Joel 3:16 - Ti Biblia (1973)

¹⁶ Ket ni Jehova, agungorto manipud Sion, ket yebcasnanto ti timecna manipud Jerusalem; ket dagiti langlangit ken ti daga agkintayegdanto: ngem ni Jehova isu ti pagcamanganto ti ilina, ken sarikedked cadagiti annac ti Israel.

Ti Baro a Naimbag a Damag Biblia

¹⁶ Agpukkaw ni Yahweh manipud Bantay Sion; manipud Jerusalem, agallangogan ti timekna. Agkintayeg ti daga ken ti tangatang, ngem salaknibannanto dagiti tattaona.

Joel 3:16 Iomraidhean Croise

Dagiti Salmo 18:2

Ni Jehova isu ti batoc, ken sarikedkedco, ken mangispal caniac; Diosco, batoc, isu a pagcamangacto; calasagco, ken sara ti pannacaisalacanco, nangato a baluarte.

Dagiti Salmo 29:11

Ni Jehova itednanto ti pigsa cadagiti tattaona; ni Jehova paraburannanto iti cappia ti ilina.

Dagiti Salmo 61:3

Ta sican ti kinamangac, natibker a baluarte iti cabusor.

Dagiti Proverbio 18:10

Ti nagan ni Jehova nabileg a sarikedked; ti nalinteg agcamang kencuana, ket maisalacan.

Isaias 33:16

Isu agtaengto sadi ngato; dagiti bacud a binato isudanto ti pagcamanganna, ti tinapay maitedto kencuana; dagiti danumna manamnama.

Isaias 33:21

No di ket ni Jehova makipagyan cadatayo sadiay iti kinadayagna, maysa a disso dagiti nalawa a carcarayan ken ay-ayus, nga awanto ti dumanon a bilog a sigagaud idiay, ket awanto met ti nalibnos a barco a lumabas sadiay.

Isaias 42:13

Ni Jehova rumuarto a cas maingel a tao; papigsaenna ti regtana a cas maysa a tao ti gubat: isu agickisto, wen, isu agriawto; aramidennanto a sipipigsa a maibusor cadagiti cabusorna.

Isaias 51:16

Ket incabilco dagiti saoc iti ngiwatmo, ken lininonganca iti aniniwan ti imac, tapno maipasdecco dagiti langlangit, ken maisaadco dagiti pamuon ti daga, ken cunaec iti Sion, Sica ti ilic.

Jeremias 16:19

O Jehova, a pigsac, ken pagsalingdac, ken camangco iti aldaw ti ladingit, dagiti nasnacion umaydanto kenca manipud cadagiti pungto ti daga, ket cunadanto, Dagidi ammami awan ti tinawidda no di ul-ulbod, kinaubbaw met laeng, ken cucua nga awan ti malac-am.

Jeremias 17:17

Saanca coma a macapabuteng caniac; sica ti camangco iti aldaw ti dakes.

Ezekiel 38:19

Ta iti imonco ken iti apuy ti pungtotco sinaoc, Pudno iti dayta nga aldaw addanto dackel a gingined iti daga ti Israel;

Oseas 11:10

Magnadanto a sumurot ken ni Jehova, isu nga agungorto a cas leon; ta isu agungorto, ket dagiti annac umaydanto a sipipigerger manipud iti laud.

Amos 1:2

Ket kinunana, Ni Jehova agungorto manipud idiay Sion, ket agtimec manipud idiay Jerusalem; ket dagiti pagpaaraban dagiti agpaspastor agpanesdanto, ket aglaylayto iti tapaw ti Carmelo.

Amos 3:8

Naguga ti leon; siasinonto ti di agbuteng? ni Apo Jehova nagsao; siasinonto ti di mangipadto?

Nahum 1:7

Ni Jehova naimbag, maysa a sarikedked iti aldaw ti riribuc; ket ammona dagidiay nga agcamang kencuana.

Haggeo 2:6

Ta castoy ti cuna ni Jehova dagiti buybuyot: Maminsan pay, iti mabiit a canito, ket pagkintayegecto dagiti langlangit, ken ti daga ken ti taaw, ken ti namaga a daga;

Haggeo 2:7

Ket pagkintayegecto dagiti amin a nasnacion, ken dagiti napateg a gameng dagiti amin a nasnacion umaydanto; ket pusekecto daytoy a balay iti kinadayag, cuna ni Jehova dagiti buybuyot.

Zacarias 10:12

Ket papigsaecto ida ken Jehova; ket babaen ti naganna agsursurdanto, cuna ni Jehova.

Zacarias 10:6

Ket siac papigsaecto ti balay ti Juda, ken isalacanconto ti balay ni Jose, ket isublicto ida; ta addaanac caasi cadacuada; ket isudanto ti casla diac ida impurruac: ta siac ni Jehova a Diosda, ket ipangagconto ida.

Zacarias 9:12

Agsublicayo iti sarikedked, dacayo a balud ti inanama: ita nga aldaw met laeng ipalawagco nga isublicto kenca nga mamindua.

Hebreo 12:26

Idi ti timecna pinagkintayegna ti daga; ngem ita incarina, a cunana: Pagkintayegec pay maminsan, saan laeng a ti daga, no di ket ti langit pay.

Paltiing 11:13

Ket idi nga horas immay ti maysa a dackel a gingined, ket natuang ti apagcapul-lo ti ciudad, ket natayda iti gingined dagiti pito ribo a tattao; ket dagidi natidda, nagbutengda, ket impaayda ti panagdaydayaw iti Dios ti langit.

Paltiing 11:19

Ket naluctan daydi templo ti Dios idiay langit, ket nakita idiay templona ti lacasa daydi tulagna: ken naadda idi kimkimat, ken ririaw, ken gurgurrood, ken maysa a gingined, ken dackel a tudo ti uraro.

Paltiing 16:18

Ket adda kimkimat idi ken ririaw ken gurgurrood; ket immay ti maysa a dackel a gingined, nga awan capadana nanipud idi adda tattao iti rabaw ti daga, maysa a gingined a nagdackel, casta unay a nagbileg.

1 Samuel 15:29

Ken castamet ti Kinabileg ti Israel dinto agulbod ken dinto met agbabawi; ta isu saan a maysa a tao, tapno agbabawi coma.