Joel 2:1 - Ti Biblia (1973)

¹ Puyotenyo ti tangguyob idiay Sion, ket pagunienyo ti panagbuac iti nasantoan a bantayco; amin dagiti agnaed iti daga agkintayegda coma; ta ti aldaw ni Jehova umay, ta adda iti asidegen;

Ti Baro a Naimbag a Damag Biblia

¹ Puyotenyo ti trumpeta; ipakdaaryo a dumteng ti peggad idiay Sion, ti nasantoan a turod ti Dios. Agpigergerkayo, dakay amin a taga-Juda, ta asidegen ti yaay ti aldaw ti Apo!

Joel 2:1 Iomraidhean Croise

1 Cronicas 15:28

Castoy ti panangala ti amin a Israel iti lacasa ti tulag ni Jehova a binuyog ti panagdirdir-i, ken aweng dagiti corneta, ken tangguyob, ken piangpiang, nga agawawengda iti natbag agraman salsalterio ken ar-arpa.

Dagiti Salmo 119:120

Ti lasagco agpigerger iti panagbuteng kenca; ket siaamesac cadagiti pangngeddengmo. AYIN

Dagiti Salmo 87:1

Ti pamuonna adda cadagiti nasantoan a bantay.

Exodo 10:14

Ket dagiti dodon nagwarasda iti amin a daga nga Egipto, ket nagnaedda iti amin a beddeng ti Egipto; isuda nacaamamacda unay; iti nalabes awan casdi a doddodon, wenno iti masacbayan awanto ti casdiay.

Isaias 13:6

Agdung-awcayo; ta ti aldaw ni Jehova dumteng; cas iti pannacadadael nga aggapu iti Mannacabalin-amin umayto.

Isaias 13:9

Adtoy, ti aldaw ni Jehova sumungad, naranggas, a buyogan ti pungtot ken narungsot nga unget: tapno paglangalangenna ti daga, ken mangdadael cadagiti managbasol iti nagtengngaanna.

Isaias 2:12

Ta addanto aldaw ni Jehova dagiti buybuyot a maipatay cadagiti isu-amin a natangsit ken napalangguad, ken cadagiti amin a maitantan-oc; ket mapaemmadanto.

Isaias 66:2

Ta amin dagitoy a banbanag inaramid ti imac, ket iti casta addada amin dagitoy a banbanag, cuna ni Jehova: ngem itoy a tao imatangacto, daydiay met laeng nga isu napanglaw ken napagbabawi nga espiritu, ken daydiay nga agkintayeg iti saoc.

Isaias 66:5

Denggenyo ti sao ni Jehova, dacayo nga agkintayeg iti saona: Dagiti cacabsatyo a gumura cadacayo, dagidiay mangipuruac cadacayo gapu iti naganco, kinunada, Madaydayaw coma ni Jehova, tapno makitami coma iti rag-oyo: ngem isuda mabainandanto.

Jeremias 16:10

Ket maaramidto, no iparangmonto iti daytoy nga umili amin dagitoy a sasao, ket cunadanto kenca, Apay binalicas ni Jehova amin daytoy dackel a kinadakes a maibusor cadacami? wenno ania ti kinadakesmi? wenno ania ti basolmi nga inaramidmi a maicaniwas ken Jehova a Diostayo?

Jeremias 16:7

Ket dagiti tattao saandanto met nga agpisi iti tinapay iti panagladingit gapu cadacuada, tapno liwliwaenda ida gapu cadagiti natnatay; ket dagiti tattao didanto met ited ti copa ti pangliwliwa tapno uminumda gapu iti amada wenno gapu iti inada.

Jeremias 4:5

Ipacdaaryo idiay Juda, ken iwarragawagyo idiay Jerusalem; ket cunaenyo, Puyotenyo ti tangguyob iti daga: ipuccawyo, ket cunayo, Aguornongcayo, ket intayon cadagiti nasarikedkedan nga il-ili.

Jeremias 5:22

Saancayo aya nga agbuteng caniac? cuna ni Jehova: saancayo aya nga agpigergerto iti sangoanac, siac a nangicabil ti darat a beddeng ti baybay, ti agnanayon a bilin, nga isu saannanto a malasat? ket uray dagiti dalluyonna agpallatocda, nupay casta saanda nga umartap: uray pay no agungorda, nupay casta saanda a malasat.

