Joel 2:26 - Ti Biblia (1973)

²⁶ Ket mangancayto a nawadwad ket mapneccayto, ket daydayawenyonto ti nagan ni Jehova a Diosyo, isu a nagaramid iti nacascasdaaw cadacayo; ket ti ilic saanton a mapabainan uray caanoman.

Ti Baro a Naimbag a Damag Biblia

²⁶ Adunton ti taraonyo, ket mapnekkayto. Idaydayawyonto ti Apo a Diosyo, a nagaramid kadagiti nakaskasdaaw a banag nga agpaay kadakayo. Saanton a malalais dagiti tattaok.

Joel 2:26 Iomraidhean Croise

Genesis 33:11

Dawatec kenca, awatem, ti sagutco a maiyeg kenca; ta ti Dios kinaasiannac, ken gapu ta umanay ti adda caniac. Ket inrupirna ket inawatna.

Nehemias 9:25

Ket innalada dagiti nasarikedkedan nga il-ili, ken ti nadam-eg a daga, ken tinagicuada dagiti balbalay a napno cadagiti nasayaat a banbanag, bitbito nga inaramid, inuv-uvasan, ken inol-olivaan, ken caycayo nga agbunga a nawadwad: iti casta nanganda, ken napnecda, ket napalucmegda, ken nagrag-oda iti dackel a kinaimbagmo.

Dagiti Salmo 103:5

Isu a mangpennec iti tarigagaymo cadagiti naimbag a banbanag, iti casta ti kinaagtutubom mapabaro a cas ti aguila.

Dagiti Salmo 116:7

Agpulangca iti kinatalnam, O cararwac; ta ni Jehova bimmiang a sipaparabur kenca.

Dagiti Salmo 13:6

Cancantaacto ni Jehova, gapu ta nangtaconaynay a sibubuslon caniac.

Dagiti Salmo 22:26

Dagiti naemma mangandanto ket mapnecdanto, idaydayawdanto ni Jehova dagiti agsapsapul kencuana: ti pusoyo agbiag coma nga agnanayon.

Dagiti Salmo 37:19

Saandanto a mababainan intono tiempo ti riribuc; ket intono aldaw ti panagbisin mapnecdanto.

Dagiti Salmo 67:5

Dagiti tattao idaydayawdaca coma, O Dios; amin nga tattao idaydayawdaca coma.

Dagiti Salmo 72:18

Bendito ni Jehova a Dios, Dios ti Israel, nga isu laeng ti agaramid cadagiti nacascasdaaw a banbanag:

Dagiti Proverbio 13:25

Ti nalinteg mangan iti pacapnecan ti cararuana; ngem ti tian ti nadangkes macuranganto.

Kanta ni Solomon 5:1

Immayac iti minuyongac, cabsatco a babai, a noviac: inurnongco ti mirrac agraman recadoc; kinnanco ti rarac agraman diroc; ininumco ti aracco agraman gatasco. Mangancayo, O gagayyemco; uminumcayo, wen, uminumcayo a nawadwad unay, O ayayatec.

Isaias 25:1

O Jehova, sica ti Diosco; sica ti itan-occo, dayawecto ti naganmo; ta nagaramidca cadagiti nacascasdaaw, cas cadagiti pammatigmaan idi ugma, iti kinamatalec ken kinapudno.

Isaias 29:22

Gapuna a castoy ti cuna ni Jehova, a nanubbot ken Abraham, a maipapan iti balay ni Jacob: Ni Jacob saanto itan a maibabain, ti rupana ita saanto met a bumsag.

Isaias 45:17

Ngem ti Israel isalacanto ni Jehova iti agnanayon a pannacaisalacan: saancayto a maibabain ket dicayo met mariru iti lubong iti awan patinggana.

Isaias 49:23

Ket dagiti ar-ari isudanto dagiti mangsisiwa nga ammam, ket dagiti reina mangsisiwa nga innam: ket isuda irucbabdanto nga irucnoy iti daga dagiti ruprupada kenca, ken dilpatandanto ti tapoc dagita sacsacam; ket maammoamto a siac ni Jehova; ket dagiti agpannuray caniac saandanto a mabainan.

Isaias 54:4

Dica agamac; ta saancanto a mabainan; ket saanca met a mariru; ta saancanto a maibabain: ta sica malipatamto ti bain ti kinaagtutubom; ken ti pannacaumsi ti kinabalom dicanto malagipen.

Isaias 55:2

Apay ngarud a gastoenyo ti pirac iti saan a taraon? ken ti bannogyo iti saan a macapnec? umimdengcayo a sireregta caniac, ken canenyo daydiay naimbag, ken pagrag-oenyo coma ti cararuayo met laeng iti kinalucmeg.

