Joel 2:11 - Ti Biblia (1973)

¹¹ Ket ni Jehova agtimec iti sangoanan ti buyotna; ta ti pacarsona dackel unay; ta isu napigsa a manungpal iti saona; ta ti aldaw ni Jehova dackel ken nacaal-alingec unay; ket asino ti macaitured?

Ti Baro a Naimbag a Damag Biblia

¹¹ Bilinen ti Apo ti armadana; kasla gurruod ti timekna. Adu ken nabileg dagiti soldado nga agtulnog kenkuana. Nakabutbuteng ti aldaw ti Apo! Siasinonto ti makalasat iti dayta nga aldaw?

Joel 2:11 Iomraidhean Croise

Dagiti Salmo 18:14

Ket imbiatna dagiti panpanana, ken winarawarana ida; wen, dagiti kimkimat nagaduda unay, ken riniribucna ida.

Dagiti Salmo 46:6

Dagiti nasnacion nagkiburda, dagiti pagpagarian nariribucda: inyesngawna ti timecna, ti daga nalunag.

Dagiti Salmo 68:18

Immulica iti nangato, impanawmo dagiti nacayawan; inawatmo dagiti sagsagut iti tengnga dagiti tattao, wen, castamet cadagiti nasungit, ta ni Jehova a Dios agnaed coma idiay,

Isaias 13:4

Ti daranudor ti umariwecwec cadagiti banbantay, a cas ti adu unay a tattao! ti daranudor ti maysa nga ariwawa dagiti pagpagarian dagiti nacion naguurnongda! Ni Jehova dagiti buybuyot urnongenna dagiti buybuyot a maipaay iti gubat.

Isaias 42:13

Ni Jehova rumuarto a cas maingel a tao; papigsaenna ti regtana a cas maysa a tao ti gubat: isu agickisto, wen, isu agriawto; aramidennanto a sipipigsa a maibusor cadagiti cabusorna.

Isaias 7:18

Ket maaramidto iti dayta nga aldaw, a ni Jehova sultipannanto ti ngilaw nga adda iti caadayuan a paset dagiti carayan ti Egipto, ken ti uyocan nga adda iti daga ti Asiria.

Jeremias 25:30

Gapuna nga ipadtom a maibusor cadacuada amin dagitoy a sasao, ket cunam cadacuada, Ni Jehova agungorto manipud iti ngato, ket iyebcasnanto ti timecna manipud iti nasantoan a taengna; agungorto a sibibileg a maibusor iti pagtaenganna; isu umkisto, a cas cadagiti agbaddec cadagiti uvas, a maicaniwas cadagiti amin nga agnaed iti daga.

Jeremias 30:7

Ay! ta daydiay nga aldaw naindaclan, iti casta nga awan ti capadpadana: isu met laeng ti pannawen ti panagrigat ni Jacob; ngem isu maisalacanto kencuana.

Jeremias 50:34

Ti Mannubbotda nabileg; ni Jehova dagiti buybuyot ti naganna; isu salacnibannanto a naananay ti panggepda, tapno maitedna ti inana iti daga, ken riribuc cadagiti agnaed sadi Babilonia.

Ezekiel 22:14

Mabalin aya dayta pusom ti agitured, wenno mabalin dagita im-imam ti agpigsa, cadagiti al-aldaw a panangsingirco kenca? Siac, ni Jehova, sinaoc, ket aramidecto.

Joel 1:15

Ay ilala pay ti aldaw! ta asidegen ti aldaw ni Jehova, ket umayto cas pannacadadael nga aggapu iti Mannacabalinamin.

Joel 1:6

Ta maysa a nacion simmang-at iti dagac, nabileg, ken saanda a mabilang; dagiti ngipenna isuda dagiti ngipen ti leon, ket adda kencuana dagiti sangi ti leon a caba-ian.

Joel 2:1

Puyotenyo ti tangguyob idiay Sion, ket pagunienyo ti panagbuac iti nasantoan a bantayco; amin dagiti agnaed iti daga agkintayegda coma; ta ti aldaw ni Jehova umay, ta adda iti asidegen;

Joel 2:2

Aldaw a nasipnget ken nacudrep, aldaw dagiti ul-ulep ken napuscol a sipnget, a cas ti bannawag nga agsacnap iti rabaw dagiti banbantay; maysa nga ili a dackel ken nabileg; uray caanoman awan ti pumadpad, ket awanton uray pay iti calpasanda uray cadagiti tawtawen dagiti adu a caputotan.

Joel 2:25

Ket supapacacto cadacayo dagiti tawtawen a kinnan ti dudon, lucton, ken ti arabas, ken ti dangaw, ti dackel a buyotco nga imbaonco cadacayo.

Joel 2:31

Ti init agbalinto a sipnget, ket ti bulan dara, no di pay dumteng ti dackel ken nacakigkigtot nga aldaw ni Jehova.

Joel 3:14

Umariwecwec, umariwecwec a tattao idiay lobong a pangocoman! ta asidegen ti aldaw ni Jehova idiay lobong ti pangocoman.

Joel 3:16

Ket ni Jehova, agungorto manipud Sion, ket yebcasnanto ti timecna manipud Jerusalem; ket dagiti langlangit ken ti daga agkintayegdanto: ngem ni Jehova isu ti pagcamanganto ti ilina, ken sarikedked cadagiti annac ti Israel.

Amos 1:2

Ket kinunana, Ni Jehova agungorto manipud idiay Sion, ket agtimec manipud idiay Jerusalem; ket dagiti pagpaaraban dagiti agpaspastor agpanesdanto, ket aglaylayto iti tapaw ti Carmelo.

Amos 5:18

Asicayo pay! dacayo nga agcalicagum iti aldaw ni Jehova! Ania ti gapuna a tarigagayanyo ti aldaw ni Jehova? Nasipnget a saan a nalawag.

Amos 5:20

Saanto aya a nasipnget ti aldaw ni Jehova, ket saan a nalawag? a nasipnget unay, nga awan ti raniagna?

Obadias 1:15

Ta ti aldaw ni Jehova umadani cadagiti amin a nacion: ti cas inaramidmo, maaramidto met kenca; ti namay-am cadagiti tattao castanto met ti pacapay-an ta olom met laeng.

Nahum 1:6

Siasino aya ti macabalin nga agintec iti saclang ti pungtotna? ket siasino aya ti macabalin nga agtalinaed iti rungsot ti pungtotna? Ti ungetna maibuyat a cas apuy, ket dagiti batbato maburacda a mawarawara a gapu kencuana.

Malakias 3:2

Ngem siasino ti macabalin a mangibtor iti aldaw ti yaayna? ket siasinonto ti agtacder intono agparang? ta isu cas la iti apuy ti manggugor, ken cas la sabon ti agpapuscol ti lupot:

Numero 24:23

Ket inaramatna ti pangngarigna ket kinunana, Ay, asinonto ti agbiag no aramiden ti Dios daytoy?

1 Taga-Tesalonica 4:16

Ta ti Apo met laeng aggapunto sadi langit a buyugen ti ariwawa, ti timec ti arcangel ken ti trompeta ti Dios, ket dagiti natay ken Cristo bumangondanto nga umuna;

Paltiing 18:8

Gapuna, iti maymaysa nga aldaw umayto dagiti saplitna, ti ipapatay, ken ti ladingit, ken ti bisin: ken isu mapuuranto iti apuy: ta napigsa ni Apo Dios a mangocom kencuana.

Paltiing 6:17

Ta dimtengen ti dackel nga aldaw ti pungtotda, ket siasinonto ti macabalin nga agtacder?