Joel 2:12 - Ti Biblia (1973)

¹² Uray pay ita, cuna ni Jehova, agsublicayo caniac, iti amin a pusoyo, ken buyugen ti panagayunar, ken panagsangit, ken panagpanes:

Ti Baro a Naimbag a Damag Biblia

¹² Kuna ti Apo: “Ngem uray ita, agbabawikayo iti amin a pusoyo ket agsublikayo kaniak; agayunar, agsangit ken agdung-awkayo.

Joel 2:12 Iomraidhean Croise

2 Samuel 24:10

Ket ti puso ni David nagsennaay iti calpasan nga isu pinabilangna ti umili. Ket ni David kinunana ken Jehova, Siac nacabasolac iti dackel unay iti daydiay nga inaramidco: ngem ita, O Jehova, agdawatac kenca, a pacawanem coma ti basol toy adipenmo; ta siac nagaramidac a simamaag unay.

2 Cronicas 30:6

Iti casta dagiti nangorreo intugotda dagiti sursurat a naggapu iti ari ken cadagiti pangpangoloenna a mapan iti amin nga Israel ken Juda, ken mayannurot iti bilin ti ari, a kinunada, Dacayo nga annac ti Israel, agsublicayo ken Jehova, a Dios da Abraham, Isaac, ken ni Israel, tapno isu agsubli cadagiti natda cadacayo a nacatalaw cadagiti ima dagiti ar-ari ti Asiria.

2 Cronicas 6:27

Sica denggem ngarud manipud langit, ket pacawanem ti basol dagiti ad-adipenmo, ken ti ilim nga Israel, intono sica isurom cadacuada ti naimbag a dalan a rebbengda a pagnaan; ket agbaonca ti tudo iti dagam, isu nga intedmo iti ilim a pannacatawidna.

Ester 4:16

Inca urnongem amin dagiti Judios nga addada a madama iti Susan, ket agayunarcayo a maipaay caniac, ket dicayo mangan wenno uminum bayat iti tallo nga aldaw, rabii wenno aldaw: siac met ken dagiti babbalasangco agayunarcamto met iti casta a wagas; ket iti casta sumrecacto agingga iti ari, nga uray saan a mayalubog iti linteg; ket no mapucawac, mapucawac.

Exodo 33:5

Ket ni Jehova kinunana ken Moises, Saoem cadagiti annac ti Israel, Dacayo ilicayo a natangken ti panagtelteltelyo; no sumang-atac iti tengngayo iti apagdaricmat, ibusencayto: isu ti gapuna ita nga iccatenyo dagiti saniatayo cadagiti bagbagiyo tapno ammoc ti aramidec cadacayo.

Isaias 22:12

Ket iti daydiay nga aldaw ti Apo, a ni Jehova dagiti buybuyot, nangayab iti panagsangit, ken iti panagdung-aw, ken ti panagcalvo ken ti panagbarikes iti lupot a nakersang:

Isaias 58:4

Adtoy, dacayo agayunarcayo a maipaay iti panagsususic ken panagsusubang, ken tapno cumabil iti gemgem ti kinadakes: ti panagayunaryo itoy nga aldaw saan a tapno maipangag ti timecyo idiay ngato.

Jeremias 3:22

Agsublicayo, dacayo managlicud nga annac, agasacto ti kinamaglicudyo. Adtoy, umaycami kenca; ta sica ni Jehova a Diosmi.

Jeremias 36:7

Mabalin nga idatagdanto ti ararawda ken Jehova, ket agsublidanto tunggal maysa manipud iti dakes a dalanna; ta dackel ti unget ken ti pungtot nga imbalicas ni Jehova a maibusor itoy nga ili.

Jeremias 4:1

No agsublicanto, O Israel, cuna ni Jehova, no agsublicanto caniac, ken iccatem dagiti kinarimonmo iti imatangco; saancanto a mapaalis.

Jeremias 4:2

Ket isapatamto, Cas sibibiag ni Jehova, iti kinapudno, iti kinajusticia, ken iti kinalinteg; ken dagiti nasnacion mabendicionanda kencuana, ket kencuana agragrag-odanto.

