Joel 3:18 - Ti Biblia (1973)

¹⁸ Ket maaramidto iti dayta nga aldaw, a dagiti banbantay pagtedtedendanto ti nasam-it nga arac, ket dagiti turturod pagayusendanto ti gatas, ket amin dagiti wawaig ti Juda agayusdanto cadagiti dandanum; ket rumuarto ti maysa a burayoc iti balay ni Jehova, ken sibugannanto ti lobong ti Sittim.

Ti Baro a Naimbag a Damag Biblia

¹⁸ Inton dumteng dayta nga aldaw, masaknapanto iti ubas dagiti kabambantayan; adunto ti baka kadagiti katurturodan; nabuslonto ti danum iti entero a Juda. Addanto waig nga aggapu iti Templo ni Yahweh, ket padanumannanto ti Tanap dagiti Acacia.

Joel 3:18 Iomraidhean Croise

Ti Libro ni Job 29:6

Idi dagiti addangco nabuggoanda iti mantequilla, ket ti bato imbucbocna caniac dagiti burayoc ti lana!

Dagiti Salmo 46:4

Adda maysa a carayan a dagiti ayusna paragsakenda ti ili ti Dios, ti nasantoan a yan dagiti tabernaculo ti Cangatoan.

Exodo 3:8

Ket bimmabaacon tapno ilisic ida iti ima dagiti Egipcios, ken tapno ipanawco ida idiay a daga nga ipan iti maysa a naimbag ken nalawa, iti maysa a daga a pagayusan ti gatas ken diro; iti yan ti Cananeo, ken ti Heteo, ken ti Amorreo, ken ti Perezeo, ken ti Heveo, ken ti Jebuseo.

Isaias 30:25

Ket addanto iti rabaw ti amin a bantay a natayag, ken iti rabaw ti amin a turod a nangato, dagiti waig ken baresbes ti danum, iti aldaw ti dackel a panagpapatay, intono dagiti torre marsuodda.

Isaias 35:6

Iti casta aglagtonto ti pilay a cas maysa nga ugsa, ken ti dila ti umel agcantanto; ta iti let-ang pumsuacto dagiti dandanum, ken barbaresbes iti tay-ac a langalang.

Isaias 44:3

Ta mangibucbocacto ti danum iti mawaw, ken ay-ayus ti danum iti rabaw ti namaga a daga; Iparucpocconto ti Espirituc iti putotmo, ken ti bendicionco iti caputotam:

Isaias 45:8

Agipaaruyotcayo, langlangit manipud ngato, ken dagiti tangatang agibucbocda coma ti kinalinteg: aglucat coma ti daga tapno macapataud ti pannacaisalacan, ken aramidenna a makigiddan a tumpuar ti kinalinteg; siac ni Jehova, a namarsua kencuana.

Isaias 55:1

O, tunggal mawaw, umaycayo cadagiti dandanum, ken dayta nga awanan ti pirac; umaycayo, gumatangcayo, ken mangancayo; wen, umaycayo, ken gumatangcayo nga awan ti pirac ken awan ti baybayad iti arac ken gatas.

Isaias 66:11

Tapno susuoenyo coma ken mapneccayo cadagiti barucong ti panangliwliwana: tapno magatasyo coma, ken agrag-ocayo iti kinawadwad ti dayagna.

Jeremias 31:12

Ket umaydanto agcanta idiay tapaw ti Sion, ket agpunipondanto iti kinaimbag ni Jehova, iti trigo, ken iti baro nga arac, ken iti lana, ken cadagiti urbon dagiti pangen ken arban: ket ti cararuada caslanto maysa a minuyungan a madandanuman; ket saandanton nga agleddaang a pulos.

Mikias 6:5

O ilic, lagipem no ania ti insicat ni Balac nga ari ti Moab, ken no ania ti insungbat kencuana, ni Balaam nga anac ni Beor; lagipem ti manipud Sittim agingga ti Gilgal, tapno maammoan dagiti nalinteg a gapuanan ni Jehova.

Zacarias 14:8

Ket maaramidto iti daydiay nga aldaw, a nabiag a dandanum rumuardanto nga aggapu ti Jerusalem; ti cagudua dagidiay agpa-baybay iti daya, ket ti cagudua dagidiay agpa-baybay iti laud; castanto iti pannawen ti pudot ken lam-ec.

Numero 25:1

Ket ti Israel nagtaeng iti Sittim; ket ti ili nangrugi a nakiabig cadagiti annac a babai ti Moab: