Jonas 1:10 - Ti Biblia (1973)

¹⁰ Idin dagidi tattao nagbutengda iti napalalo ket kinunada kencuana, Ania daytoy nga inaramidmo? Ta naammoanda nga agtalaw iti saclang ni Jehova, ta impalawagna cadacuada.

Ti Baro a Naimbag a Damag Biblia

¹⁰ Imbaga ni Jonas kadakuada nga itartarayanna ni Yahweh. Idi naammoanda daytoy, nagbuteng dagiti tripulante ket kinunada, “Nakabutbuteng daytoy nga inaramidmo!”

Jonas 1:10 Iomraidhean Croise

Genesis 3:13

Idin ni Jehova Dios kinunana iti babai, Ania daytoy nga inaramidmo? Ket ti babai kinunana, Ti uleg inulbodnac ket nanganac.

2 Samuel 24:3

Ket ni Joab kinunana iti ari, Ita ni Jehova a Diosmo nayonanna ti umili, iti mamingasut ngem ti adda a bilangda coma, ket dagiti mata ti apoc nga ari isu ti makitana coma: ngem apay aya a ti apoc nga ari agragsac itoy a banag?

Ti Libro ni Job 27:22

Ta isu ipalladawto ti Dios, ket dina lisian: isu cayatna ti agtalaw iti imana.

Jonas 1:11

Idin kinunada kencuana, Ania ti aramidenmi kenca tapno ti taaw agtalna cadatayo? ta ti baybay dimmawel a dimmawel.

Jonas 1:3

Ngem ni Jonas timmacder tapno agtalaw iti saclang ni Jehova a mapan idiay Tarsis, ket simmalog idiay Joppe, ket nasaracna ti maysa a barangay nga agrubbuat a mapan idiay Tarsis, iti casta binayadanna ti fletena, ket limmugan kencuana a cumuyog cadacuada idiay Tarsis nga aggapu iti saclang ni Jehova.

San Juan 19:8

Idi ngarud nangngeg ni Pilato daytoy a sao, adadda manen ti butengna;

Josue 7:25

Ket ni Josue kinunana, Apayapay aya a riniribucnacami? ni Jehova riribukennaca ita nga aldaw. Ket isu-amin a Israelitas isu inuburda cadagiti batbato; ket pinuuranda ida, ket inuburda ida cadagiti batbato.