”

Jonas 3:9 Iomraidhean Croise

2 Samuel 12:22

Ket isu kinunana, Bayat ti panagbiag pay laeng ti ubing, nagayunarac ken nagsangitac: ta kinunac, Asino ti macaammo a ni Jehova dinto mangngaasi caniac, nga agbiag coma ti ubing?

Dagiti Salmo 106:45

Ket linagipna a maipaay cadacuada ti tulagna, ket nagbabawi cas mayalubog iti caadu dagiti kinamanangngaasina.

Dagiti Salmo 85:3

Iniccatmo amin a pungtotmo; nagpanawam ti kinarungsot ti pungtotmo.

Dagiti Salmo 90:13

Agsublica cadi, O Jehova; caanonto? Ket pagbabawiam cadi ti maipaay cadagiti ad-adipenmo.

Jeremias 26:13

Ita ngarud baliwanyo dagiti dalanyo ken dagiti aramidyo, ken agtulnogcayo iti timec ni Jehova a Diosyo; ket ni Jehova ibabawinanto ti dakes nga binalicasna a maibusor cadacayo.

Daniel 4:27

Gapuna, O ari, nga anamungam coma toy balacadco, ket isinam dagiti basolmo babaen ti kinalinteg, ken dagiti babacmo iti panangiparangmo iti asi cadagiti napanglaw: bareng no mapaatiddug ti kinatalnam.

Amos 5:15

Guraenyo ti dakes, ket ayatenyo ti imbag, ket ipasdecyo ti kinajusticia idiay ruangan; nalabit a ni Jehova, ti Dios dagiti buybuyot, addanto laeng asina iti matda ken ni Jose.

Jonas 1:15

Iti casta innalada ni Jonas, ket intapuacda iti taaw; ket ti taaw nagtalna iti dawelna.

Jonas 1:6

Iti casta ti panguloen di sasacayan immasideg kencuana ket kinunana, Ania ti aramidem, O mannaturog? Bumangonca, ket awagam ti Diosmo, bareng no ti Dios malagipnatayto tapno ditayo mapucaw.

Jonas 4:2

Ket nagcararag ken ni Jehova, ket kinunana, Dawatec kenca, O Jehova, saan a daytoy daydi kinunac idi addaac pay idiay dagac? Gapuna a dinardarasco ti ipapanco idiay Tarsis; ta ammoc idi a sica ti Dios a managparabur, ken manangngaasi, natanang nga agpungtot, nabacnang iti kinamanagayat, ket pagbabawiam ti dakes.

Sofonias 2:3

Birukenyo ni Jehova, dacayo amin a naemma iti daga, a nagtungpal cadagiti bilbilinna; birukenyo ti kinalinteg, birukenyo ti kinaemma: nalabit a dacayo maitalimengcayto iti aldaw ti pungtot ni Jehova.

1 Samuel 6:5

Gapuna a mangaramidcayo cadagiti ladawan dagiti bosbosaliyo, ken ladawan dagiti marabutityo nga agdadael iti daga; ket dacayo mangtedcayto iti dayaw iti Dios ti Israel: bareng no palag-anannanto ti imana cadacayo, ken cadagiti isu-amin a didiosyo, ken iti isu-amin a dagayo.