Joel 3:14 - Ti Biblia (1973)

¹⁴ Umariwecwec, umariwecwec a tattao idiay lobong a pangocoman! ta asidegen ti aldaw ni Jehova idiay lobong ti pangocoman.

Ti Baro a Naimbag a Damag Biblia

¹⁴ Rinibribu dagiti adda iti Tanap ti Pangeddeng. Dumtengen sadiay ti aldaw ni Yahweh.

Joel 3:14 Iomraidhean Croise

Dagiti Salmo 37:13

Ti Apo catawaannanto; ta makitana a ti aldawna dumtengen.

Isaias 13:4

Ti daranudor ti umariwecwec cadagiti banbantay, a cas ti adu unay a tattao! ti daranudor ti maysa nga ariwawa dagiti pagpagarian dagiti nacion naguurnongda! Ni Jehova dagiti buybuyot urnongenna dagiti buybuyot a maipaay iti gubat.

Isaias 22:1

Ti sagabaen ti tanap ti sirmata. Ania aya ti napasamac kenca, ta nacaulican a naananay cadagiti toctoc ti balay?

Joel 1:15

Ay ilala pay ti aldaw! ta asidegen ti aldaw ni Jehova, ket umayto cas pannacadadael nga aggapu iti Mannacabalinamin.

Joel 2:1

Puyotenyo ti tangguyob idiay Sion, ket pagunienyo ti panagbuac iti nasantoan a bantayco; amin dagiti agnaed iti daga agkintayegda coma; ta ti aldaw ni Jehova umay, ta adda iti asidegen;

Joel 2:11

Ket ni Jehova agtimec iti sangoanan ti buyotna; ta ti pacarsona dackel unay; ta isu napigsa a manungpal iti saona; ta ti aldaw ni Jehova dackel ken nacaal-alingec unay; ket asino ti macaitured?

Joel 3:12

Dagiti nacion agriingda coma, ket sumang-atda idiay lobong a Josafat: ta idiay agtugawacto a mangocom cadagiti amin a nacion iti aglicmut.

Joel 3:2

Tiptiponecto dagiti amin a nacion, ket pasalugecto ida idiay lobong a Josafat; ket idiay aramidecto ti panangocom cadacuada a maipaay iti ilic ken iti pagtawidec nga Israel, isuda a winarawarada cadagiti nasnacion: ket biningbingayda ti dagac,

Sofonias 1:14

Ti dackel nga aldaw ni Jehova asideg, isu asideg ken napardas unay, ti met laeng timec ti aldaw ni Jehova: ti maingel a lalaki agickis a sipapait unay sadiay.

Taga-Filipos 3:2

Annadanyo dagiti asaso, annadanyo dagiti dakes nga agar-aramid, annadanyo ti managcugit:

2 Pedro 3:7

Ngem dagiti langlangit ita ken ti daga, gapu iti daydi met la a sao naidulinda a maipaay iti apuy a maay-wananda nga agingga iti aldaw ti pannacaocom ken ti pannacapucaw dagiti tattao a nadangkes.