Joel 2:10 - Ti Biblia (1973)

¹⁰ Agkintayeg ti daga iti sangoananda; dagiti langit agpigergerda; ti init ken ti bulan agridemda, ket dagiti bitbitwen ipaidamda ti silengda.

Ti Baro a Naimbag a Damag Biblia

¹⁰ Agkintayeg ti daga iti isusungadda; agpigerger ti tangatang. Agsipnget ti init ken ti bulan; saanen nga agraniag dagiti bituen.

Joel 2:10 Iomraidhean Croise

Dagiti Salmo 114:7

Agkintayegca, sica daga, iti sangoanan ti Apo, iti sangoanan ti Dios ni Jacob,

Dagiti Salmo 18:7

Iti casta ti daga nagarigengen ken nagpigerger; dagiti pamuon met dagiti banbantay nagginginedda, ket nagarigengenda, a gapu ta isu nagpungtot.

Isaias 13:10

Ta dagiti bitbitwen sadi langit ken dagiti purpuroc dagiti bitwenna didanto ipaay ti silengda; ti init agsipngetto iti iruruarna, ket ti bulan dinanto pagsilnagen ti lawagna.

Isaias 34:4

Ket amin a buyot ti langit mawarawaranto, ken dagiti langlangit malucotlucotdanto a cas maysa a libro a linucot; ket amin a buyotda malaylaydanto, a cas iti bulong a malaylay a naisina iti uvas, ken cas maysa a bulong nga aglaylay nga aggapu iti cayo ti higos.

Isaias 5:30

Ket agungordanto a bumosor cadacuada ti dayta nga aldaw a cas iti ungor ti baybay: ket no ti maysa cumita iti daga, adtoy, ti sipnget ken rigat; ket ti lawag napasipnget cadagiti ululepna.

Jeremias 4:23

Kinitac ti daga, ket adtoy, isu langalang ken ongaong; ken dagiti langlangit, ket awan ti silaw cadacuada.

Joel 2:2

Aldaw a nasipnget ken nacudrep, aldaw dagiti ul-ulep ken napuscol a sipnget, a cas ti bannawag nga agsacnap iti rabaw dagiti banbantay; maysa nga ili a dackel ken nabileg; uray caanoman awan ti pumadpad, ket awanton uray pay iti calpasanda uray cadagiti tawtawen dagiti adu a caputotan.

Joel 2:31

Ti init agbalinto a sipnget, ket ti bulan dara, no di pay dumteng ti dackel ken nacakigkigtot nga aldaw ni Jehova.

Joel 3:4

Wen, ket dacayo aniacayo caniac, O Tiro, ken Sidon, ken amin a beddeng ti Filistia? Supapacandacto aya? Ket no supapacandac, sidadaras ken sipapartacac a mangisubli iti supapacyo iti rabaw dagiti oloyo met laeng.

Amos 5:8

Sapulenyo daydiay mangaramid iti Pleyades ken iti Orion, ken ti mamagbalin iti aniniwan ni patay a bigat, ket pagsipngetenna ti aldaw a cas rabii; iti mangayab cadagiti dandanum ti baybay, ket ibuyatna ida iti rabaw ti daga (Jehova ti naganna):

Nahum 1:5

Dagiti banbantay agkintayegda kencuana, ket dagiti turturod agrunawda; ket ti daga agcal-luyon iti saclangna, wen, ti lubong, ken isu-amin nga agnaed kencuana.

San Mateo 24:29

Ket maigiddatonto iti calpasan ti rigat cadagita nga aldaw, a ti init agsipngetto, ket ti bulan dinto aglawag, ket dagiti bitbituen matnagdanto manipud langit, ket dagiti pannacabalin dagiti langlangit mapakintayegdanto:

San Mateo 27:51

Ket adtoy ti abbong ti Templo napigis a nagcaddua nanipud ngato agingga iti baba ket nagkintayeg ti daga: ket dagiti bato napispisida;

Dagiti Aramid 2:20

Ti init agbalinto a sipnget, ket ti bulan agbalinto a dara, casangoanan ti yaay ti dackel ken naisingayan nga aldaw ti Apo.

Paltiing 20:11

Ket nakitac ti maysa a dackel a trono a puraw, ken daydi nagtugaw kencuana, nga iti sangoananna nagtalaw ti daga ken langit; ket saan a nasaracan ti dissoda.

Paltiing 6:12

Ket nakitac idi linuctanna daydi maicanem a sello ket immay ti maysa a dackel a gingined, ket daydi init ngimmisit a cas la maysa a panes a booc; ket daydi bulan nagbalin amin a cas la dara;

Paltiing 8:12

Ket daydi maicapat nga angel nagtangguyob: ket nadadael ti apagcatlo ti init, ken ti apagcatlo ti bulan, ken ti apagcatlo, dagiti bitbituen, tapno ti apagcatloda, mapasipnget coma ket ti aldaw saan coma nga aglawag ti apagcatlona, ken casta met, ti rabii.

Paltiing 9:2

Ket linuctanna daydi abut a mangliwengliweng; ket rimmuar ti asuc idi abut, a cas la iti asuc ti maysa a dackel nga horno, ket nagsipnget ti init ken ti angin iti daga maipuon iti asuc daydi abut.