Jonas 3:4 - Ti Biblia (1973)

⁴ Ket nangrugi ni Jonas a simrec iti ili a nagmalem a nagna, ket impuccawna, a kinunana, uppat a pulo nga aldaw manipud ita, ket ti Ninive maracracto.

Ti Baro a Naimbag a Damag Biblia

⁴ Rinugian ni Jonas a sinursor ti siudad. Kalpasan ti agmalmalem a pannagnana, impakdaarna: “Uppat a pulo nga aldaw manipud ita, madadaelto ti Nineve!”

Jonas 3:4 Iomraidhean Croise

2 Ar-ari 20:1

Cadagidi nga al-aldaw ni Ezekias nagsakit iti macapatay. Ket ni Isaias a mammadto nga anac ni Amos immay kencuana, ket kinunana kencuana, Castoy ti cuna ni Jehova, Urnosem ti balaymo; ta mataycanto, ket dicanto agbiag.

2 Ar-ari 20:6

Ket nayonacto dagita al-aldawmo iti sangapulo ket lima a tawen; ket ispalencanto ken daytoy nga ili iti ima ti ari ti Asiria; ket salacnibacto daytoy nga ili a gapu caniac met laeng, ken gapu ken ni David nga adipenco.

Isaias 30:18

Gapuna nga agurayto ni Jehova, tapno macaasiannacayo; ket iti casta maitan-octo; tapno isu maaddaan iti panangngaasi cadacayo: ta ni Jehova isu ti Dios ti kinajusticia; nagasat dagiti isu-amin nga agpannuray kencuana.

Jeremias 42:10

No agnaedcayto pay laeng itoy a daga, bangonencayto ngarud, ket dicayto rebbaen, imulacayto, ket dicayto paruten; ta pagleddaangac ti dakes nga inaramidco cadacayo.

Jonas 3:10

Ket ti Dios nakitana dagiti aramidda, a nagtuckiadda iti dakes a dalanda; ket ti Dios imbabawina ti dakes nga imbagana idi nga aramidenna coma cadacuada; ket saanna nga inaramid.

San Mateo 12:41

Dagiti tattao sadi Ninive tumacderdanto iti panangocom a maigiddan iti daytoy a caputotan, ket isu pabasolendanto; ta isuda nagbabawida iti panangascasaba ni Jonas; ket adda ditoy ti maysa a nangnangrona ngem ni Jonas.

San Lucas 11:30

Ta cas ni Jonas nagbalin a pagilasinan dagiti taga Ninive, casta met ti Anac ti tao isunto ti pagilasinan daytoy a caputotan.

San Lucas 11:32

Dagiti tao sadi Ninive tumacderdanto iti panangocom a maigiddan itoy a caputotan, ket panecnecandanto ti maibusor cadacuada; ta nagbabawida iti panangascasaba ni Jonas; ket adda ditoy ti dacdackel ngem ni Jonas.

Deuteronomio 18:22

No ti mammadto agsao iti nagan ni Jehova, no ti banag saan a sumaruno, wenno di-maaramid dayta ti banag a ni Jehova saanna nga imbaga: ti mammadto sinaona dayta a sicucuspag, dicanto agbuteng kencuana.