Jonas 3:6 - Ti Biblia (1973)

⁶ Ket dimteng daytoy a damag iti ari ti Ninive, ket isu timmacder iti tronona, ket iniccatna ti lambon, ket nagcagay iti lupot a nakersang, ket nagtugaw iti dapu.

Ti Baro a Naimbag a Damag Biblia

⁶ Idi madamag daytoy ti ari ti Nineve, timmakder iti tronona sana inuksob ti pagan-anayna. Nagkawes met iti nakersang a lupot ket nagtugaw iti nabunton a dapu.

Jonas 3:6 Iomraidhean Croise

1 Ar-ari 21:27

Ket naaramid, idi a ni Acab nangngegna dagidiay a sasao, nga isu rinay-abna dagiti pagan-anayna, ket nangicabil ti nakersang a lupot iti lasagna, ket nagayunar, ket nagidda iti nakersang a lupot, ket nagna a siiinayad.

Ti Libro ni Job 2:8

Ket nangala iti maysa a ribac tapno ti pangcudcudna iti bagina: ket nagtugaw cadagiti dapdapo.

Ti Libro ni Job 42:6

Gapuna a guraec ti bagic, ket agbabawiac iti tapoc ken dapdapo.

Isaias 15:3

Cadagiti daldalanda baricsandanto dagiti bagbagida iti lupot a nakersang; cadagiti tuctoc ti balayda, ken cadagiti luglugarda a nalawa, agdung-awto tunggal maysa, agsangit iti napalalo.

Jeremias 13:18

Sica cunaem iti ari ken iti reina nga ina, Agpacumbabacayo, agtugawcayo; ta dagiti bonete ti oloyo bimmabada, wen, ti balangat ti dayagyo.

Jeremias 36:13

Idin ni Mikeas impalawagna cadacuada dagiti amin a sasao a nangngegna idi a ni Baruc binasana ti libro cadagiti pagdengngeg dagiti tattao.

Jeremias 36:24

Ket saanda a nagbuteng, wenno rinay-ab dagiti pagan-anayda, ti ari wenno dagiti adipenna a nacangngeg cadagitoy amin a sasao.

Jeremias 6:26

O anac a babai ti ilic, agbarikesca iti nakersang a lupot, ket lumumlumca cadagiti dapdapu: agladingitca, a cas maipaay iti bugbugtong nga anac a lalaki, ti casaeman nga ununnoy; ta ti managdadael umayto a pettat cadatayo.

Dungdung-aw 2:10

Dagiti panglacayen ti anac a babai ti Sion agtugawda iti daga, agulimecda; nangicabilda iti tapuc iti rabaw dagiti ol-oloda; nagbarikesda iti lupot a nakersang; dagiti babbalasang ti Jerusalem itamedda dagiti ol-oloda iti daga.

Dungdung-aw 3:29

Isu icabilna coma ti ngiwatna iti tapoc, iti casta adda coma inanama.

Ezekiel 26:16

Iti casta dagiti amin a principes ti baybay umulogdanto manipud cadagiti tronoda, ket idissoda dagiti lambonda, ket ucsobenda dagiti nabordaan a pagananayda: agcawesdanto a sipipigerger; agtugawdanto iti daga, ket agkintayegdanto iti tunggal canito, ket masdaawdanto kenca.

Daniel 9:3

Ket insangoc ti rupac iti Apo a Dios, tapno sapulec babaen ti cararag ken pannakicaasi, agraman panagayunar ken lupot a nakersang ken dapu.

Mikias 1:10

Dicayo ibaga idiay Gat, saancayo nga agsangit a pulos: idiay Beth-leafra gimmamerac iti tapuc.

San Mateo 11:21

Asica pay, Corazin! Asica pay, Betsaida! ta no idiay Tiro ken Sidon naaramidda coma dagiti datdatlag a naaramid cadacayo nagbabawida coma a nabayagen iti cilicio ken dapo.

San Lucas 10:13

Asica pay, Corazin Asica pay Betsaida! ta no idiay Tiro ken Sidon naaramid coma dagiti datdatlag a naaramid cadacayo, nabayag coman a nagbabawida, a nagcawes ti nakersang a lupot ken nagtugaw iti dapo.