Joel 3:4 - Ti Biblia (1973)

⁴ Wen, ket dacayo aniacayo caniac, O Tiro, ken Sidon, ken amin a beddeng ti Filistia? Supapacandacto aya? Ket no supapacandac, sidadaras ken sipapartacac a mangisubli iti supapacyo iti rabaw dagiti oloyo met laeng.

Ti Baro a Naimbag a Damag Biblia

⁴ “Ania ti kayatyo nga aramiden kaniak, Tiro, Sidon, ken amin a Filistia? Kayatdak kadi a balsen gapu iti inaramidko? No kayatdak a balsen, dagdagusenkayto a balsen!

Joel 3:4 Iomraidhean Croise

2 Cronicas 21:16

Ket ni Jehova riniingna a maibusor ken Joram ti nakem dagiti Filisteos, ken dagiti Arabes nga adda iti sibay dagiti Etiopes:

Isaias 14:29

Dica agragsac, O Filistia, sica amin, agsipud ta ti pang-or a nangabil kenca nabungtol; ta iti ramut ti uleg agtaudto ti maysa a carasaen, ket ti bungana isunto ti maysa a narungsot nga agtaytayab nga uleg.

Isaias 34:8

Ta ni Jehova addaan maysa nga aldaw a panangbales, maysa a tawen ti gunguna a maipaay iti panggep ti Sion.

Isaias 59:18

Cas cadagiti aramidda, iti mayanatop manggungunanto, ti pungtot cadagiti casupadina, supapacannanto dagiti cabusorna; cadagiti purpuro itdennanto ti gunguna.

Jeremias 47:1

Ti sao ni Jehova a dimteng ken Jeremias a mammadto a maipapan cadagiti Filisteos, iti sacbay ti panangcabil ni Faraon iti Gaza.

Jeremias 47:4

Maipuon iti aldaw a dumteng tapno madadael dagiti amin a Filisteos, ken mangkeltay manipud Tiro ken Sidon iti tunggal manulong a mabati: ta ni Jehova dadaelennanto dagiti Filisteos, ti nabati iti puro a Caftor.

Jeremias 51:6

Agtalawcayo iti tengnga ti Babilonia, ket isalacan ti tunggal maysa ti biagna; dicayo coma madadael iti kinadakesna: ta pannawenen ti panangibales ni Jehova; ipaaynanto ti supapacna.

Joel 2:10

Agkintayeg ti daga iti sangoananda; dagiti langit agpigergerda; ti init ken ti bulan agridemda, ket dagiti bitbitwen ipaidamda ti silengda.

Joel 2:2

Aldaw a nasipnget ken nacudrep, aldaw dagiti ul-ulep ken napuscol a sipnget, a cas ti bannawag nga agsacnap iti rabaw dagiti banbantay; maysa nga ili a dackel ken nabileg; uray caanoman awan ti pumadpad, ket awanton uray pay iti calpasanda uray cadagiti tawtawen dagiti adu a caputotan.

San Mateo 11:21

Asica pay, Corazin! Asica pay, Betsaida! ta no idiay Tiro ken Sidon naaramidda coma dagiti datdatlag a naaramid cadacayo nagbabawida coma a nabayagen iti cilicio ken dapo.

San Mateo 11:22

Ngem cunac cadacayo, a nalaglag-anto ti dusa ti Tiro ken Sidon iti aldaw ti pannacaocom, ngem cadacayo.

San Lucas 10:13

Asica pay, Corazin Asica pay Betsaida! ta no idiay Tiro ken Sidon naaramid coma dagiti datdatlag a naaramid cadacayo, nabayag coman a nagbabawida, a nagcawes ti nakersang a lupot ken nagtugaw iti dapo.

San Lucas 10:14

Ngem naparparbengto ti maikeddeng iti Tiro ken Sidon iti pannacaocom ngem cadacayo.

San Lucas 18:7

Ket ti Dios dinanto aramiden aya ti kinalinteg cadagiti pinilina, nga umawawag kencuana iti aldaw ken rabii, ket addanto anusna cadacuada?

Dagiti Aramid 9:4

Ket napasag iti daga, ket nangngegna ti maysa a timec a nagcuna kencuana: Saulo, Saulo, apayapay idadanesnac?

Deuteronomio 32:35

Cuac ti pammales ken panggunguna, iti aldaw a pannacaigalisto dagiti sacada: ta ti aldaw ti panagladingitda asidegen, ket dagiti dumteng cadacuada napardasdanto.

2 Taga-Tesalonica 1:6

A no coma no nalinteg iti biang ti Dios, a maisupapac ti rigat cadagiti mamarigat cadacayo.

Uk-ukom 11:12

Ket ni Jefte nangibaon cadagiti babaonen iti ari cadagiti annac ni Ammon, a kinunana, Ania ti bibiangmo caniac, nga immayca caniac a manggubat a maibusor iti dagac?