Levitico 25:19

Ket ti daga itednanto ti bungana, ket mangancayto nga agpennec, ket agnaedcayto a sitatalged idiay.

Levitico 26:26

Intono dadaelec ti ungcay ti tinapayyo, sangapulo a babai dagiti manglutonto iti tinapayyo iti maysa nga horno, ket isublidanto nga ited a tinembeng ti tinapayyo: ket canenyonto, ket dicayto mapnec.

Levitico 26:5

Ket ti panagbayoyo madanunanto ti panagburas iti uvas, ket ti panagburasyo madanunnanto ti panagipurruac; ket mangancayto nga agpennec iti taraonyo, ket agbiagcayto a sitatalged iti daga.

Mikias 6:14

Mangancanto, ngem dicanto mapnec; ket ti kinakirang addanto iti tengngam; ket mangidulincanto, ngem dicanto macaurnong; ket ti maidulinmo yawatconto iti campilan.

Sofonias 3:11

Iti daydiay nga aldaw saancanto a mabainan gapu cadagiti amin nga ar-aramidmo, a nagsalungasingam a maicaniwas caniac; ta iti casta iccatecton iti tengngam dagiti tattaom a sitatangsit nga agragragsac, ket dicanto tangsitenen iti nasantoan a bantayco.

Zacarias 9:15

Ni Jehova dagiti buybuyot salacnibannanto ida; ket alun-unendanto, ken payatendanto dagiti batbato ti pallatibong; ket uminumdanto, ken agickisdanto a cas iti pannacaaramat ti arac; ket mapunnodanto a cas cadagiti malucong, a cas la cadagiti suli ti altar.

Zacarias 9:17

Ta anian a nagdackel ti imbagna, ken anian a nagdackel ti imnasna! dagiti trigo parang-ayendanto dagiti babbaro ken ti baro nga arac cadagiti babbalasang.

Taga-Roma 10:11

Ta cuna ti Surat: Isu-amin a mamatinto kencuana, saanto a mababainan.

Taga-Roma 5:5

Ket ti inanama saan a pacaibabainan, ta ti ayat ti Dios naiparucpoc cadagiti puspusotayo, gapu iti Espiritu Santo, a naited cadatayo.

Taga-Roma 9:33

Cas adda a naisurat: Adtoy, isaadco idiay Sion ti maysa a bato a pacaitibcolan ken bato a pacarurodan; Ket ti mamati kencuana, saanto a maibabain.

Deuteronomio 11:15

Ket itedconto ti root iti taltalonmo nga agservi iti an-animalmo, ket mangancanto ket maneccanto.

Deuteronomio 12:12

Ket agragragsaccayto iti sango ni Jehova a Diosyo, dacayo ken dagiti annacyo a lallaki, ken dagiti annacyo a babbai ken dagiti bagenyo a lallaki ken dagiti bagenyo a babbai, ken ti Levita nga adda iti uneg ti ruruanganyo, numanpay saan a makibagi ken makipagtawid cadacayo.

Deuteronomio 12:18

Ngem canemto ida iti sango ni Jehova a Diosmo iti disso a ni Jehova a Diosmo piliennanto, sica ken ti anacmo a lalaki ken ti anacmo a babai, ken ti bag-enmo a lalaki, ken ti bag-enmo a babai, ken ti Levita nga adda iti uneg ti ruanganmo: ket agragragsaccanto iti sango ni Jehova a Diosmo iti amin a pangaramatam iti imam.

Deuteronomio 12:7

Ket idiay mangancayto iti sango ni Jehova a Diosyo, ket agragragsaccayto iti amin a nangaramatanyo iti imayo, dacayo ken dagiti sangacabbalayanyo a nangbendicionan kenca ni Jehova a Diosmo.

Deuteronomio 8:10

Ket sica mangancanto, ket mapneccanto, ket benditoemto ni Jehova a Diosmo gapu iti daga a nasayaat nga intedna kenca.

1 Timoteo 6:17

Cadagiti nabacnang itoy lubong ibilinmo cadacuada a dida agtangtangsit, ket dida met imaldit ti inanamada cadagiti kinabacnang a pagduaduaan, no di ket iti Dios. Isu a mangted cadatayo iti nawadwad cadagiti isu-amin a pagnam-ayantayo;

1 Juan 2:28

Ket ita annacco a dongdongngoen, agtaengcay kencuana: tapno inton maiparangarang, addanto panagtalectayo, ket saantay a mabainan iti sangoananna inton yaayna.