Joel 2:3 - Ti Biblia (1973)

³ Maysa nga apuy aglamut iti sangoananda; ket iti licudanda maysa a gil-ayab a mangoram; ti daga cas ti minuyungan ti Eden iti sangoananda, ket iti licudanda maysa a langalang a let-ang, wen, ket awan ti nacatalaw cadacuada.

Ti Baro a Naimbag a Damag Biblia

³ Kasda la apuy nga agkaan kadagiti mula. Kasla Hardin ti Eden ti sangpetanda a daga, ngem no panawandan maysan a let-ang nga awan nagyanna. Awan ti lisianda.

Joel 2:3 Iomraidhean Croise

Genesis 13:10

Ket intannawag ni Lot dagiti matana, ket nakitana amin ti Tanap ti Jordan, nga nasayaat ti pannacapadanumda iti isu-amin a disso idi saan pay a dinadael ni Jehova ti Sodoma ken ti Gomorra, cas ti minuyongan ni Jehova, cas ti daga nga Egipto, no cas sumrecca idiay Zoar.

Genesis 2:8

Ket ni Jehova Dios incabilna iti maysa a minuyongan iti daya, idiay Eden; ket insaadna idiay ti tao a binukelna.

Dagiti Salmo 50:3

Ti Diostayo umay, ket saan nga agulimec: adda apuy a mangrunaw iti sangoananna, ket iti sibayna aglicmut ti casta unay a bagio.

Dagiti Salmo 97:3

Adda apuy a magna iti sangoananna, ket manguram cadagiti cabcabusorna nga aglawlaw.

Exodo 10:15

Ta inabbunganda ti rabaw ti amin a daga a pinagsipngetda ti daga; ket kinnanda amin a roroot iti daga, ken amin a bungbunga dagiti caycayo a tidda ti uraro: ket awan natda a nalangto, cayo man ken mula iti away iti amin a daga ti Egipto.

Exodo 10:5

Ket abbungandanto iti rabaw ti daga, iti casta saanto a makita ti daga: ket lamutendanto dagiti natda, cadagiti nabati cadacayo a nailiclic iti uraro, ket canendanto tunggal cayo a tumubo nga agpaay cadacayo iti pagmulaan:

Isaias 14:17

Nga inaramidna ti lubong a cas maysa a let-ang, ken rineb-bana dagiti il-ilina, a dina bulosan dagiti balbalud a mapan iti balayda?

Isaias 15:6

Ta dagiti dandanum ti Nimrim maabbatdanto; ta ti root magangonto, ti naganus a root malaylayto, awanto ti banag a nalangto.

Isaias 33:4

Ket dagiti samsamyo maurnongdanto a cas ti panagguornong ti arabas: cas ti panaglagto dagiti lucton ti panaglagtonto dagiti tattao kencuana.

Isaias 51:3

Ta ni Jehova liniwliwana ti Sion, isu liniwliwana dagiti amin a dissona a nalangalang, ken inaramidna dagiti let-angna a cas la Eden, ken ti cadaratan a tay-acna a cas minuyongan ni Jehova; rag-o ken ragsac masaracanto idiay, panagyaman ken ti timec ti canta.

Isaias 9:18

Ta ti kinadakes manguram a cas la apuy, alun-unenna dagiti cascasumba ken calcalunay; wen, pasgedanna ti casamecan ti bakir, ket maipangatoda iti maysa a monmon nga asuc.

Isaias 9:19

Gapu iti pungtot ni Jehova dagiti buybuyot macset ti daga; ket dagiti tattao isuda ti cas la pagsungrod iti apuy: awan ti tao a mangigaga iti cabsatna.

Jeremias 5:17

Ket canendanto ti apitmo, ken ti tinapaymo, a canen coma dagiti annacmo a lallaki ken babbai; ibusendanto dagiti ar-arbanmo ken dagiti pangpangenmo; canendanto dagiti uv-uvasmo ken dagiti highigosmo; rebbaendanto dagiti nasarikedkedan nga il-ilim, isuda a pagcammatalcam, babaen ti capilan.

Ezekiel 36:35

Ket cunaendanto, Daytoy daga a langalang idi nagbalin a cas iti minuyongan ti Eden; ket ti nadadael ken langalang ken narbec nga ili napasarikedkedan ken napagnaedan.

Amos 7:4

Casta ti impakitana ni Apo Jehova caniac: ket adtoy, ni Apo Jehova immayab a mangdusa babaen ti apuy a manusa; ket inibusna ti dackel a yuyeng, ket pinanggepna a keskesan ti daga.

Habakuk 1:6

Ta adtoy, a patacderec dagiti Caldeos, daydiay nacas-ang ken nasiglat a nacion, a magna iti pagacabaan ti daga, a mangtagicua cadagiti disso a pagnaedan a saanda a cucua.

Zacarias 7:14

Ngem iwaracto ida babaen ti alawig iti tengnga dagiti amin a nasnacion nga isuda dida naammoan. Iti casta ti daga langalang idi iti licudanda, ngarud awan ti tao a limmasat wenno nagsubli: agsipud ta ti nacaay-ayo a daga pinagbalinda a langalang.