Jonas 2:2 - Ti Biblia (1973)

² Ket kinunana, inawagac ni Jehova gapu iti pacarigatac, ket dinengngegnac; nanipud idiay tian ni Tanem immawagac, ket dinengngegmo ti timecco.

Ti Baro a Naimbag a Damag Biblia

² “Iti rigatko, O Apo, immawagak kenka, ket impangagnak. Immasugak manipud iti tukot ti lubong dagiti natay, ket nangngegmo ti timekko.

Jonas 2:2 Iomraidhean Croise

2 Cronicas 33:12

Ket idi isu naparparigat, sinapulna ni Jehova a Diosna, ket nagpacumbaba iti dackel unay iti sango ti Dios dagiti ammana.

Dagiti Salmo 116:3

Dagiti galgalut ni patay pinarautandac, ket dagiti tutuoc ni Tanem kinapetdac: nasaracac ti ducot ken ladingit.

Dagiti Salmo 120:1

Iti panagsennaayco imkisac ken Jehova, ket sinungbatannac.

Dagiti Salmo 16:10

Ta saanmonto a baybay-an toy cararwac iti Tanem; saanmonto met nga ipalubos a ti santom makitana ti panagrupsa.

Dagiti Salmo 22:24

Ta isu saanna nga inumsi ken kinauma ti leddaang ti mapaldaangan; saanna met nga inlinged kencuana ti rupana; ngem dinengngegna ketdi, idi immawag kencuana.

Dagiti Salmo 34:6

Toy nanumo a tao imkis, ket dinengngeg ni Jehova, ket insalacanna cadagiti amin a ducducotna.

Dagiti Salmo 4:1

Sungbatannac no umawagac, O Dios ti kinalintegco; sica binang-arannac idi nagrigrigatac: caasiannac, ken denggem toy cararagco.

Dagiti Salmo 61:2

Manipud iti pungto ti daga umawagacto kenca, intono maitulmeng toy pusoc: itulodnac iti bato a natay-tayag ngem siac.

Dagiti Salmo 65:2

O sica a dumngeg iti cararag, kenca ti umayandanto dagiti amin a lasag.

Dagiti Salmo 86:13

Ta dackel ti kinamanagayatmo caniac; ken inaonmo toy cararwac iti caungan a Tanem.

Isaias 14:9

Ti Tanem iti baba nagaraw a maipaay kenca a sumabet iti yaaymo; inriingannaca cadagiti natay, a dagiti amin met laeng a pangpangolo ti daga; pinatacderna dagiti ar-ari dagiti nasnacion manipud cadagiti tronoda.

Dungdung-aw 3:55

Siac inawagac dayta naganmo, O Jehova, nanipud iti adalem a bito.

Ezekiel 26:20

Isunto ti panangipababac kenca a maicuyog cadacuada nga umulog iti dariwangwang cadagiti tattao iti umuna a pannawen, ket pagnaedencanto cadagiti nauneg a paspaset ti daga, cadagiti disso a langalang idi unana, a maicuyog cadacuada nga umulog iti dariwangwang, tapno saanca a mapagtaengan; ket icabilconto ti dayag iti daga dagiti sibibiag.

Ezekiel 31:14

Ta tapno awan cadagiti amin a caycayo iti arpad ti dandanum ti agpasindayag iti kinatayagna, ket dida met isaad ti tuctocda iti nagtengngaan dagiti nasamec a sangsanga, wenno dagiti nabileg agtalgedda iti cangatoda, amin met laeng dagiti uminum iti danum; ta isuda amin nayawatda ken patay, cadagiti nababa a paspaset ti daga, iti tengnga dagiti annac dagiti tattao, agraman cadagidiay bumaba iti dariwangwang.

San Mateo 12:40

Ta no casano ti panaggian ni Jonas iti tian ti ballena iti tal-lo nga aldaw ken tal-lo a rabii, casta ti panaggianto ti Anac ti tao iti puso ti daga iti tal-lo nga aldaw ken tal-lo a rabii.

San Lucas 11:10

Ta tunggal maysa nga agdawat, umawat; ket ti agsapul, macasarac; ket ti umawag, mailucatanto.

San Lucas 22:44

Ket idi nga agtutuoc unay, nagcararag iti nasnasged: ket nagling-et iti cas la cadagiti tedted ti dara a nagtinnag iti daga.

Dagiti Aramid 2:27

Ta dicanto ipalubos nga agtaeng ti cararuac iti Hades, ket dicanto met iyawat ti Santom iti panagrupsa;

Hebreo 5:7

Isu, a cadagidi aldaw ti panaglasagna, idinto a nangidaton cadagiti carcararag ken dawdawat a nabuyugan iti nasged nga araraw ken lulua, iti daydiay macabalin idi a mangispal kencuana iti ipapatay; ket idinto a naipangag gapu iti nadiosan nga amacna,

1 Samuel 1:16

Dica coma ibilang ti adipenmo a maysa a babai a dakes, ta iti kinawadwad ti ladingitco ken ti unnoyco nagsaoac agingga ita.

1 Samuel 30:6

Ket ni David napaldaang iti napalalo; ta ti umili insaona ti pananguborda kencuana, agsipud ta ti cararua ti amin nga umili napaliday, tunggal lalaki a gapu cadagiti annacna a lallaki ken babbai: ngem ni David pinapigsana ti bagina ken Jehova a Diosna.