Ezekiel 12:23

Ibagam ngarud cadacuada, castoy ti cuna ni Apo Jehova: Pasardengecto daytoy a proverbio, ket didanton aramaten a cas maysa a proverbio iti Israel; ngem cunaem cadacuada, Dagiti al-aldaw asidegen, ken ti pannacatungpal ti tunggal sirmata.

Ezekiel 21:12

Umawagca ket agdung-awca, anac ti tao; ta isu maibusor iti ilic, cadagiti amin a piprincipe ti Israel: isuda dagiti mayawat iti campilan agraman ti ilic; cabilem ngarud ti luppom.

Ezekiel 30:3

Ta ti aldaw asideg, wen, ti aldaw ni Jehova asideg; isunto ti aldaw dagiti ululep, pannawen dagiti nasnacion.

Ezekiel 33:3

No isu intono makitana ti campilan nga umay iti daga, puyotenna ti tangguyob, ket pacaammoanna ti ili;

Ezekiel 33:6

Ngem no ti agbantay makitana ti campilan nga umay, ket saanna a puyoten ti tangguyob, ket ti umili saan a mapacaammoan, ket ti campilan umay ket pucawenna ti siasinoman a tao iti nagtengngaanda; isu maipanaw iti kinadakesna, ngem ti darana sapulecto iti ima ti agbantay.

Ezekiel 7:10

Adtoy, ti aldaw, adtoy, umay: ti pannacadusam rumuaren; ti sarucod nagsabongen, ti kinatangsit nagbuselen.

Ezekiel 7:12

Ti pannawen dumtengen, ti aldaw umasideg: ti gumatang saan coma nga agragsac, ket ti aglaco saan met coma nga agladingit, ta ti pungtot adda cadagiti isu-amin a kinaaduda.

Daniel 6:26

Mangaramidac iti bilin nga iti amin a pagturayan toy pagariac, a dagiti tattao agpigerger ken agbutengda coma iti sango ti Dios ni Daniel; ta isu ti Dios a sibibiag, ken saan a magaraw iti agnanayon, ken ti pagarianna isu a saanto a maduprac, ket iti panagturayna inggana iti panungpalan.

Daniel 9:16

O Apo, cas mayannurot iti amin a kinalintegmo, ti unget ken pungtotmo dawatec kenca a maibawingda coma manipud iti ilim a Jerusalem ti nasantoan a bantaymo; ta gapu cadagiti basbasolmi, ken gapu iti kinadangkes dagiti ammami, ti Jerusalem ken ti ilim nagbalinda a pacabainan cadagiti amin nga adda nga aglicmut cadacami.

Daniel 9:20

Ket idi addaac pay laeng nga agsasao, ken agcarcararag, ken agipudpudno iti basolco ken iti basol ti ilic nga Israel, ket intuyangco ti pannakicaasic iti sango ni Jehova a Diosco gapu iti nasantoan a bantay ti Diosco;

Oseas 5:8

Pagtimkenyo ti turorot idiay Gabaa, ken ti tangguyob idiay Rama: pagunienyo ti panagbuac idiay Beth-aven; iti licudam, O Benjamin.

Oseas 8:1

Isaadmo ita ngiwatmo ti tangguyob. Umayto a cas aguila a bumusor iti balay ni Jehova, agsipud ta naglabsingda iti tulagco, ken simmalungasingda iti lintegco.

Joel 1:15

Ay ilala pay ti aldaw! ta asidegen ti aldaw ni Jehova, ket umayto cas pannacadadael nga aggapu iti Mannacabalinamin.

Joel 2:11

Ket ni Jehova agtimec iti sangoanan ti buyotna; ta ti pacarsona dackel unay; ta isu napigsa a manungpal iti saona; ta ti aldaw ni Jehova dackel ken nacaal-alingec unay; ket asino ti macaitured?

Joel 2:15

Pagtimekenyo ti tangguyob idiay Sion, mangilasincayo iti maysa a panagayunar, mangayabcayo iti maysa a nangayed a gimong;

Joel 2:31

Ti init agbalinto a sipnget, ket ti bulan dara, no di pay dumteng ti dackel ken nacakigkigtot nga aldaw ni Jehova.

Joel 3:14

Umariwecwec, umariwecwec a tattao idiay lobong a pangocoman! ta asidegen ti aldaw ni Jehova idiay lobong ti pangocoman.

