Joel 2:7 - Ti Biblia (1973)

⁷ Agtarayda a cas la mamaingel a tattao; cumalayatda iti bacud a cas la tattao ti gubat; ket isuda magnada tunggal maysa iti dalanna, ket saanda a dadaelen dagiti intarda.

Ti Baro a Naimbag a Damag Biblia

⁷ Dumarupda a kasla mannakigubat; kasda la soldado a mangkalay-at iti bakud. Naurnos ti pannagnada; sangsangkamaysa ti turongda,

Joel 2:7 Iomraidhean Croise

2 Samuel 1:23

Ni Saul ken ni Jonatan isuda idi ti naayat ken nacaay-ayo iti panagbiagda, ket iti ipapatayda saanda a nagsina: isuda nasigsiglatda ngem cadagiti aguila, isuda napigpigsa idi ngem cadagiti leon.

2 Samuel 5:8

Ket ni David kinunana idi iti daydi nga aldaw, Uray siasino a mangcabil iti Jebuseo, sumang-at coma agingga iti calasugan ti danum, ket cabilenna coma ti pilay ken ti bulsec, isuda a ti cararua ni David ginurana idi. Gapuna a cunada, Adda bulsec ken pilay; isu dina mabalin ti sumrec iti balay.

1 Cronicas 12:36

Ket iti Aser, a macabael idi a rumuar iti buyot, a nacabalin a mangornos iti gubat, uppat a pulo a ribu.

Ti Libro ni Job 16:14

Binuracnac a nayon ti naburac: agtaray a bumusor caniac a cas gigante.

Dagiti Salmo 19:5

Isu a cas apagasasawa a rumuar iti pagturturoganna, ket agragragsac a cas nabileg a lalaki a mangtaray iti dalanna.

Dagiti Proverbio 30:27

Dagiti duddudon awan arida, nupay casta agasacda la amin a pinangenpangen;

Jeremias 5:10

Umulicayo iti rabaw dagiti bacbacudna, ket dadaelenyo; ngem dicayo talipupusen: iccatenyo dagiti sangsangada; ta saan a cucua ida ni Jehova.

Joel 2:8

Awan met ti agdudungpar cadacuada; magnada tunggal maysa iti danana; ket rimmubsida cadagiti igigam dagiti cabusor, ket saan a madadael ti turongda.

Joel 2:9

Lumagtoda iti ili; agtarayda iti rabaw ti bacud; agcalay-atda cadagiti balbalay; sumrecda cadagiti tawtawa a cas la mannanacaw.