Joel 3:8 - Ti Biblia (1973)

⁸ Ket ilacocto dagiti annacyo a lallaki ken babbai iti ima dagiti annac ni Juda, ket isuda ilacodanto ida cadagiti lallaki a taga Saba, iti maysa a nacion nga adayu; ta sinao ni Jehova.

Ti Baro a Naimbag a Damag Biblia

⁸ Ipaluboskonto a mailako dagiti annakyo kadagiti taga-Juda a mangilakonto met kadakuada kadagiti taga-Saba nga adda iti adayo a pagilian. Ni Yahweh ti nagsao iti daytoy.

Joel 3:8 Iomraidhean Croise

Ti Libro ni Job 1:15

Dagiti Sabeos dimmuclusda cadacuada, ket innalada ida: wen, pinatayda dagiti ad-adipen iti tadem ti campilan; ket siac laeng a maymaysa ti nacatalaw a mangibaga kenca.

Dagiti Salmo 72:10

Dagiti ar-ari idiay Tarsis ken dagiti purpuro agbuisdanto: dagiti ar-ari ti Sheba ken Seba agipaaydanto cadagiti sagsagut.

Isaias 60:14

Ket dagiti annac a lallaki dagidiay a namaladingit kenca umaydanto a sirurucnoy kenca, ket amin dagiti nanguyuyaw kenca agrucnoydanto cadagiti dapanmo; ket naganendacanto Ti Ili ni Jehova, Ti Sion ti Santo ti Israel.

Jeremias 30:16

Gapuna nga amin dagidiay mangalun-un kenca, maalun-undanto; ket amin dagiti sumuppiat kenca, tunggal maysa cadacuada mapandanto iti pannacacayaw; ket dagidiay mangdadaelto kenca, madadaeldanto, ket amin a mangsamsamto kenca ipaayconto ida iti pannacasamsam.

Jeremias 6:20

Ania ti capapa-yanna ti pannacayegna caniac ti incienso nga aggapu idiay Seba, ken ti nasam-it nga unas iti adayu a daga? dagiti datdatonyo a mapuuran saanda a maawat, ket dagiti sacrificioyo saanda met a macaay-ayo caniac.

Ezekiel 23:42

Ket ti timec ti adu a sitatalged adda idi kencuana: ket dagiti lalllaki a sapasap a tattao agraman cadagiti mammartec nayegda nanipud iti let-ang; ket dagiti dua nagarcosda cadagiti pulceras cadagiti im-imada, ken napintas a balangat cadagiti oloda.

Ezekiel 38:13

Ti Saba, ken Dedan, ken dagiti agtagtagilaco ti Tarsis, agraman dagiti amin nga urbonna a leon, cunaendanto kenca, Immayca aya nga agagaw? inurnongmo ti bonggoymo tapno alaem ti samsam? tapno ipanawmo ti pirac ken balitoc, tapno ipanawmo dagiti vaca ken cucua, tapno alaem ti dackel a samsam?

Deuteronomio 32:30

Casano ti panangpataray ti maymaysa iti sangaribu, ket ti dua patarayenna ti sangapulo ribu, malacsid no ti Batoda inlacona ida, ken ni Jehova inyawatna ida?

Uk-ukom 2:14

Ket ti pungtot ni Jehova simged a maibusor iti Israel, ket inyawatna ida cadagiti im-ima dagiti agag-agaw, a nangagaw cadacuada; ket inlacona ida cadagiti ima dagiti cabusorda nga aglicmut, ket uray caano dida mabalin ti agtacderen iti sango dagiti cabusorda.

Uk-ukom 4:2

Ket ni Jehova inlacona ida iti ima ni Jabin nga ari ti Canaan, a nagari idiay Asor; ti capitan ti buyotna isu idi ni Sisara, a nagnaed idiay Haroset dagiti Gentil.

Uk-ukom 4:9

Ket ni Debora kinunana, Pudno a cumuyogacto kenca: nupay casta ti pannagna nga aramidem saanto nga agpaay iti dayawmo; ta ni Jehova ilaconanto ni Sisara iti ima ti maysa a babai: ket ni Debora timmacder, ket napan kimmuyog ken Barac aginggana iti Cedes.