Ezekiel 33:11

Cunam cadacuada, Cas sibibiagac, cuna ni Apo Jehova, Awan ti ragsacco iti ipapatay ti nadangkes; no di ket ti nadangkes agbawing coma iti dalanna ket agbiag; agbawingcayo, agbawingcayo cadagiti dakes a daldalanyo; ta apay a mataycayo, O balay ti Israel?

Daniel 9:3

Ket insangoc ti rupac iti Apo a Dios, tapno sapulec babaen ti cararag ken pannakicaasi, agraman panagayunar ken lupot a nakersang ken dapu.

Oseas 12:6

Gapuna sica agsublica iti Diosmo: icutam ti kinaimbag ken kinajusticia, ket agpannurayca iti Diosmo iti cancanayon.

Oseas 12:7

Ni Efraim maysa nga agbanbanniaga, adda iti imana dagiti pagcatian a mangalilaw; isu ayatenna ti mangilupit.

Oseas 14:1

O Israel, agsublica ken ni Jehova a Diosmo; ta natnagca gapu iti kinadakesmo.

Oseas 6:1

Umaycayo ket agsublitayo coma ken ni Jehova; ta isu nangpingis, ket agasannatayto; kimmabil, ket bedbedannatayto.

Joel 1:13

Agbarikescayo iti lupot a nakersang, ket agasugcayo, dacayo a papadi; agdung-awcayo, dacayo a managannong iti altar; umaycayo, agiddacayonga agpatnag iti a nakersang, dacayo a managannong iti Diosco; ta ti daton a macan ken ti daton a mainum maipaidamda iti balay ti Diosyo.

Zacarias 7:3

Ken tapno isaoda iti padi ti balay ni Jehova dagiti buybuyot, ken cadagiti mammadto, a cunada, Annongec aya ti agsangit iti maicalima a bulan, nga aglasinac, a cas inaramidco cadagitoy adu a tawen?

Zacarias 7:5

Agsaoca cadagiti amin a tattao ti daga, ken cadagiti papadi, a cunaem, Idi a nagayunarcayo ken nagunnoycayo iti maicalima ken maicapito a bulan, bayat ti pitopulo met laeng a tawen, dacayo inaramidyo aya ti aniaman a panagayunar caniac, caniac met laeng?

Malakias 1:9

Ket ita, agdawatac cadacayo, a makicaasicayo iti parabur ti Dios, tapno mangngaasi coma cadatayo: daytoy nagtaud cadacayo isu pagdayawannanto aya ti kinatao siasinoman cadacayo? cuna ni Jehova dagiti buybuyot.

Dagiti Aramid 26:20

No di ket impacaammoc nga immuna cadagiti adda idiay Damasco, ken idiay Jerusalem, ket iti isu-amin a daga ti Judea, ken cadagiti Gentil, nga agbabawida coma ket agsublida iti Dios, nga agararamidda cadagiti aramid a maitutop iti panagbabawi:

Uk-ukom 2:4

Ket naaramid, idinto a ti angel ni Jehova sinaona dagitoy a balbalicas cadagiti amin nga annac ti Israel, a dagiti amin a tattao impangatoda ti timecda, ket nagsangitda.

Uk-ukom 20:26

Idin amin dagiti annac ti Israel, ken amin dagiti tattao simmang-atda, ket immayda iti Bet-el, ket nagsangitda, ket nagtugawda idiay iti saclang ni Jehova, ket nagayunarda iti daydi nga aldaw agingga iti malem; ket nagidatonda cadagiti datdaton a mapuuran, ken datdaton iti cappia iti saclang ni Jehova.

1 Samuel 7:3

Ket ni Samuel nagsao iti amin a balay ti Israel, a cunana, No dacayo agsublicayo ken Jehova iti isu-amin a pusoyo, iwacsiyo ngarud dagiti sabsabali a didios, ken ni Astarot manipud iti tengngayo, ket iturongyo dagiti puspusoyo ken Jehova, ket agservicayo kencuana laeng; ket isu isalacancayto iti ima dagiti Filisteos.

1 Samuel 7:6

Ket isuda naguornongda idiay Mizpa; ket nagsacdoda iti danum, ket imbucbocda iti sango ni Jehova, ket nagayunarda iti daydi nga aldaw, ket kinunada idiay, Dacami nagbasolcami iti maicaniwas ken Jehova. Ket ni Samuel inocomanna dagiti annac ti Israel idiay Mizpa.