Jonas 2:4 - Ti Biblia (1973)

⁴ Ket kinunac, mapagtalawac iti imatangmo; ngem maimatangacto manen ti nasantoan a templom.

Ti Baro a Naimbag a Damag Biblia

⁴ Impagarupko a napagtalawak iti imatangmo, ket diakton makita ti nasantoan a Templom.

Jonas 2:4 Iomraidhean Croise

1 Ar-ari 8:42

(Ta isuda mangngegdanto ti maipapan iti naindaclan a naganmo, ken ti mannacabalin nga imam, ken ti tackiagmo a siuunnat), no umayto ket agcararag a sumango ditoy a balay;

1 Ar-ari 8:48

No isuda agsublida kenca iti amin a pusoda ken iti amin a cararuada idiay daga dagiti cabcabusorda, a nangala cadacuada a nangayaw, ket cumararagda kenca a sumangoda iti dagada, isu nga intedmo cadagiti ammada, ti ili a sica pinilim, ken ti balay a pinutarco a maipaay iti naganmo:

1 Ar-ari 9:7

Iti casta siac ipusayconto ti Israel iti daga nga intedco cadacuada; ket daytoy a balay isu a sinantificarco a maipaay iti naganco, ibellengconto iti ruar ti imatangco; ket ti Israel agbalinto a maysa a proverbio ken maysa a barengbareng a balicas cadagiti amin a tattao.

2 Cronicas 6:38

No isuda agsublida kenca iti amin a pusoda ken iti amin a cararuada idiay daga a nacacayawanda, iti disso a nangipananda cadacuada a nacayawan, ket cumararagda kenca a sumangoda iti dagada, isu nga intedmo cadagiti ammada, ken ti ili a sica pinilim, ken iti balay a pinutarco a maipaay iti naganmo:

Dagiti Salmo 31:22

No caniac, kinunac iti pannacaganatco, nagudasacon ita sangoanan dagiti matam: nupay casta sica nangngegmo ti timec dagiti panagpacpacaasic, idi imkisac kenca.

Dagiti Salmo 42:8

Ngem ni Jehova baonennanto ti kinamanagayatna iti bayat ti aldaw; ket iti rabii ti cantana addanto caniac, ken cararag pay iti Dios ti biagco.

Dagiti Salmo 5:7

Ngem no caniac, iti caadu ti kinamanangngaasim umayacto iti balaymo: iti panagbuteng kenca agrucbabacto a situturong iti nasantoan a templom.

Dagiti Salmo 88:6

Sica insaadnac iti caunegan nga abut, cadagiti nasipnget a yan, cadagiti yuyeng.

Dagiti Salmo 88:7

Ta pungtotmo agdisso a sibabantot caniac, ken pinagladingitnac cadagiti amin a dalluyonmo. (Selah)

Isaias 38:17

Adtoy, maipaay iti talnac naaddaanac iti dackel a kinapait: ngem sica inayatmo toy cararuac insalacanmo iti dariwangwang ti panagrupsa; ta sica imbacalmo amin a basbasolco iti licudam.

Isaias 49:14

Ngem ti Sion kinunana, Ni Jehova binay-annac, ket ti Apo nalipatannac.

Jeremias 15:1

Idin kinuna ni Jehova caniac, Nupay da Moises ken ni Samuel nagtacderda iti sangoanac, uray casta ti isipco saan nga agturong iti daytoy nga umili: pagtalawem ida, iti sangoanac, ket bay-am ida a rumuar.

Jeremias 7:15

Ket pagtalawencayto iti imatangco, cas iti panangibellengco cadagiti amin a cacabsatyo, ti amin met laeng a capuonan ni Efraim.

Dungdung-aw 3:54

Dagiti danum nagayusda iti rabaw ti oloc; kinunac, Madadaelacon.

Ezekiel 37:11

Idin kinunana caniac, Anac ti tao, dagitoy a tultulang isuda amin ti balay ti Israel: adtoy, cunada, dagiti tultulangtayo nagangganganda, ket ti namnamatayo napucaw; datayo madadaeltayo a matalipupus.

Daniel 6:10

Idi naammoan ni Daniel a ti surat nafirmaanen, simrec iti balayna (ket dagiti tawa ti siledna silulucatda a maiturong iti Jerusalem); ket isu nagparintumeng iti namitlo iti tunggal aldaw, ket nagcararag, ket nagyaman iti sangoanan ti Diosna a cas ar-aramidenna idi.

Jonas 2:7

Idi a toy cararuac nagcapuy caniac, nalagipco ni Jehova; ket ti cararagco dimmanon kenca, iti nasantoan a templom.