Jeremias 9:8 - Ti Biblia (1973)

⁸ Ti dilada macapatay a pana; isu agsao iti allilaw: ti maysa agsao a sitatalna iti caarrubana, babaen ti ngiwatna, ngem iti pusona isu sanebenna.

Ti Baro a Naimbag a Damag Biblia

⁸ Kasla makapatay a pana dagiti dilada; kanayon nga ulbod ti sawenda. Nasayaat ti panagsao ti tunggal maysa iti kaarrubana, ngem iti pusona, dakes ti panggepna.

Jeremias 9:8 Iomraidhean Croise

2 Samuel 3:27

Ket idi a ni Abner nagsubli iti Hebron, ni Joab isu ipacnina aginggana iti tengnga ti ruangan tapno makisao kencuana a sililimed, ket isu sinugatna sadiay iti bagina, iti casta natay, a maipuon iti dara ni Asael a cabsatna.

Dagiti Salmo 12:2

Agiinnulbodda tunggal maysa iti caarrubana: iti naaliog a bibig, ken iti nagsiping a puso, agsaoda.

Dagiti Salmo 12:3

Ni Jehova putdennanto amin a bibbibig a naaliog, ti dila nga agsao cadagiti nasursuroc;

Dagiti Salmo 120:3

Ania ti maitedto kenca, ken ania ti mainayonto pay kenca, sica manangiculbo a dila?

Dagiti Salmo 28:3

Dinac paadayoen a maicuyog cadagiti nadangkes, ken cadagiti agar-aramid iti kinadakes; a saoenda ti cappia cadagiti caarrubada, ngem kinagulib ti adda cadagiti puspusoda.

Dagiti Salmo 35:20

Ta dida saoen ti cappia; ngem sicatenda ketdi dagiti naulbod a sasao a maibusor cadagiti natalna iti daga.

Dagiti Salmo 55:21

Ti ngiwatna naglamuyot a cas mantequilla, ngem ti pusona isu ti gubat. Dagiti sasaona naluclucnengda ngem lana, nupay casta isuda dagiti siaasut a campilan.

Dagiti Salmo 57:4

Ti cararwac adda iti tengnga dagiti leon; agiddaac iti baet dagiti napadarangan, wen cadagiti annac dagiti tattao, nga dagiti ngipenda picpica ken panpana, ket ti dilada natadem a campilan.

Dagiti Salmo 62:5

Cararwac, agpannurayca a siuulimec iti Dios laeng; ta ti inanamac aggapu kencuana.

Dagiti Salmo 64:8

Iti casta maitublacdanto, a dagiti met la dilada ti maibusorto cadacuada: amin dagiti macakita cadacuada iwingiwingdanto dagiti ul-uloda.

Dagiti Proverbio 25:18

Ti tao nga agsacsi iti ulbod a maibusor iti caarrubana isu ti pang-or, campilan, ken natirad a pana.

Jeremias 5:26

Ta iti nagtengngaan ti ilic masaracan dagiti nadangkes a lallaki; agbantayda a cas ti panagsaneb dagiti mangnganup iti tumatayab; mangipacatda iti bateng, agtiliwda cadagiti tattao.

Jeremias 5:9

Saanacto aya a sumarungcar maipuon cadagitoy a banbanag? cuna ni Jehova; ket saanto aya a maibalesan ti cararuac iti maysa a nacion a cas daytoy?

Jeremias 9:3

Ket tiritirenda ti dilada, a cas la iti ba-ida, maipuon iti kinaulbod; ket pimmigsada iti daga, ngem saan a maipaay ti kinapudno: ta agtuloyda manipud dakes agingga iti dakes, ket saandac nga amammo, cuna ni Jehova.

Jeremias 9:4

Aluadanyo tunggal maysa ti caarrubana, ket dicayo agcammatalec iti asinoman a cabsat a lalaki; ta tunggal cabsat a lalaki, mangsaliw-an unay, ket tunggal caarruba magnanto a mamarpardaya.

Jeremias 9:5

Ket allilawendanto tunggal maysa ti caarrubana, ket saandanto a saoen ti pudno: insuroda ti dilada nga agsao cadagiti tiri; agbanbannogda tapno agaramidda iti kinadakes.

Mikias 6:12

Ta dagiti nabacnang a tattao kencuana napnoda iti ranggas, ket dagiti agnaed idiay nagsaoda cadagiti ulbod, ket ti dilada mangallilaw cadagiti ngiwatda.