Joel 3:7 - Ti Biblia (1973)

⁷ Adtoy, itacderconto ida a paruaren iti disso a nangilacoanyo cadacuada, ket isublicto ti supapacyo iti rabaw dagiti oloyo met laeng;

Ti Baro a Naimbag a Damag Biblia

⁷ Ita, iruarko ida kadagiti disso a nangilakoanyo kadakuada. Aramidekto met kadakayo ti inaramidyo kadakuada.

Joel 3:7 Iomraidhean Croise

Ester 7:10

Iti casta imbitayda ni Aman idi pagbitayan nga insaganana ken Mardokeo. Idin ti pungtot ti ari nagbaaw.

Isaias 11:12

Ket isu mangitayagto ti maysa a wagayway a maipaay cadagiti nasnacion, ken urnungennanto dagiti naiwarwara nga Israel, ken tiponenna nga agcaycaysa dagiti nasinasina ti Juda manipud cadagiti uppat a suli ti daga.

Isaias 49:12

Adtoy, dagitoy dumtengdanto nga aggapu iti adayu; ket, adtoy, dagitoy manipud iti amianan ken manipud iti laud; ken dagitoy manipud iti daga ti Sinim.

Isaias 66:6

Adda timec ti gulogulo nga aggapu iti ili, timec nga aggapu iti templo, timec ni Jehova a mangted ti supapac cadagiti cabusorna.

Jeremias 23:8

No di ket, Cas sibibiag ni Jehova, isu a nangaon ken nangidalan iti capuonan ti balay ti Israel manipud iti makinamianan a daga, ken manipud iti isu-amin a daga a nangipaturongac cadacuada. Ket isuda agnaeddanto iti dagada met laeng.

Jeremias 30:10

Gapuna a saanca nga agbuteng, O adipenco a Jacob, cuna ni Jehova; dica met agcullayaw, O Israel: ta, adtoy, isalacancanto manipud iti adayu, ken dagiti capuonam manipud iti daga ti pannacacayawda; ket ni Jacob agsublinto, ket aginananto ken agtalnanto, ket awanto ti mangpabuteng kencuana.

Jeremias 30:16

Gapuna nga amin dagidiay mangalun-un kenca, maalun-undanto; ket amin dagiti sumuppiat kenca, tunggal maysa cadacuada mapandanto iti pannacacayaw; ket dagidiay mangdadaelto kenca, madadaeldanto, ket amin a mangsamsamto kenca ipaayconto ida iti pannacasamsam.

Jeremias 31:8

Adtoy, siac iyegconto ida manipud iti daga iti amianan, ket urnongecto ida manipud cadagiti caadayuan a paspaset ti daga, ket maicuyog cadacuada ti bulsec ken ti pilay, ti babai a masicug ken castamet daydiay nga agpasical nga agipasngay: agsublidanto ditoy a dackel a bunggoy.

Jeremias 32:37

Adtoy, urnongecto ida manipud cadagiti amin a dagdaga, a nangipaturongac cadacuada gapu iti ungetco, ken iti rungsotco, ken iti dackel a pungtotco, ket iyegconto manen ida ditoy a disso, ket pagnaedecto ida a sitatalged.

Ezekiel 36:24

Ta alaencayto manipud iti tengnga dagiti nasnacion, ket urnongencayto manipud cadagiti amin a dagdaga, ket yegcayto iti dagayo met laeng.

Ezekiel 38:8

Calpasan ti adu nga aldaw masarungcarancanto: cadagiti maudi a tawtawen umaycanto iti daga a maisubli a naggapu iti campilan, a maurnong manipud cadagiti adu nga il-ili, iti rabaw dagiti banbantay ti Israel, isuda a naglangalang nga agnanayon; ngem isu mairuar manipud cadagiti il-ili, ket isuda agnaeddanto a sitatalged, isuda amin.

Joel 3:4

Wen, ket dacayo aniacayo caniac, O Tiro, ken Sidon, ken amin a beddeng ti Filistia? Supapacandacto aya? Ket no supapacandac, sidadaras ken sipapartacac a mangisubli iti supapacyo iti rabaw dagiti oloyo met laeng.

Zacarias 9:13

Ta binaccugco a cas ba-i ni Juda nga agpaay caniac, nakipagbiatac iti ba-i ken Efraim; ket dagdagecto dagiti annacmo a lallaki, O Sion, a maibusor cadagiti annacmo a lallaki, O Grecia, ket aramidencanto a cas la iti campilan ti maingel a lalaki.

San Mateo 7:2

Ta iti panangipato nga aramidenyo, casta met ti pannacaipatoyonto ket ti rucod a pangrucodyo, isu met ti pacarucodanyonto.

2 Taga-Tesalonica 1:6

A no coma no nalinteg iti biang ti Dios, a maisupapac ti rigat cadagiti mamarigat cadacayo.

Santiago 2:13

Ta ti panangocom awan asina a maipaay iti daydiay saan a nangaramat ti asi: ti asi agrag-o a maisupiat iti panangocom.

Paltiing 13:10

No ti siasinoman a tao mangipaay iti pannacacayaw; mapan iti pannacacayaw; no ti siasinoman a tao macapapatayto iti campilan, masapul nga isu mapapatay iti campilan. Adtoy, ti kinaanus ken ti pammati dagiti sasanto.

Paltiing 16:6

Gapu ta imbuyatda ti dara dagiti sasanto ken dagiti mammadto, ket sica impainummo met cadacuada ti dara: caicarianda.

Paltiing 19:2

Ta napudno ken nalinteg dagiti panangipatona; ta isu inocomna daydi dackel a balangcantis, isu a nangparugit iti daga babaen ti pannakicamcamalalana: ket cadagiti im-ima di babai naibales ti dara dagiti adipenna.

Uk-ukom 1:7

Ket ni Adoni-bezec kinunana, Pitopulo nga ar-ari, a napuculan dagiti tangtangan dagiti im-imada ken sacsacada nagurnongda ti taraonda iti siroc ti lamesaanco: cas iti inaramidco, casta met ti insupapac ti Dios caniac. Ket isu impanda idiay Jerusalem, isu a nacatayanna.

1 Samuel 15:33

Ket ni Samuel kinunana, No casano ti panangaramid idi ta campilanmo cadagiti babbai a naawanan annac, casta met ni inam maawananto iti anacna iti nagtengngaan dagiti babbai. Ket ni Samuel rinangcayna ni Agag iti sango ni Jehova idiay Gilgal.