Joel 2:13 - Ti Biblia (1973)

¹³ Ket pigisenyo ti pusoyo, a saan a dagiti cawesyo, ket agsublicay ken Jehova a Diosyo; ta isu managparabur ken manangngaasi, natanang nga agunget, ket aglablabes iti kinamanangngaasi, ket isu ibabawina ti dakes.

Ti Baro a Naimbag a Damag Biblia

¹³ Ipakitayo ti agsensennaay a pusoyo iti ladingit; saan nga umdas ti panangray-abyo iti pagan-anayyo.” Agsublikay iti Apo a Diosyo. Naasi ken managparabur, naanus ken tungpalenna ti karina; sidadaan a mamakawan, saan a mangdusa.

Joel 2:13 Iomraidhean Croise

Genesis 37:29

Ket ni Ruben nagsubli iti bito; ket, adtoy awanen ni Jose iti unegna; ket rinay-abna dagiti pagananayna.

Genesis 37:34

Ket ni Jacob rinayabna dagiti pagananayna, ket incapetna cadagiti luppona ti nakersang a lupot, ket dinung-awanna ti anacna cadagiti adu nga al-aldaw.

2 Samuel 1:11

Idin ni David kinapetna dagiti cawesna, ket rina-abna ida; ket casta met amin dagiti lallaki nga adda idi kencuana:

1 Ar-ari 21:27

Ket naaramid, idi a ni Acab nangngegna dagidiay a sasao, nga isu rinay-abna dagiti pagan-anayna, ket nangicabil ti nakersang a lupot iti lasagna, ket nagayunar, ket nagidda iti nakersang a lupot, ket nagna a siiinayad.

2 Ar-ari 22:11

Ket naaramid, idi a ti ari nangegna dagiti sasao ti libro ti linteg, a pinigisna dagiti cawesna.

2 Ar-ari 22:19

Agsipud ta ti pusom nalucneng, ket nagpacumbabaca iti sango ni Jehova, idi a nangngegmo no ania ti imbalicasco a maibusor itoy a disso, ken maibusor cadagiti agnaed kencuana, tapno isuda agbalinda a walangwalang ken lunod, ket pinigismo dagita cawesmo, ken nagsangitca iti saclangco; siac impangagca met, cuna ni Jehova.

2 Ar-ari 5:7

Ket naaramid, idi a ti ari ti Israel nabasana ti surat, pinigisna dagiti cawesna, ket kinunana, Siac Diosac aya, a mangpapatay ken mangbiag coma, tapno paimbagec ti maysa a tao iti cucutelna? ngem agdawatac cadacayo, panunutenyo ket kitaenyo no casano ti panagsapulna iti ringgor a maibusor caniac.

2 Ar-ari 6:30

Ket naaramid, idi a ti ari nangngegna dagidi sasao ti babai, nga isu pinigisna dagiti cawesna (ket naglasat idi a nagna iti rabaw ti bacud); ket dagiti tattao kimmitada, ket, adtoy, nga isu addaan idi iti nakersang a lupot iti uneg, iti rabaw ti lasagna.

2 Cronicas 6:27

Sica denggem ngarud manipud langit, ket pacawanem ti basol dagiti ad-adipenmo, ken ti ilim nga Israel, intono sica isurom cadacuada ti naimbag a dalan a rebbengda a pagnaan; ket agbaonca ti tudo iti dagam, isu nga intedmo iti ilim a pannacatawidna.

Nehemias 9:17

Ket indianda ti nagtulnog, dida linagip dagiti datdatlagmo nga inaramidmo iti tengngada, no di ket pinatangkenda ti teltelda, ket iti isusukirda nangdutocda iti maysa a capitan tapno agsublida iti kinabag-en. Ngem sica ti maysa a Dios a nadadaan a mamacawan naparabur ken manangngaasi, natanang nga agpungtot ken nawadwad iti kinamanangngaasi, ket dica indian ida.

Ti Libro ni Job 1:20

Idin ni Job timmacder, ket rinay-abna ti lambonna, ket kiniskisanna ti olona, ket nagpasag iti daga, ket nagcararag;

Dagiti Salmo 103:8

Ni Jehova sicacaasi ken siaayat, namayamay nga agpungtot, ket aglaplapusanan iti kinamanagayat.

Dagiti Salmo 106:45

Ket linagipna a maipaay cadacuada ti tulagna, ket nagbabawi cas mayalubog iti caadu dagiti kinamanangngaasina.

Dagiti Salmo 34:18

Ni Jehova adda iti asideg cadagiti sitatarumpingay ti pusoda, ket isalacanna dagiti sibabawi ti espirituda.

Dagiti Salmo 51:17

Dagiti sacrificio a maipaay iti Dios isu ti espiritu a nadudog; ti nadudog ken sibabawi a puso, O Dios, saanmonto a laisen.

Dagiti Salmo 86:15

Ngem sica, O Apo, Diosca a naasi ken managparabur, naanatca nga agpungtot, ken aglaplapusananca iti kinamanagayat ken kinapudno.

Dagiti Salmo 86:5

Ta sica, Apo, naimbagca, ken sisasaganaca a mamacawan, ken aglaplapusananca iti kinamagayat cadagiti amin nga umawag kenca.

Isaias 57:15

Ta castoy ti cuna ti Nangato ken Natan-oc nga agnaed iti agnanayon, a ti naganna Santo; Agnaedac iti nangato ken nasantoan a disso, agraman iti daydiay addaan iti maysa nga espiritu a napagbabawi ken napacumbaba, tapno biagec manen ti espiritu ti napacumbaba ken tapno biagec manen ti puso ti napagbabawi.

Isaias 58:5

Casta aya ti panagayunar a pinilic? ti aldaw aya maipaay iti tao a pangpaladingitna iti cararuana? Irucnoyna ti olona a cas iti maysa a lidda, ken yucradna ti lupot a nakersang ken dapdapu iti babana? naganemto daytoy iti panagayunar, ken maysa nga aldaw a maawat ken ni Jehova?

Isaias 66:2

Ta amin dagitoy a banbanag inaramid ti imac, ket iti casta addada amin dagitoy a banbanag, cuna ni Jehova: ngem itoy a tao imatangacto, daydiay met laeng nga isu napanglaw ken napagbabawi nga espiritu, ken daydiay nga agkintayeg iti saoc.

Jeremias 36:7

Mabalin nga idatagdanto ti ararawda ken Jehova, ket agsublidanto tunggal maysa manipud iti dakes a dalanna; ta dackel ti unget ken ti pungtot nga imbalicas ni Jehova a maibusor itoy nga ili.

Jeremias 41:5

Nga immay dagiti lallaki a naggapu iti Sikem, naggapu iti Silo, ken naggapu iti Samaria, walopulo met laeng a lallaki, a nakiskisan dagiti imingda, ken dagiti pagananayda narayab, ken dagiti bagbagida sinugatdan, a siiiggemda cadagiti datdaton a macan ken incienso, tapno iyegda ida iti balay ni Jehova.

Jeremias 42:10

No agnaedcayto pay laeng itoy a daga, bangonencayto ngarud, ket dicayto rebbaen, imulacayto, ket dicayto paruten; ta pagleddaangac ti dakes nga inaramidco cadacayo.

Ezekiel 9:4

Ket ni Jehova kinunana kencuana, Lumabasca iti tengnga ti ili, iti nagtengngaan ti Jerusalem, ket iccam ti tanda ti muging dagiti lallaki nga agsaibbec ken agsangit gapu cadagiti amin a kinarimon a maar-aramid iti nagtengngaanna.

Oseas 14:1

O Israel, agsublica ken ni Jehova a Diosmo; ta natnagca gapu iti kinadakesmo.

Jonas 3:9

Siasino ti macaammo no ti Dios ibawingnanto ken ibabawinanto ti narungsot a pungtotna, tapno ditayto mapucaw?

Jonas 4:2

Ket nagcararag ken ni Jehova, ket kinunana, Dawatec kenca, O Jehova, saan a daytoy daydi kinunac idi addaac pay idiay dagac? Gapuna a dinardarasco ti ipapanco idiay Tarsis; ta ammoc idi a sica ti Dios a managparabur, ken manangngaasi, natanang nga agpungtot, nabacnang iti kinamanagayat, ket pagbabawiam ti dakes.

Mikias 7:18

Siasino ti dios a cas kenca, a mamacawan ti kinadangkes, ken palabasenna ti salungasing ti tidda ti pagtawidenna? isu saanna a taginayonen ti pungtotna iti agnanayon, ta pagayayatanna iti kinamanagayat.

Nahum 1:3

Ni Jehova natanang nga agpungtot, ken dackel iti pannacabalin, ket uray casano dinanto ipalawag nga awanan basol ti nacabasol: ni Jehova adda dalanna iti alipugpog, ken bagio, ket dagiti ul-ulep isuda dagiti tapuc dagiti sacana.

Numero 14:18

Ni Jehova nabannayat nga agpungtot, ket aglablabonan iti caasi a naayat, mamacawan iti kinadakes ken iti kinasalungasing ket uray apagapaman dina baybay-an ti macabiddut, a pasarungcaranna ti kinadakes dagiti amma cadagiti annac, cadagiti maicatlo ken maicapat a caputotan.

Taga-Roma 2:4

Wenno laisem aya ti kinabacnang ti imbagna, ti anusna ken ti nabayag a panagituredna, a dica ammo aya a ti kinaimbag ti Dios iturongnaca iti panagbabawi?

Taga-Efeso 2:4

Ngem ti Dios, idinto a nabacnang iti caasi, gapu iti dackel nga ayatna a pinangayatna cadatayo,

1 Timoteo 4:8

Ta ti panangwatwat iti bagi bassit ti magonggona; ngem ti kinasanto mangted ti gonggona iti isu-amin, ta adda cari iti biag nga agdama, ken iti mapasungad.