Joel 1:13 - Ti Biblia (1973)

¹³ Agbarikescayo iti lupot a nakersang, ket agasugcayo, dacayo a papadi; agdung-awcayo, dacayo a managannong iti altar; umaycayo, agiddacayonga agpatnag iti a nakersang, dacayo a managannong iti Diosco; ta ti daton a macan ken ti daton a mainum maipaidamda iti balay ti Diosyo.

Ti Baro a Naimbag a Damag Biblia

¹³ Dakayo a papadi nga agserserbi iti altar, agkaweskayo iti nakersang a lupot ket agsangitkayo. Inkay iti Templo ket agpatpatnag nga agsangsangitkayo. Awanen ti trigo wenno arak a maidaton iti Diosyo.

Joel 1:13 Iomraidhean Croise

2 Samuel 12:16

Ni David ngarud nagdawat iti Dios a maipuon iti ubing; ket nagayunar ni David ket simrec, ket amin a rabii siiidda iti daga.

1 Ar-ari 21:27

Ket naaramid, idi a ni Acab nangngegna dagidiay a sasao, nga isu rinay-abna dagiti pagan-anayna, ket nangicabil ti nakersang a lupot iti lasagna, ket nagayunar, ket nagidda iti nakersang a lupot, ket nagna a siiinayad.

Isaias 22:12

Ket iti daydiay nga aldaw ti Apo, a ni Jehova dagiti buybuyot, nangayab iti panagsangit, ken iti panagdung-aw, ken ti panagcalvo ken ti panagbarikes iti lupot a nakersang:

Isaias 61:6

Ngem dacayo managanancayto papadi ni Jehova; dagiti tattao naganendacayto ministros ti Diostayo: canenyonto dagiti sanicua dagiti nasnacion, ken iti dayagda maitan-occayto.

Jeremias 4:8

Gapu itoy agbarikescayo iti nakersang a lupot, agunnoycayo ken agdung-awcayo; ta ti narungsot a pungtot ni Jehova saan a simmina cadatayo.

Jeremias 9:10

Maipanggep cadagiti banbantay ipapasconto ti agsangit ken agasug, ket maipanggep cadagiti pagaraban iti let-ang maysa a panagunnoy, agsipud ta nauramda, iti casta awan ti lumasat; ket saan met a mangngegan dagiti tattao ti uni dagiti vaca; dagiti tumatayab ti langit ken dagiti animal nagtalawanda, awandan.

Ezekiel 21:12

Umawagca ket agdung-awca, anac ti tao; ta isu maibusor iti ilic, cadagiti amin a piprincipe ti Israel: isuda dagiti mayawat iti campilan agraman ti ilic; cabilem ngarud ti luppom.

Ezekiel 27:31

Ket agcalvodanto a maipuon kenca, ket agbarikesda iti nakersang a lupot, ket agsangitdanto a maipuon kenca a sipapait ti cararua ken iti napait a panagladingit.

Ezekiel 7:18

Agbarikesdanto met iti nakersang a lupot, ket macumotandanto iti pannacakigtot; ket ti bain addanto cadagiti amin a ruprupa, ken kinacalvo cadagiti amin nga ol-oloda.

Oseas 9:5

Ania ti aramidenyonto intono aldaw ti gimong a nangayed, ken iti aldaw a fiesta ni Jehova?

Joel 2:12

Uray pay ita, cuna ni Jehova, agsublicayo caniac, iti amin a pusoyo, ken buyugen ti panagayunar, ken panagsangit, ken panagpanes:

Joel 2:14

Asino ti macaammo no isu saanto nga agbaliw ken agbabawi, ket mangibati iti maysa a bendicion iti licudanna, uray pay maysa a daton a macan ken maysa a daton a mainum a maipaay ken ni Jehova a Diosyo?

Joel 2:17

Dagiti papadi, nga aganannong ken ni Jehova agsangitda coma iti nagbaetan ti duag ken ti altar, ket cunaenda coma, Ilacsidmo ti ilim, O Jehova, ket dica coma yawat ti patawidam iti pannacaibabain, tapno dagiti nasnacion agturayda coma cadacuada: ania ti gapu a cunaenda coma cadagiti il-ili, Sadino ti yan ti Diosda?

Numero 28:14

Ket dagiti datdatonda a mainum isudanto ti guddua ti maysa nga hin ti arac, a nayon ti maysa a bumaro a vaca, ken ti apagcatlo ti maysa nga hin a nayon ti maysa a carnero, ken ti apagcapat ti maysa nga hin a nayon ti maysa a cordero: daytoy isu ti daton a mapuuran iti tunggal bulan iti isu-amin a bulbulan ti tinawen.

Numero 28:4

Ti maysa a cordero idatonmonto iti bigat, ket ti caduana idatonmonto iti sumipnget.

Numero 28:7

Ket ti daton a mainum maysanto nga apagcapat ti maysa a hin a nayon ti maysa a cordero: iti nasantoan a disso, ibucbucmonto ti maysa a daton a mainum a naingel a mainum ken Jehova.

Numero 29:6

Sabali laeng ti daton a mapuuran iti baro a bulan, ken ti datonna a macan, ken ti cancanayon a daton a mapuuran ken ti datonna a macan, ken dagiti datdatonda a mainum, cas mayannurot iti alagadenda, a maipaay a nabanglo a sayamusom, maysa a daton a maaramid iti apuy ken Jehova.

1 Taga-Corinto 4:1

Iti casta ibilangdacami coma a ministro ni Cristo, ken agaywan cadagiti palimed ti Dios.

1 Taga-Corinto 9:13

Saanyo nga ammo a dagiti agtrabajo cadagiti nasantoan a banag, manganda cadagiti cucua ti Templo, ket dagiti agservi iti altar, makiapagda cadagiti cucua ti altar?

2 Taga-Corinto 11:23

Ministro ida ni Cristo? (Agsaoac a cas la napucawan ti nakem) Nangnangronaac: ad-aduan cadagiti panagbannog, ad-aduan ti pannacabalbalud, cadagiti pannacababaot nasuroc unay, cadagiti nganngani ipapatay namin-adu.

2 Taga-Corinto 3:6

Isu a nangaramid met cadacami a naananay a cas ministro ti Baro a tulag; saan a ti letra, no di ti espirituna; ta ti letra mamapatay, ngem ti espiritu mangted ti biag.

2 Taga-Corinto 6:4

No di ket, iti isu-amin italecmi ti bagimi a cacas la minministro ti Dios, iti adu nga anus, ladladingit, pacasapsapulan, ken rigrigat,

Paltiing 11:3

Ket itdecto ti palubos cadagiti dua a sacsic, ket agipadtodanto cadagiti sangaribo dua gasut ket innem a pulo nga aldaw, a sipapanesda cadagiti lupot a nakersang.