Joel 3:5 - Ti Biblia (1973)

⁵ Gapu ta innalayo ti piracco ken ti balitocco, ket impanyo cadagiti temployo dagiti napintas ken napateg a gamengco.

Ti Baro a Naimbag a Damag Biblia

⁵ Innalayo dagiti pirak ken balitokko, ket impanyo dagiti napateg a gamengko kadagiti temployo.

Joel 3:5 Iomraidhean Croise

2 Ar-ari 12:18

Ket ni Joas nga ari ti Juda innalana amin a banbanag a nasantoan nga indaton da Josafat, Joram, ken Ocozias, nga ammana, nga ar-ari ti Juda, ken isu-amin a banbanag a nasantoan nga impaayna idi, ken isu-amin a balitoc a nasaracan cadagiti gamgameng ti balay ni Jehova, ken iti balay ti ari, ket pinaipanna ida ken ni Hazeel nga ari ti Siria: ket isu pimmanaw idiay Jerusalem.

2 Ar-ari 16:8

Ket ni Acaz innalana di pirac ken balitoc a nasaracan idi balay ni Jehova, ken cadagiti gamgameng ti balay ti ari, ket pinaibaonna a sagut iti ari ti Asiria.

2 Ar-ari 24:13

Ket impanawna sadiay amin dagiti gamgameng ti balay ni Jehova, ken dagiti gamgameng ti balay ti ari, ket binurburacna dagiti isu-amin nga alicamen a balitoc, nga inaramid idi ni Salomon nga ari ti Israel iti templo ni Jehova, cas kinuna idi ni Jehova.

Isaias 11:11

Ket maaramidto iti dayta nga aldaw, a ti Apo isaadnanto manen ti imana iti maicadua a daras a mangsubbot iti matda iti ilina, dagiti maitiddanto nga aggapu iti Asiria, ken aggapu iti Egipto, ken aggapu iti Patros, ken aggapu iti Cus, ken aggapu iti Elam, ken aggapu iti Sinar, ken aggapu iti Amat, ken cadagiti purpuro ti baybay.

Jeremias 23:7

Gapuna, adtoy, dagiti al-aldaw dumtengda, cuna ni Jehova, a saandanto a saoenen, Cas sibibiag ni Jehova, isu a nangaon cadagiti annac ni Israel iti daga nga Egipto;

Jeremias 50:28

Ti timec dagidiay nga agtaray ken agtalaw iti daga a Babilonia, tapno maiwarragawag idiay Sion ti panangibales ni Jehova a Diostayo, ti pannacaibales ti templona.

Jeremias 51:11

Patademenyo dagiti pana, iggamanyo a nalaing dagiti calasag: ni Jehova tinignaynan ti nakem dagiti ar-ari dagiti Medos: ta ti panggepna maibusor iti Babilonia, tapno dadaelenna; ta isu ti panangibales ni Jehova, ti pannacaibales ti templona.

Ezekiel 37:12

Gapuna agipadtoca, ket cunam cadacuada, Castoy ti cuna ni Apo Jehova: Adtoy, luctacto dagiti tanemyo, ket pasang-atencayo manipud cadagiti tanemyo, O ilic; ket yegcayto iti daga ti Israel.

Daniel 11:38

Nupay casta iti saadna dayawennanto ti dios dagiti sarikedked, ket maysa a dios a saan a naammoan dagidi ammana dayawennanto babaen iti balitoc, ken pirac ken cadagiti napateg a batbato, ken cadagiti macaayayo a banbanag.

Obadias 1:17

Ngem idiay bantay Sion addanto dagiti macalisi, ket isu nasantoanto; ket ti balay ni Jacob tagicuaendanto ti cucuada.