Joel 2:21 - Ti Biblia (1973)

²¹ Dica agbuteng, O daga, agragragsacca ken agrag-oca; ta ni Jehova nagaramid cadagiti dadackel a banbanag.

Ti Baro a Naimbag a Damag Biblia

²¹ “Dakayo a talon, dikay agbuteng ngem agrag-o ken agragsakkayo, gapu iti amin nga impaay ti Apo kadakayo.

Joel 2:21 Iomraidhean Croise

Genesis 15:1

Calpasan dagitoy a banbanag immay ti sao ni Jehova ken Abram iti maysa a parparmata, a kinunana, Dica agbuteng, Abram: siac ti calasagmo ken ti gungonam a nawadwad unay.

Dagiti Salmo 71:19

Ti met kinalintegmo, O Dios, nangato unay; sica a nangaramid cadagiti dadackel a banbanag, O Dios, siasino ti cas kenca?

Dagiti Salmo 98:8

Dagiti laylayus pagsipatenda coma dagiti imimada; dagiti turturod agcantada coma nga agtitimpuyog gapu ti rag-o.

Isaias 35:1

Ti let-ang ken ti namaga a daga naragsacdanto; ket ti tay-ac a lang-alang agragrag-onto, ken agsabongto a cas iti rosa.

Isaias 41:10

Dica agbuteng, ta addaac kenca; dica agcullayaw, ta siac ti Diosmo; papigsaencanto; wen, tulongancanto: wen, tapayaencanto iti akincanawan nga ima ti kinalintegco.

Isaias 44:23

Agcantacayo, O langlangit, ta ni Jehova inaramidna daytoy; agriawcayo nababbaba a disdisso ti daga; pumgaaccayo nga agcanta dacayo a banbantay, O bakir, ken tunggal cayo kencuana: ta ni Jehova sinubbotna ni Jacob, ken mapadayawanto iti Israel.

Isaias 54:4

Dica agamac; ta saancanto a mabainan; ket saanca met a mariru; ta saancanto a maibabain: ta sica malipatamto ti bain ti kinaagtutubom; ken ti pannacaumsi ti kinabalom dicanto malagipen.

Isaias 55:12

Ta rumuarcayto nga addaan iti rag-o, ken maiturong a sitatalna: dagiti banbantay ken turturod pumgaacdanto iti sangoananyo nga agcancantada; ken amin a caycayo iti talon pagsipatendanto dagiti im-imada.

Jeremias 33:3

Awagannac ken sungbatancanto, ket ipakitacto kenca dagiti dadackel a banbanag, ken naricut, isuda a saanmo nga ammo.

Oseas 2:21

Ket maaramidto iti dayta nga aldaw, sumungbatacto, cuna ni Jehova, sumungbatacto cadagiti langlangit, ket isuda sumungbatdanto iti daga.

Joel 2:20

No di ket yadayucto cadacayo ti makinamianan a buyot, ket isu ipaturongconto iti daga a naticag ken langalang, iti camaunana agingga iti baybay a makindaya, ket iti camaudina agingga iti baybay a makinlaud; ket ti buyocna sumngawto, ket ti nabangsit nga angotna ngumatonto, gapu ta isu nagaramid cadagiti dadackel a banbanag.

Joel 2:26

Ket mangancayto a nawadwad ket mapneccayto, ket daydayawenyonto ti nagan ni Jehova a Diosyo, isu a nagaramid iti nacascasdaaw cadacayo; ket ti ilic saanton a mapabainan uray caanoman.

Zacarias 8:15

Casta manen pinanggepco cadagitoy nga aldaw ti mangaramid iti imbag iti Jerusalem ken iti balay ti Juda: dicayo agbuteng.

Deuteronomio 4:32

Ta saludsudem ita dagiti al-aldaw a napalabes, isuda nga immununa ngem sica, nanipud idi aldaw a pinangparsua ti Dios iti tao iti rabaw ti daga, ken nanipud iti maysa a pungto ti langit agingga iti sabali, no adda cas iti daytoy dackel nga aramid, wenno adda nangngegan a capadana?

1 Samuel 12:16

Gapuna ita agtacdercayo a siuulimec ket kitaenyo daytoy dackel a banag, a ni Jehova aramidennanto iti sango dagiti matmatayo.

1 Samuel 12:24

Isuna laeng nga agbutengcayo ken Jehova, ken agservicayo kencuana iti kinapudno agraman amin a pusoyo: ta panunotenyo no casano ti cadackel dagiti banbanag nga inaramidna gapu cadacayo.