Joel 1:14 - Ti Biblia (1973)

¹⁴ Mangilasingcayo iti maysa a panagayunar, mangayabcayo iti maysa a gimong a nangayed, urnongenyo dagiti lallacay ken amin nga agnaed iti daga iti balay ni Jehova a Diosyo, ket awaganyo ni Jehova.

Ti Baro a Naimbag a Damag Biblia

¹⁴ Ibilinyo ti panagayunar dagiti tattao; mangangaykayo iti gimong nga agdaydayaw. Ayabanyo dagiti papangulo ken dagiti amin a taga-Juda. Ummongenyo ida iti Templo ti Apo a Diosyo, ket umasugkayo kenkuana.

Joel 1:14 Iomraidhean Croise

2 Ar-ari 10:20

Ket ni Jehu kinunana, Agngilincayo iti maysa a gimong a nadaeg ken ni Baal. Ket isu ti inwarragawagda.

2 Cronicas 20:13

Ket amin a Juda nagtacder iti sangoanan ni Jehova, agraman cadagiti babassitda, dagiti assawada, ken dagiti annacda.

Nehemias 8:18

Casta met iti inaldawaldaw, manipud iti umuna nga aldaw agingga iti maudi nga aldaw, isu nagbasa iti libro ti linteg ti Dios. Ket isuda nagfiestada bayat iti pito nga aldaw; ket iti maicawalo nga aldaw isu idi ti maysa a nadaeg a gimong, a mayalubog iti annuruten.

Ester 4:16

Inca urnongem amin dagiti Judios nga addada a madama iti Susan, ket agayunarcayo a maipaay caniac, ket dicayo mangan wenno uminum bayat iti tallo nga aldaw, rabii wenno aldaw: siac met ken dagiti babbalasangco agayunarcamto met iti casta a wagas; ket iti casta sumrecacto agingga iti ari, nga uray saan a mayalubog iti linteg; ket no mapucawac, mapucawac.

Jeremias 14:2

Ti Juda agladingit, ket dagiti ruanganna agcapuyda, agtugawda a sipapanes iti daga, ket ti riaw ti Jerusalem pimmigsa.

Jeremias 36:9

Ket naaramid idi maicalima a tawen ni Joakim nga anac ni Josias nga ari ti Juda, iti maicasiam a bulan, a dagiti amin a tattao sadi Jerusalem, ken dagiti amin a tattao a napan sadi Jerusalem a naggapu cadagiti il-ili ti Juda, inwarragawagda ti panagayunar iti saclang ni Jehova.

Joel 1:2

Denggenyo daytoy, dacayo a lallacay, ket ipangagyo dacayo amin nga agnaed iti daga. Adda aya daytoy cadagiti aldawyo, wenno cadagiti aldaw dagiti ammayo?

Levitico 23:36

Cadagiti pito nga aldaw, mangidatagcayto iti maysa a daton a maaramid iti apuy ken Jehova: iti maicawalo nga aldaw isunto ti nasantoan a gimong cadacayo; ket mangidatagcayto iti maysa a daton a maaramid iti apuy ken Jehova: isu dayta ti nadaeg a gimong: dicay agaramidto iti pacabannogan.

Jonas 3:5

Ket dagiti tattao a taga Ninive pinatida ti Dios; ket inwarragawagda ti panagayunar, ket nagcawesda iti nakersang a lupot manipud cangatoan inggana iti cababaan.

Jonas 3:8

Ket maabbonganda coma iti lupot a nakersang dagiti tattao ken dagiti an-animal, ket awaganda coma ti Dios iti natbag unay: wen, isuda agbabawida coma tunggal maysa iti dalanna a dakes, ken iti panagranggas nga adda cadagiti imana.

Sofonias 2:1

Aguornongcayo, wen, aguornongcayo, O nacion nga awan ti bainna;