Jonas 1:3 - Ti Biblia (1973)

³ Ngem ni Jonas timmacder tapno agtalaw iti saclang ni Jehova a mapan idiay Tarsis, ket simmalog idiay Joppe, ket nasaracna ti maysa a barangay nga agrubbuat a mapan idiay Tarsis, iti casta binayadanna ti fletena, ket limmugan kencuana a cumuyog cadacuada idiay Tarsis nga aggapu iti saclang ni Jehova.

Ti Baro a Naimbag a Damag Biblia

³ Ngem nagrubbuat ketdi ni Jonas ket sabali ti tinurongna tapno itarayanna ni Yahweh. Napan idiay Joppe ket nakasarak iti barko nga agturong idiay Tarsis. Kalpasan ti panagbayadna iti pletena, limmugan a kaduana dagiti tripulante tapno mapan sadiay, ket iti kasta, maadaywanna ni Yahweh.

Jonas 1:3 Iomraidhean Croise

Genesis 3:8

Ket nangngegda ti timec ni Jehova Dios a magmagna iti minuyongan iti lamiis ti aldaw: ket naglemmeng ti lalaki ken ti asawana cadagiti cacaycayoan iti minuyongan iti imatang ni Jehova Dios.

Genesis 4:16

Ket nagpanaw ni Cain iti sango ni Jehova, ket nagnaed iti daga a Nod, iti daya ti Eden.

1 Ar-ari 19:3

Ket idi a nakitana daydiay, isu timmacder, ket napan gapu iti biagna, ket dimteng sadi Beer-seba, isu a biang ti Juda, ket imbatina ti adipenna sadiay.

1 Ar-ari 19:9

Ket isu dimteng sadiay iti maysa a rukib ket nagdagus sadiay; ket, adtoy, ti sao ni Jehova immay kencuana, ket kinunana kencuana, Ania ti aramidem ditoy, Elias?

2 Cronicas 2:15

Gapuna ita ti trigo ken cebada, ti lana ken ti arac, a sinao caniac ni apoc, ipaw-itna coma cadagiti ad-adipenna:

2 Cronicas 2:16

Ket pucanenminto ti cayo idiay Libano, iti caadu a cas adda a pacasapulam; ket iyegminto kenca, a maiyunoy iti baybay agingga iti Joppe; ket isang-atmonto agingga iti Jerusalem.

2 Cronicas 9:21

Ta ti ari addaan cadagiti sasacayan a napan sadi Tarsis a cadua dagiti ad-adipen ni Huram; maminsan tunggal tallo a tawen dumteng dagiti sasacayan nga aggapu ti Tarsis, a nagisangsangpet cadagiti balitoc, ken pirac, marfil, bakes, ken pavoreal.

ESDRAS 3:7

Nangtedda met ti pirac cadagiti agcavcaviti, ken cadagiti allawagi; ken taraon, ken inumen, ken lana, cadagiti taga Sidon, ken cadagiti taga Tiro, tapno agyegda cadagiti caycayo a cantingen nga aggapu iti Libano agingga iti baybay, agingga iti Joppe, a mayalubog iti palubos nga inted ni Ciro nga ari ti Persia cadacuada.

Ti Libro ni Job 1:12

Ket ni Jehova kinunana ken Satanas, Adtoy, amin a cupicupanna adda ita pannacabalinmo; isuna laeng a dica icabil ta imam kencuana met laeng. Iti casta ni Satanas rimmuar a naggapu iti saclang ni Jehova.

Ti Libro ni Job 2:7

Iti casta ni Satanas rimmuar nanipud iti saclang ni Jehova, ket kinabilna ni Job cadagiti naut-ut a busbusali manipud iti dapan ti sacana agingga iti cuppocuppona.

Dagiti Salmo 107:23

Dagiti tumapug idiay baybay cadagiti sasacayan, dagiti agcomcomercio cadagiti dadackel a dandanum;

Isaias 2:16

Ken cadagiti amin a sasacayan a taga Tarsis, ken iti amin a nacaay-ayo a paltuad.

Isaias 23:1

Ti sagabaen ti Tiro. Aganug-ogcayo a sasacayan ti Tarsis; ta isu narba iti casta nga awan ti balay, awan ti sercan; manipud iti daga ti Kittim isu ti maipacdaar cadacuada.

