Jonas 1:5 - Ti Biblia (1973)

⁵ Idin dagiti marinero nagbutengda ket tunggal maysa inawaganna ti diosna ket imbellengda iti taaw ti nailugan a carga idi sasacayan tapno mapalag-anan: nupay casta ni Jonas immulog iti caunegan di sasacayan; ket nagidda, ket nacaturog iti nargaan.

Ti Baro a Naimbag a Damag Biblia

⁵ Nagbuteng dagiti tripulante ket immawag ti tunggal maysa iti diosna. Tapno lumag-an ti barko, intappuakda dagiti karga. Ngem adda ni Jonas iti akimbaba a kadsaaran ti barko iti maysa a suli, ket nargaan ti turogna.

Jonas 1:5 Iomraidhean Croise

1 Ar-ari 18:26

Ket isuda innalada ti vaca a naited cadacuada, ket isu ti insaganada, ket inawaganda ti nagan ni Baal nanipud agsapa inggana iti matoon, a kinunada, O Baal, denggennacami. Ngem awan idi ti timec, wenno asinoman a simmungbat. Ket isuda naglaglagtoda iti denna ti altar a naaramid.

Ti Libro ni Job 2:4

Ket ni Satanas simmungbat ken Jehova, ket kinunana, Cudil ken cudil, wen, amin a cupicupan ti tao itdennanto gapu iti biagna.

Dagiti Salmo 107:25

Ta bilinenna, ket pabangonenna ti angin ti bagio, isu a mangicudduag cadagiti dalluyonna.

Dagiti Salmo 148:8

Apuy ken uraro, nieve ken alingasaw, bagio nga angin, a tungpalenyo iti saona:

Eclesiastes 3:6

Pannawen ti panagbiroc, ket pannawen ti panangpucaw; pannawen ti panangsalimetmet, ket pannawen ti panagibelleng;

Isaias 45:20

Aguornongcayo ken umaycayo; umasidegcayo nga agcucuyog, dacayo a nailiclic cadagiti nasnacion; dagidiay nga awanan pannacaammo nga agawit ti cayo ti kinitikitan a ladawanda, ken agcararagda iti maysa a dios a dina mabalin ti mangisalacan cadacuada.

Jeremias 2:28

Ket sadino ti yanda dagiti didiosemo a binangonmo a maipaay kenca? Bumangonda coma, ta bareng maisalacandaca iti pacatutuocam: ta no casano ti bilang dagiti il-ilim, O Juda, castamet ti bilang dagiti didiosmo.

Oseas 7:14

Ket saanda a nagasug caniac iti pusoda, no di ket agasugda cadagiti iddada: agtitiponda a maipoon laeng iti taraon ken baro nga arac; sumupringda iti maibusor caniac.

Jonas 1:14

Gapuna nga inawaganda ni Jehova, ket kinunada, Dawatenmi kenca, O Jehova, dawatenmi kenca, dicami coma mapucaw a gapu iti biag daytoy a tao, ket dinacami met pabasolen iti dara ti nasingpet; ta sica, O Jehova, inaramidmo ti cas kinayatmo.

Jonas 1:16

Idin nagbuteng unay dagiti tattao ken ni Jehova: ket nangipaayda iti daton ken ni Jehova, ket nagicarida.

Jonas 1:6

Iti casta ti panguloen di sasacayan immasideg kencuana ket kinunana, Ania ti aramidem, O mannaturog? Bumangonca, ket awagam ti Diosmo, bareng no ti Dios malagipnatayto tapno ditayo mapucaw.

San Mateo 25:5

Idi ngarud nagbayag daydi novio, nagdungsada amin, ket nacaturogda.

San Mateo 26:43

Ket idi immay manen nasaracanna ida a matmaturog; ta dagiti matada addada nga agcurcuridemdem.

San Mateo 26:45

Idin immay cadagiti adalan ket cunana cadacuada: Maturogcayon ket aginanacayo: adtoy, ti horas asidegen, ket toy Anac ti tao mayawat cadagiti imima dagiti managbasol.

Dagiti Aramid 27:38

Ket idi napnecda a nangan, pinalag-ananda di barangay nga intappuacda di trigo iti baybay.

Uk-ukom 16:19

Ket isu pinaturogna idi iti rabaw dagiti tumengna; ket nangayab iti maysa a tao, ket kiniskisanna dagiti pito a parpargayen iti olona; ket isu rinugianna ti nangparigat kencuana, ket ti pigsana pimmanaw kencuana.

1 Samuel 24:3

Ket isu immay iti pagyaponan iti carnero idi dalan, a yan idi ti maysa a gucayab; ket ni Saul simrec a mangabbong cadagiti sacana. Ngem ni David ken dagiti lallakina addada nga agyan cadagiti caunegan a paset ti gucayab.