Joel 3:17

Iti casta mabigbigyonto a siac ni Jehova a Diosyo a sitataeng idiay Sion a nasantoan a bantayco: calpasanna ti Jerusalem nasantoanton ket awanton dagiti gangannaet a lumasat kencuana.

Amos 3:6

Mapuyotto aya ti tangguyob iti ili ket dinto agbuteng ti ili? Addanto aya pacarigatan iti ili a di inaramid ni Jehova?

Amos 5:18

Asicayo pay! dacayo nga agcalicagum iti aldaw ni Jehova! Ania ti gapuna a tarigagayanyo ti aldaw ni Jehova? Nasipnget a saan a nalawag.

Amos 8:2

Ket kinunana, Ania ti makitam, Amos? Ket insungbatco, Maysa nga alat ti bunga iti pannawen ti pudot. Idin kinuna caniac ni Jehova, Napagtengen ti canibusanan ti ilic nga Israel; diacto labasanen ida.

Obadias 1:15

Ta ti aldaw ni Jehova umadani cadagiti amin a nacion: ti cas inaramidmo, maaramidto met kenca; ti namay-am cadagiti tattao castanto met ti pacapay-an ta olom met laeng.

Sofonias 1:14

Ti dackel nga aldaw ni Jehova asideg, isu asideg ken napardas unay, ti met laeng timec ti aldaw ni Jehova: ti maingel a lalaki agickis a sipapait unay sadiay.

Sofonias 1:16

Aldaw ti tangguyob ken panagbuac, a maibusor cadagiti il-ili a nasarikedkedan, ken maibusor cadagiti torre iti pagsulian.

Sofonias 1:7

Agulimecca iti imatang ni Apo Jehova; ta ti aldaw ni Jehova asidegen: ta ni Jehova nangisagana iti maysa a daton, isu dinalusanna dagiti naawis.

Sofonias 3:11

Iti daydiay nga aldaw saancanto a mabainan gapu cadagiti amin nga ar-aramidmo, a nagsalungasingam a maicaniwas caniac; ta iti casta iccatecton iti tengngam dagiti tattaom a sitatangsit nga agragragsac, ket dicanto tangsitenen iti nasantoan a bantayco.

Zacarias 14:1

Adtoy, umay ti aldaw ni Jehova intono ti sinamsammo mabingbingay iti nagtengngaam.

Zacarias 8:3

Castoy ti cuna ni Jehova: Siac agsubliac iti Sion, ket agnaedacto iti nagtengngaan ti Jerusalem: ket ti Jerusalem managanto, Ti ili ti kinapudno; ken ti bantay ni Jehova dagiti buybuyot, Ti nasantoan a bantay.

Malakias 4:1

Ta, adtoy, ti aldaw umay, manguram a cas la horno; ket amin dagiti natangsit, ken amin dagiti agaramid iti dakes, pungetdanto; ket ti aldaw nga umay uramennanto ida, cuna ni Jehova dagiti buybuyot, a dinto mangitidda cadacuada uray ramut uray sanga.

Numero 10:2

Mangaramidca iti dua a tangguyob a pirac: mangaramidcanto cadagiti napitpit: ket aramatemto ida a pagayab iti gimong ken pamagluas cadagiti nagpacarso.

Numero 10:3

Ket no pagtimkenda ida, amin a gimong aguummongdanto iti yanmo iti ruangan ti tolda ti gimong.

1 Taga-Corinto 14:8

Ta no ti trompeta mangtedto ti maysa nga uni a pagduaduaan, siasinonto ti agsagana a makigubat?

Taga-Filipos 2:12

Iti casta, ay-ayatec, cas ti iyaannugotyo a cancanayon, saan laeng nga iti sangoc, no di ket nangnangrona pay ita nga awanac, turposenyo ti pannacaisalacanyo met laeng, a buyugen ti buteng ken pigerger;

1 Taga-Tesalonica 5:2

Ta dacayo met laeng ammoyo a naimbag a cas iti mannanacaw iti rabii, casta ti iyaay ti aldaw ti Apo.

Santiago 5:8

Aganuscay met coma; patibkerenyo dagiti puspusoyo, ta ti iyaay ti Apo asidegen.

1 Pedro 4:7

Ngem ti tungpal dagiti isu-amin a banag asidegen; agparbengcay ngarud ken agsalucagcayo iti cararag:

Paltiing 6:17

Ta dimtengen ti dackel nga aldaw ti pungtotda, ket siasinonto ti macabalin nga agtacder?