Jonas 3:8 - Ti Biblia (1973)

⁸ Ket maabbonganda coma iti lupot a nakersang dagiti tattao ken dagiti an-animal, ket awaganda coma ti Dios iti natbag unay: wen, isuda agbabawida coma tunggal maysa iti dalanna a dakes, ken iti panagranggas nga adda cadagiti imana.

Ti Baro a Naimbag a Damag Biblia

⁸ Masapul nga agkawes amin a tattao ken animal iti nakersang a lupot. Masapul nga agkararag ti tunggal maysa iti Dios. Nasken a laksiden ti tunggal maysa ti dakes a kababalin ken kinaranggasna.

Jonas 3:8 Iomraidhean Croise

Ti Libro ni Job 16:17

Nupay awan ti ranggas cadagiti imac, ken nadalus ti cararagco.

Ti Libro ni Job 36:10

Isu luctanna met ti lapayagda iti sursuro, ket agbilin nga agtuckiadda iti kinadangkes.

Isaias 58:6

Saan a daytoy aya ti panagayunar a pinilic: tapno pangketta cadagiti galut ti kinadangkes, tapno pangwarwar cadagiti patapat ti sangol, ket tapno pagwayawayaen ti mailuplupit, ken tapno bungtolenyo coma ti tunggal sangol?

Isaias 59:6

Dagiti abelda didanto agbalin a pagan-anay, dindanto maabbongan dagiti bagida met laeng cadagiti aramidda: dagiti aramidda isuda dagiti aramid ti kinadangkes, ket ti aramid ti panagrabsut adda cadagiti im-imada.

Jeremias 18:11

Ita ngarud, agsaoca cadagiti lallaki ti Juda, ken cadagiti agnaed ti Jerusalem, a cunam, Castoy ti cuna ni Jehova: Adtoy, mangsangalac iti dakes a maicaniwas cadacayo, ken isicatco iti maysa a gandat a maibusor cadacayo: agsublicayo ita tunggal maysa nga aggapu iti dakes a dalanna, ket tarimaanenyo dagiti dalanyo ken dagiti gapuananyo.

Jeremias 25:5

A kinunana, Agsublicayo ita tunggal maysa manipud iti dakes a dalanna, ken manipud iti kinadakes dagiti aramidyo, ket agnaedcayo iti daga nga inted ni Jehova cadacayo ken cadagiti ammayo, nanipud idi ugma agingga met laeng iti agnanayon;

Jeremias 26:3

Bareng no ipangagdanto, ket agsublida tunggal tao manipud iti dakes a dalanna; tapno ibabawic coma ti dakes a pinanggepco nga aramiden cadacuada gapu iti kinadakes ti aramidda.

Jeremias 36:3

Bareng no ti balay ni Juda denggennanto ti amin a dakes a panggepco nga aramiden cadacuada; tapno agsublida coma tunggal tao manipud iti dakes a dalanna tapno pacawanec coma ti kinadangcocda ken ti basolda.

Ezekiel 33:11

Cunam cadacuada, Cas sibibiagac, cuna ni Apo Jehova, Awan ti ragsacco iti ipapatay ti nadangkes; no di ket ti nadangkes agbawing coma iti dalanna ket agbiag; agbawingcayo, agbawingcayo cadagiti dakes a daldalanyo; ta apay a mataycayo, O balay ti Israel?

Daniel 4:27

Gapuna, O ari, nga anamungam coma toy balacadco, ket isinam dagiti basolmo babaen ti kinalinteg, ken dagiti babacmo iti panangiparangmo iti asi cadagiti napanglaw: bareng no mapaatiddug ti kinatalnam.

Joel 1:14

Mangilasingcayo iti maysa a panagayunar, mangayabcayo iti maysa a gimong a nangayed, urnongenyo dagiti lallacay ken amin nga agnaed iti daga iti balay ni Jehova a Diosyo, ket awaganyo ni Jehova.

Jonas 1:14

Gapuna nga inawaganda ni Jehova, ket kinunada, Dawatenmi kenca, O Jehova, dawatenmi kenca, dicami coma mapucaw a gapu iti biag daytoy a tao, ket dinacami met pabasolen iti dara ti nasingpet; ta sica, O Jehova, inaramidmo ti cas kinayatmo.

Jonas 1:6

Iti casta ti panguloen di sasacayan immasideg kencuana ket kinunana, Ania ti aramidem, O mannaturog? Bumangonca, ket awagam ti Diosmo, bareng no ti Dios malagipnatayto tapno ditayo mapucaw.

San Mateo 3:8

Agaramidcay ngarud cadagiti bunga a maicari iti panagbabawi;

Dagiti Aramid 26:20

No di ket impacaammoc nga immuna cadagiti adda idiay Damasco, ken idiay Jerusalem, ket iti isu-amin a daga ti Judea, ken cadagiti Gentil, nga agbabawida coma ket agsublida iti Dios, nga agararamidda cadagiti aramid a maitutop iti panagbabawi:

Dagiti Aramid 3:19

Agbabawicayo ngarud, ket agsublicayo tapno mapunas dagiti basbasolyo: iti casta umayto dagiti aldaw ti bang-ar aggapu iti sangoanan ti Apo;

Paltiing 11:3

Ket itdecto ti palubos cadagiti dua a sacsic, ket agipadtodanto cadagiti sangaribo dua gasut ket innem a pulo nga aldaw, a sipapanesda cadagiti lupot a nakersang.