Joel 2:19 - Ti Biblia (1973)

¹⁹ Ket ni Jehova simmungbat ket kinunana iti ilina, Adtoy, ipawitconto cadacayo ti bukel, ken baro nga arac, ken lana, ket mapneccayto cadacuada; ket saancayto a pabainanen iti nagtengaan dagiti nasnacion;

Ti Baro a Naimbag a Damag Biblia

¹⁹ Impangagna ida, ket kinunana: “Ita, ikkankayo iti trigo, arak ken lana, ket mapnekkayto. Didakayton laisen dagiti sabali a nasion.

Joel 2:19 Iomraidhean Croise

Jeremias 31:12

Ket umaydanto agcanta idiay tapaw ti Sion, ket agpunipondanto iti kinaimbag ni Jehova, iti trigo, ken iti baro nga arac, ken iti lana, ken cadagiti urbon dagiti pangen ken arban: ket ti cararuada caslanto maysa a minuyungan a madandanuman; ket saandanton nga agleddaang a pulos.

Ezekiel 34:29

Ket mangbangonacto cadacuada iti maysa a pagmulaan a maipaay a dayaw, ket saandanton; a maibus iti bisin iti daga, ket didanto metten awiten ti bain dagiti nasnacion.

Ezekiel 36:15

Ket siac dicanto metten palubosan a dumngeg iti panangumsi dagiti nasnacion, ket dicanto metten awiten dagiti babalaw dagiti il-ili, dicanto metten paitibcol ti ilim, cuna ni Apo Jehova.

Ezekiel 36:29

Ket ispalencayto cadagiti amin a kinarugityo, ket ayabacto ti bin-i, ket paaduecto, ket saanacto a mangicabil ti bisin cadacayo.

Ezekiel 36:30

Ket paaduecto ti bunga ti cayo, ken ti nayon ti talon, tapno saanyo nga awatenen coma ti umsi ti bisin cadagiti nasnacion.

Ezekiel 39:29

Ket diacto metten ilinged ti rupac cadacuada; ta imbuyatco ti Espirituc iti balay ti Israel, cuna ni Apo Jehova.

Oseas 2:15

Ket itdecto kencuana dagiti cauvasanna manipud sadiay, ken iti lobong nga Acor a maipaay a ruangan ti inanama; sadiay sumungbatto cas cadagiti al-aldaw ti kinaubingna, ken cas idi aldaw nga isasang-atna manipud idiay daga ti Egipto.

Oseas 2:21

Ket maaramidto iti dayta nga aldaw, sumungbatacto, cuna ni Jehova, sumungbatacto cadagiti langlangit, ket isuda sumungbatdanto iti daga.

Oseas 2:22

Ket iti daga sumungbatto dagiti bucbukel, ken ti baro nga arac, ken ti lana; ket dagitoy sumungbatdanto iti Jezrael.

Joel 1:10

Ti away malangalang, ti daga agpanes; ta ti bukel madadael, ti baro nga arac matianan, ti lana bumassit.

Joel 2:24

Ket dagiti pagidulinan mapunnodanto ti trigo, ket dagiti tangtangke agliplippiasdanto iti baro nga arac ken lana.

Levitico 26:5

Ket ti panagbayoyo madanunanto ti panagburas iti uvas, ket ti panagburasyo madanunnanto ti panagipurruac; ket mangancayto nga agpennec iti taraonyo, ket agbiagcayto a sitatalged iti daga.

Zacarias 8:12

Ta addanto bin-i ti talna; ti uvas itednanto ti bungana, ket ti daga itednanto ti apitna, ket dagiti langlangit iteddanto ti linnaawda; ket pagtawidecto ti matda iti daytoy nga ili cadagitoy amin a banbanag.

San Mateo 6:33

Ngem birukenyo nga umuna ti pagarian ti Dios ken ti kinalintegna, ket isu-amin dagitoy a banbanag mainayondanto cadacayo.

Deuteronomio 11:14

Iti casta itedconto ti tudo iti catutupanna nga aldaw iti dagayo, ti masapa ken ti maladaw a tudo, tapno mabalinmo nga occonen dagiti iricmo, ken ti aracmo a baro, ken ti lanam.

Ruth 1:6

Idin isu timmacder agraman cadagiti manugangna a babbai, tapno agsubli coma manipud iti daga ti Moab: ta nangngegna idiay daga ti Moab no casano ti panangsarungcar ni Jehova iti ilina iti panangtedna cadacuada iti taraon.