Joel 3:1 - Ti Biblia (1973)

¹ Ta, adtoy, cadagita nga al-aldaw, ken iti dayta a pannawen a panangbaliwco iti pannacacayaw ti Juda ken ti Jerusalem.

Ti Baro a Naimbag a Damag Biblia

¹ Kuna ti Apo, “Iti dayta a tiempo, isublikto ti Juda ken ti Jerusalem manipud pannakakayawda.

Joel 3:1 Iomraidhean Croise

Dagiti Salmo 14:7

Sapay coma ta ti pannacaisalacan ti Israel immayen manipud Sion! Intono ni Jehova lapsutenna iti pannacacayaw ti ilina, isunto ti panagragsac ni Jacob, ket agrag-onto ni Israel.

Dagiti Salmo 85:1

Jehova, sica pinaraburam ti dagam; pinagawidmon iti pannacacayaw ni Jacob.

Dagiti Proverbio 1:23

Taliawenyo cadi toy panangtubngarco: Adtoy, iparucpocconto ti espirituc cadacayo; ipacaammocto dagiti saoc cadacayo.

Isaias 44:3

Ta mangibucbocacto ti danum iti mawaw, ken ay-ayus ti danum iti rabaw ti namaga a daga; Iparucpocconto ti Espirituc iti putotmo, ken ti bendicionco iti caputotam:

Jeremias 16:15

No di ket, Cas sibibiag ni Jehova, a nangiruar cadagiti annac ti Israel nanipud iti daga ti amianan, ken nanipud cadagiti amin a dagdaga a nangipaturonganna cadacuada. Ket iyegconto manen ida iti dagada nga intedco cadagiti ammada.

Jeremias 29:14

Ket masaracandacto, cuna ni Jehova: ket pagbaliwecto iti pannacacayawyo, ket urnongencayto nga aggapu cadagiti amin a nacion, ken cadagiti amin a disso a nangipaturongac cadacayo, cuna ni Jehova; ket pagsubliencayto manen ditoy a disso a nangigapuac cadacayo a nacayawan.

Jeremias 30:18

Castoy ti cuna ni Jehova; Adtoy, pagbaliwecto ti pannacacayaw dagiti toltolda ni Jacob, ket addanto caasic cadagiti pagnaedanna; ket ti ili maibangonto iti rabaw ti turodna met laeng, ket ti palacio manaedanto a cas iti cadawyanna met laeng.

Jeremias 30:3

Ta, adtoy, dagiti al-aldaw dumtengda, cuna ni Jehova, a siac pagbaliwecto ti pannacacayaw ti ilic nga Israel ken Juda, cuna ni Jehova, ket pasubliecto ida iti daga nga intedco cadagidi ammada, ket tagicuaendanto.

Ezekiel 16:53

Ket siac yegconto manen ti pannacacayawda, ti pannacacayaw ti Sodoma ken dagiti annacna a babbai, ken ti pannacacayaw ti Samaria ken dagiti annacna a babbai, ken ti pannacacayaw dagiti caycayawmo iti tengngada;

Ezekiel 39:25

Gapuna castoy ti cuna ni Apo Jehova: Ita baliwacto ti pannacacayaw ni Jacob, ket addanto caasic iti amin a balay ti Israel; ket agimonacto gapu iti nasantoan a naganco.

Daniel 12:1

Ket iti dayta a pannawen agtacderto ni Miguel, a dackel a principe, isu nga agtacder a maipaay cadagiti annac ti ilim; ken addanto pannawen ti riribuc, isu nga awan idi uray caanoman nanipud iti caadda ti nacion agingga met laeng iti dayta a pannawen: ket iti dayta a pannawen ti ilim maispalto, tunggal maysa a masaracto a naisurat iti libro.

Joel 2:29

Ken castamet dagiti ad-adipen a lallaki ken babbai cadagita nga al-aldaw ibucbocconto ti Espirituc.

Amos 9:14

Ket pagbaliwecto manen dagiti nacayawan ti ilic nga Israel, ket isuda bangonendanto dagiti il-ili a nadadael, ket pagyanandanto; ket agmuladanto cadagiti cauvasan, ket inumendanto ti arac a nagtaud cadacuada; agaramiddanto met cadagiti minuyongan, ket canendanto dagiti bungbungada.

Numero 11:29

Ket ni Moises kinunana kencuana, Adda ilemmo a maipuon caniac? Sapay coma ta amin a tattao ni Jehova mammadtoda tapno icabil ni Jehova ti Espirituna cadacuada!

Numero 12:6

Ket kinunana, Denggenyo ita dagiti sasaoc: no adda maysa a mammadto cadacayo, siac a Jehova ipacammocto kencuana ti bagic iti maysa a parparmata, makisaoacto kencuana iti tagtagainep.

Deuteronomio 30:3

Ni Jehova a Diosmo ngarud ibabawinanto ti pannacacayawmo, ket addanto caasina kenca, ket agsublinto ket ummongennacanto manipud iti amin nga il-ili a ni Jehova a Diosmo nangiwarasanna kenca.