Joel 2:16 - Ti Biblia (1973)

¹⁶ Tiponenyo dagiti tattao, pasantoenyo ti gimongda, tiptiponenyo dagiti lallacay, urnongenyo dagiti ub-ubbing, ken dagiti agsuso; rumuar coma ti novio iti siledna, ken iti novia iti sagumbina.

Ti Baro a Naimbag a Damag Biblia

¹⁶ Ummongenyo dagiti tattao; isaganayo ida a tumabuno iti sagrado a gimong. Yegyo dagiti babbaket ken lallakay; ummongenyo dagiti ubbing, uray pay dagiti maladaga. Uray dagiti kakaskasar, masapul a panawanda ti balayda ket umayda.

Joel 2:16 Iomraidhean Croise

2 Cronicas 20:13

Ket amin a Juda nagtacder iti sangoanan ni Jehova, agraman cadagiti babassitda, dagiti assawada, ken dagiti annacda.

2 Cronicas 29:5

Ket kinunana cadacuada, Denggendac, dacayo a Levitas; ita santificarenyo dagiti bagiyo met laeng, ket santificarenyo ti balay ni Jehova, a Dios dagiti ammayo, ket ipanyo ti kinarugit iti ruar ti nasantoan a disso.

2 Cronicas 30:17

Ta adu idi iti gimong ti saan a nangsantificar cadagiti bagida met laeng: gapuna a dagiti Levitas inannongda iti panangaywan iti panangparti cadagiti pascua a maipaay iti tunggal maysa a saan a nadalus, tapno pasantificarenda ida ken Jehova.

2 Cronicas 30:19

Nga ipapusona ti panagsapulna iti Dios, ni Jehova a Dios dagiti ammami, nupay no saan a nadalusan a mayannurot iti pannacadalus ti santuario.

2 Cronicas 35:6

Ket partienyo ti pascua, ket santificarenyo dagiti bagiyo met laeng, ket isaganayo a maipaay cadagiti cacabsatyo, tapno aramidenyo a mayannurot iti sao ni Jehova iti pannacaaramat ni Moises.

Ti Libro ni Job 1:5

Ket casta idi a dagiti al-aldaw ti panagdayada nabatangbatangdan, a nagbaon ni Job ket sinantificarna ida, ket bimmangon a nasapa iti bigat, ket nangipaay cadagiti datdaton a mapuuran cas mayalubog iti bilangda amin: ta ni Job kinunana, Mabalin a nagbasol dagiti annacco a lallaki, ket indianda ti Dios cadagiti puspusoda. Casta ti inaramid a cancanayon ni Job.

Dagiti Salmo 19:5

Isu a cas apagasasawa a rumuar iti pagturturoganna, ket agragragsac a cas nabileg a lalaki a mangtaray iti dalanna.

Exodo 19:10

Ket ni Jehova kinunana ken Moises, Inca cadagiti tattao, ket santificarem ida ita nga aldaw ken intono bigat, ket labaanda coma dagiti pagpagan-anayda,

Exodo 19:15

Ket kinunana cadagiti tattao, Agsaganacayo a maipaay iti maicatlo nga aldaw: dicayo dumenna iti babai.

Exodo 19:22

Ket casta met coma dagiti papadi nga umasideg ken Jehova, santificarenda dagiti bagbagida, di la ket ta bumusor cadacuada ni Jehova.

Joel 1:14

Mangilasingcayo iti maysa a panagayunar, mangayabcayo iti maysa a gimong a nangayed, urnongenyo dagiti lallacay ken amin nga agnaed iti daga iti balay ni Jehova a Diosyo, ket awaganyo ni Jehova.

San Mateo 21:16

Ket kinunada kencuana: Mangngegmo ti sasaoen dagitoy? Cuna cadacuada ni Jesus: Wen, uray caano saanyo aya a nabasa daytoy: Iti ngiwat dagiti maladaga ken dagiti agsussuso, inananaymo ti pannacaidayaw?

San Mateo 9:15

Ket ni Jesus kinunana cadacuada: Mabalin aya nga dagiti makiboda agpanesda no adda pay laeng cadacuada ti novio? Ngem umaydanto dagiti aldaw, a ti novio maiccatto cadacuada, ket iti casta agayunardanton.

1 Taga-Corinto 7:5

Saancay nga agpipinnaidam iti maysa ken maysa, malacsid no nagnumoanyo nga agpadpada, tapno sangoenyo a cancanayon ti panagcararag; ket calpasanna agdinnacayo manen, di la ket ta sulisugennacayo ni Satanas gapu iti dicay panagdinna.

Josue 7:13

Tumacderca, Santificarem dagiti tattao, ket cunam, Agsantificarcayo cadacayo met laeng inggana iti bigat: ta castoy ti cuna ni Jehova, a Dios ti Israel, Adda banag a naipaay iti tengngam, O Israel; dica mabalin ti agtacder iti sangoanan dagiti cabusormo, inggana iti dica ibelleng ti banag a naipaay manipud iti tengngayo.

Josue 8:35

Awan idi ti sao cadagiti amin nga imbilin ni Moises a di-imbasa ni Josue iti sango ti isu-amin a gimong ti Israel, cadagiti babbai ken ububbing, ken cadagiti gangannaet nga adda cadacuada idi.

1 Samuel 16:5

Ket isu kinunana, Sicacappia; umayac agdaton ken Jehova, santificarenyo dagiti bagbagiyo, ket umaycayo cumuyog caniac iti panangidaton. Ket isu sinantificarna da Isai ken dagiti annacna a lallaki, ket inayabanna ida iti panangidaton.