Joel 3:9 - Ti Biblia (1973)

⁹ Iwarragawagyo daytoy cadagiti nacion; isaganayo ti gubat; riingenyo dagiti maingel a lallaki; amin coma dagiti lallaki ti gubat umasidegda, umayda coma.

Ti Baro a Naimbag a Damag Biblia

⁹ “Ipakaammoyo daytoy kadagiti nasion: ‘Agsaganakayo a makigubat! Ayabanyo dagiti mannakigubat. Ummongenyo amin a soldado, ket inkayo!

Joel 3:9 Iomraidhean Croise

Dagiti Salmo 96:10

Cunaenyo cadagiti nasnacion, ni Jehova agari: ti met lubong naipasdec a di-mabalin nga isinen: ocomennanto a sicacanatad dagiti tattao.

Isaias 34:1

Umasidegcayo a dumngeg dacayo a nasnacion; ken timudenyo, dacayo nga il-ili dumngeg coma ti daga, ken ti linas-udna, ti lubong, ken amin a tumaud kencuana.

Jeremias 31:10

Denggenyo ti sao ni Jehova, O dacayo a nasnacion, ket ipalawagyo cadagiti adayu a purpuro; ket cunayo, Ti nangiwaras iti Israel urnongennanto, ket aywanannanto a cas ti pastor cadagiti arbanna.

Jeremias 50:2

Ipalawagyo cadagiti nasnacion ket iwarragawagyo, ket ipatacderyo ti wagayway, iwarasyo ket dicayo ilimed: cunayo, Ti Babilonia naalan, ni Bel mabainan, ni Merodac agcullayaw; dagiti ladawanna a kinitikitan mabainanda, dagiti diosenna agcullayawda.

Jeremias 51:11

Patademenyo dagiti pana, iggamanyo a nalaing dagiti calasag: ni Jehova tinignaynan ti nakem dagiti ar-ari dagiti Medos: ta ti panggepna maibusor iti Babilonia, tapno dadaelenna; ta isu ti panangibales ni Jehova, ti pannacaibales ti templona.

Jeremias 51:27

Ipatacderyo ti wagayway iti daga, pagunienyo ti tangguyob iti tengnga dagiti nasnacion, isaganayo dagiti nasnacion a maibusor kencuana, paguornongenyo a maibusor kencuana dagiti pagpagarian ti Ararat, Minni, ken Askenaz: pilienyo ti maysa a capitan a maibusor kencuana; pasang-atenyo dagiti cabcabayo a cas iti naranggas a lucton.

Jeremias 6:4

Isaganayo ti gubat a maicaniwas kencuana; tumacdercayo, ket sumang-attayon intono tengnga ti aldaw. Asitayo pay ta ti aldaw aglikig, ta dagiti aniniwan ti malem mayatiddugda.

Ezekiel 38:17

Castoy ti cuna ni Apo Jehova: Sica aya daydi sinaoc idi unana a pannawen babaen cadagiti adipenco a mammadto ti Israel, a nagipadto cadagidi nga al-aldaw bayat ti adu a tawen a pakigubatenca cadacuada?

Ezekiel 38:7

Masaganaca coma, wen, agsagana, sica, ken amin a cacuyogam a naur-urnong kenca, ket sica coma ti agbantay cadacuada.

Mikias 3:5

Castoy ti sinao ni Jehova maipapan cadagiti mammadto a pagbawingenda iti ilic; isuda a cumagatda cadagiti ngipenda, ken ipuccawda, Talna; ket iti daydiay a saan a mangpisuc cadagiti ngiwatda, mangisaganada pay iti gubat a maibusor kencuana:

Haggeo 2:7

Ket pagkintayegecto dagiti amin a nasnacion, ken dagiti napateg a gameng dagiti amin a nasnacion umaydanto; ket pusekecto daytoy a balay iti kinadayag, cuna ni Jehova dagiti buybuyot.

Zacarias 14:2

Ta urnongecto amin dagiti nasnacion a maibusor iti Jerusalem iti pananggubat; ket ti ili maalanto, ket dagiti balbalay matacawdanto, ket dagiti babbai mapilitdanto; ket ti cagudua ti ili mapanto iti pannacacayaw, ket ti matda cadagiti tattao saanto a mapucaw iti ili.

Zacarias 14:3

Iti casta ni Jehova mapanto, ket makigubatto a maibusor cadagidiay a nasnacion, a cas pannakigubatna idi aldaw ti bacal.