Joel 2:32 - Ti Biblia (1973)

³² Ket maaramidto, nga uray siasino nga umawagto iti nagan ni Jehova, maisalacanto; ta idiay bantay Sion ken idiay Jerusalem addanto dagidiay a macatalaw, cas sinao ni Jehova, ket cadagiti matidda addanto dagiti ayayaban ni Jehova.

Ti Baro a Naimbag a Damag Biblia

³² Ngem maispalto dagiti amin nga agpatulong ken ni Yahweh. Kas kinunana, ‘Addanto dagiti makalasat idiay Jerusalem; makalassatto dagiti piliek.’”

Joel 2:32 Iomraidhean Croise

Taga-Roma 11:26

Ket iti casta isu-amin nga Israel maisalacanto, a cas iti naisurat: Aggapunto idiay Sion ti Manluc-at; Iyadayonanto ken Jacob dagiti kinadakes:

Jeremias 31:7

Ta castoy ti cuna ni Jehova; Agcantacayo a siraragsac a maipaay ken Jacob, ket agdir-icayo a maipaay iti cangronaan cadagiti nasnacion: agibunannagcayo, agdaydayawcayo, ket cunayo, O Jehova, ispalem ti ilim, ti matda iti Israel.

Isaias 46:13

Yasidegco ti kinalintegco, saanto nga adayu, ken ti panangisalacanco saanto nga agtactac; ket isaadconto ti panangisalacan idiay Sion a maipaay iti Israel a dayagco.

Taga-Roma 9:27

Ket ni Isaias umawag a maipapan ken Israel: No ti bilang dagiti annac ni Israel casla coma cadagiti darat ti baybay, ti laeng matda isunto ti maisalacan:

Jeremias 33:3

Awagannac ken sungbatancanto, ket ipakitacto kenca dagiti dadackel a banbanag, ken naricut, isuda a saanmo nga ammo.

Obadias 1:17

Ngem idiay bantay Sion addanto dagiti macalisi, ket isu nasantoanto; ket ti balay ni Jacob tagicuaendanto ti cucuada.

Isaias 11:11

Ket maaramidto iti dayta nga aldaw, a ti Apo isaadnanto manen ti imana iti maicadua a daras a mangsubbot iti matda iti ilina, dagiti maitiddanto nga aggapu iti Asiria, ken aggapu iti Egipto, ken aggapu iti Patros, ken aggapu iti Cus, ken aggapu iti Elam, ken aggapu iti Sinar, ken aggapu iti Amat, ken cadagiti purpuro ti baybay.

Dagiti Salmo 50:15

Ket awagannac iti aldaw ti pacadanagan: ispalencanto, ket sica idaydayawnacto.

1 Taga-Corinto 1:2

Isuratda iti Iglesia ti Dios idiay Corinto, nga isuda dagiti napagsanto ken Cristo Jesus, naayaban nga agsanto, agraman cadagiti isu-amin, nga umaw-awag iti nagan ni Apotayo a Jesu-Cristo, iti uray adino a disso, Apoda ken Apotayo:

Dagiti Aramid 2:39

Ta ti cari maipaay cadacayo ken cadagiti annacyo, ken cadagiti isu-amin nga adda iti adayu; isu-amin nga ayabanto ti Apo a Diostayo.

Zacarias 13:9

Ket yegconto ti maicatlo a capaset iti apuy, ket guguracto ida a cas iti pirac a maguguran, ket guguracto ida a cas iti balitoc a maisudi. Isuda awagandanto ti naganco, ket ipangagconto ida: cunaecto, Isu ti ilic; ket isuda cunaendanto, Ni Jehova ti Diosco.

San Juan 10:16

Adda met sabsabali a carneroc a saanda a naitipon itoy a pagtaracnan: dagidiay masapul nga iyegco ket denggendanto ti timecco; ket addanto maymaysa nga arban, ken maymaysa a pastor.

San Juan 4:22

Agdaydayawcayo iti dicay ammo: agdaydayawcami iti ammomi, ta ti pannacaisalacan aggapu cadagiti Judio.

Mikias 5:3

Gapuna a yawatnanto ida, agingga iti pannawen daydiay nga agpasical macapasngay; calpasanna ti tidda cadagiti cacabsatna agawiddanto cadagiti annac ti Israel.

Isaias 11:16

Ket addanto dalan a napatac a maipaay cadagiti mabati iti ilina, dagiti mabatinto nga aggapu iti Asiria; a cas la iti adda idi a maipaay iti Israel idi aldaw nga isasang-atna a rimmuar iti daga ti Egipto.

Isaias 10:22

Ta uray no ti ilim nga Israel, casda la cadagiti darat ti baybay, ti laeng matda cadacuada ti agsublinto: maysa a pannacadadael maikeddeng, nga agliplippias iti kinalinteg.

Isaias 4:2

Iti dayta nga aldaw ti saringit ni Jehova nasayaatto ken nadayag, ket ti bunga ti daga mangnibinibinto ken nataerto unay a maipaay cadagiti nailiclic iti Israel.

Hebreo 12:22

Ngem immasidegcayo iti bantay Sion, ken iti ili ti Dios a sibibiag, ti Jerusalem a nailangitan, ken cadagiti di mabilang a buybuyot dagiti angel.

Taga-Roma 11:7

Ania ngarud? Ni Israel saanna a nagun-odan ti sapsapulenna; ngem dagiti napili nacagun-odda, ket dagiti dadduma napatangkenda:

Taga-Roma 9:24

Cadatayo, nga inayabanna met, saan laeng a cadagiti Judios, no di ket cadagiti pay Gentiles?

Dagiti Aramid 15:17

Tapno dagiti sabsabalipay a tattao sapulenda ti Apo, ken amin dagiti Gentil, mapanagananda iti naganco.

Obadias 1:21

Ket dagiti manangispal sumang-atdanto idiay bantay Sion, a mangocom iti bantay ni Esau; ket ti pagarian cucuanto ni Jehova.

Taga-Roma 11:5

Casta met ngarud, ita a pannawen adda natidda a cas iti pannacapili gapu iti parabur.

Genesis 4:26

Ket ni Set, casta met a naputot kencuana ti maysa a lalaki ket pinanagananna ti Enos. Daytoy ti nangrugian dagiti tattao iti panangawawagda ti nagan ni Jehova.

Amos 9:8

Adtoy, dagiti mata ni Apo Jehova addada iti managbasol a pagarian, ket siac dadaelecto iti rabaw ti daga; ngem diacto racraken a matalipupus ti balay ni Jacob, cuna ni Jehova.