Isaias 23:10

Lumabasca a lasatem ti dagam a cas iti Nilo, O anac a babai ti Tarsis; ta awanen ti manglapped.

Isaias 23:6

Lumabascayo sadi Tarsis; agdung-awcayo dacayo nga agtaeng iti igid ti taaw.

Isaias 60:9

Pudno a dagiti purpuro agpannuraydanto caniac, ket dagiti sasacayan ti Tarsis nga umuna, a mangyeg cadagiti annacmo a lallaki nga aggapu ti adayu, ti piracda ken balitocda agraman cadacuada, maipaay iti nagan ni Jehova a Diosmo, ken maipaay iti Santo ti Israel, agsipud ta isu ti nangpadayag kenca.

Jeremias 10:9

Adda pirac a napitpit a napaingpis isu a naiyeg manipud Tarsis, ken balitoc manipud Ufas, gapuanan ti mammaday ken dagiti im-ima ti agpanpanday ti balitoc; azul ken purpura ti cawesda; isuda amin aramid ida dagiti lallaki a nalaing.

Ezekiel 2:8

Ngem sica, anac ti tao; denggem ti saoec kenca; saanca coma a nasukir a cas dayta nasukir a balay: agngangaca, ket canem ti itdec kenca.

Ezekiel 27:12

Ti Tarsis isu ti kinatinnagilacom gapu iti caadu dagiti amin a kita ti kinabacnang; dagiti pirac, landoc, lata, ken buli, pinagsucatda cadagiti tagtagilacom.

Ezekiel 3:14

Iti casta ti espiritu binagcatnac, ket impanawnac; ket napanac a sipapait ti nakemco, ken iti pudot ti espirituc; ket ti ima ni Jehova napigsa idi caniac.

Jonas 1:10

Idin dagidi tattao nagbutengda iti napalalo ket kinunada kencuana, Ania daytoy nga inaramidmo? Ta naammoanda nga agtalaw iti saclang ni Jehova, ta impalawagna cadacuada.

Jonas 4:2

Ket nagcararag ken ni Jehova, ket kinunana, Dawatec kenca, O Jehova, saan a daytoy daydi kinunac idi addaac pay idiay dagac? Gapuna a dinardarasco ti ipapanco idiay Tarsis; ta ammoc idi a sica ti Dios a managparabur, ken manangngaasi, natanang nga agpungtot, nabacnang iti kinamanagayat, ket pagbabawiam ti dakes.

San Lucas 9:62

Ngem ni Jesus kinunana kencuana: Awan ti tao nga idinto nga immiggem iti arado ken tumaliaw pay iti licudan, a maicari iti pagarian ti Dios.

Dagiti Aramid 15:38

Ngem ni Pablo pinagarupna a saan a naimbag nga icuyogda daydi simmina cadacuada nanipud idiay Pamfilia, ken saan a nakitulong cadacuada iti aramid.

Dagiti Aramid 26:19

Gapuna, O ari Agripa, saanac a simmukir iti nailangitan a parparmata:

Dagiti Aramid 9:36

Ket adda idi sadi Joppe ti maysa a babai nga adalan nga agnagan Tabita, Dorcas iti sao ti griego daytoy adduan cadagiti naimbag nga aramid ken limlimos nga inaramidna.

Dagiti Aramid 9:38

Ket agsipud ta ti Lidda asideg ti Joppe, dagidi adalan, idi nangngegda a ni Pedro adda sadiay, nangibaonda ti dua a tao, a nagdawat kencuana: Saanca nga agbayag nga umay cadacami.

Dagiti Aramid 9:42

Ket naipadamag daytoy iti isu-amin a Joppe; ket adu dagiti namati iti Apo.

Dagiti Aramid 9:43

Ket napasamac a nagtaeng ti adu nga aldaw idiay Joppe, iti balay ti maysa nga agnagan ti Simon, nga agcurcurti.

1 Taga-Corinto 9:16

Ta uray no icascasabac ti evangelio, awan ti aniaman a panagpasindayagco; ta naipabaclay caniac daytoy a pannacasapul; ay-ayac pay ngarud no diacto icascasaba ti evangelio.

2 Taga-Tesalonica 1:9

Isuda madusadanto iti agnanayon a pannacapucaw a maisinada iti sangoanan ti Apo ken ti dayag ti pannacabalinna,

Josue 19:46

Ken Mejarcon, ken Racon, agraman ti beddeng nga adda iti sango ti Joppe.