Jonas 1:6 - Ti Biblia (1973)

⁶ Iti casta ti panguloen di sasacayan immasideg kencuana ket kinunana, Ania ti aramidem, O mannaturog? Bumangonca, ket awagam ti Diosmo, bareng no ti Dios malagipnatayto tapno ditayo mapucaw.

Ti Baro a Naimbag a Damag Biblia

⁶ Sadiay ti nakasarakan kenkuana ti kapitan ti barko. “Apay a matmaturogka?” kinuna ti kapitan. “Bumangonka ketdi ket agpatulongka iti diosmo bareng no kaasiannatayo ket saantayo a matay.”

Jonas 1:6 Iomraidhean Croise

2 Samuel 12:22

Ket isu kinunana, Bayat ti panagbiag pay laeng ti ubing, nagayunarac ken nagsangitac: ta kinunac, Asino ti macaammo a ni Jehova dinto mangngaasi caniac, nga agbiag coma ti ubing?

Ester 4:16

Inca urnongem amin dagiti Judios nga addada a madama iti Susan, ket agayunarcayo a maipaay caniac, ket dicayo mangan wenno uminum bayat iti tallo nga aldaw, rabii wenno aldaw: siac met ken dagiti babbalasangco agayunarcamto met iti casta a wagas; ket iti casta sumrecacto agingga iti ari, nga uray saan a mayalubog iti linteg; ket no mapucawac, mapucawac.

Dagiti Salmo 107:6

Idi a casta imkisda ken Jehova iti panagducotda, ket isu inispalna ida cadagiti sensennaayda.

Dagiti Salmo 78:34

Idi a papatayenna ida, isu metten ti panangbirucda kencuana; ket nagsublida ken sinapulda a sipapasnec ti Dios.

Isaias 3:15

Ania ti panggepyo dacayo a ladditenyo ti ilic, ken lebbekenyo ti rupa dagiti napanglaw? cuna ti Apo, a ni Jehova dagiti buybuyot.

Ezekiel 18:2

Ania ti cayatyo a saoen, nga aramatenyo daytoy a proverbio a maipapan iti daga ti Israel, a cunayo, dagiti amma kinnanda ti uvas a naalsem, ket dagiti ngipngipen dagiti ub-ubbing naalinoda?

Joel 2:11

Ket ni Jehova agtimec iti sangoanan ti buyotna; ta ti pacarsona dackel unay; ta isu napigsa a manungpal iti saona; ta ti aldaw ni Jehova dackel ken nacaal-alingec unay; ket asino ti macaitured?

Amos 5:15

Guraenyo ti dakes, ket ayatenyo ti imbag, ket ipasdecyo ti kinajusticia idiay ruangan; nalabit a ni Jehova, ti Dios dagiti buybuyot, addanto laeng asina iti matda ken ni Jose.

Jonas 3:8

Ket maabbonganda coma iti lupot a nakersang dagiti tattao ken dagiti an-animal, ket awaganda coma ti Dios iti natbag unay: wen, isuda agbabawida coma tunggal maysa iti dalanna a dakes, ken iti panagranggas nga adda cadagiti imana.

Jonas 3:9

Siasino ti macaammo no ti Dios ibawingnanto ken ibabawinanto ti narungsot a pungtotna, tapno ditayto mapucaw?

Dagiti Aramid 21:13

Idin ni Pablo simmungbat: Ania ti aramidenyo nga agsangsangit ket pagpulcokenyo daytoy pusoc? ta siac saan laeng nga addaac a sisasagana a maparautan, no di ket matay pay idiay Jerusalem a maipoon iti nagan ni Apo Jesus.

Taga-Roma 13:11

Ket daytoy, idinto nga ammotayo ti pannawen nga isu ti horas a panagriingtayon iti turog: ta ita, ti pannacaisalacantayo as-asidegen ngem idi damo a namatitayo.

Taga-Efeso 5:14

Gapuna masasao: Agriingca, sica a matmaturog, ket bumangonca, iti nagtengngaan dagiti natay, ket lawagannacanto ni Cristo.